Mrk 12

Terrta dø ndøø nduut kï deg'n ðan kïla kamt

(Oo Mat 21:33 teen 46; Luk 20:9 teen 19; Esa 5:1 teen 7)

1Kamla got, Jeju mba girr keld ta kï terrta. Eld an: De mad hø ndøø nduu, nda kïnga gugïn dø, ða lo þa nduu tit ho, ða kuj kï ngal kï dõ kad'n ngomïn ndøø nduu. Kamla la ndøø nduu ji ngéndøøgt kad kï ndøøn, na tøi aw mbah dø þet kïðang. 2Lon dønah ja kand nduu asï woi ye, la þer lon mad ro ngéndøøgt kad kï taa gaj kand nduu lon jidt. 3Na deg kï ngéndøø nduu høna ndana mbukïmbukï, na tel tuþana ad aw jin kari. 4Na ngendøø nduu tel la þer mad kï dødt gog tø: Høn þer'n non tïndan døa mbøkïmbøkï, tajïna ho ho, lan rosøl døat. 5Ngendøø nduu tel la kï þer mad kïðang gog tø, ngéðakïlag kam ndøø nduut tølïna. Kamla de kï ngendøø nduu la kï þerg lon ngãibe þaitø. Deg kï ngéðakïlag kam ndøø nduut tïndan kïmadg mbujmbuj, na tølïn kïmadg tø. 6Kïþe ngendøø nduu a kï ngon'n kï nge tar kïðabe, la sia kï ro ngéndøø nduut gog an: A þoolïn ndil ngonïm.

7Na ngéndøøg kïmajal'n non elïn na ta kudt anan: În ðan la i ngekõnduba ye; ad kï høna, kï tølïna, na j'ad nyanduba loa tel loj. 8Taa ne, tølïn ngon kïþe ngéndøø nduu, lana gid ndøøt kø.

9Jeju ndïje ta an: Ði kïþe ngendøø nduu a ða a? A ðe, kad tøl ngéðakïlag'n non, kamla a tel kï ndøø nduu la ji degt kï ngéðakïlagt kïðang. 10I da'n tag 'nten kam maktubt kïkunjðang'n el an: Mbal'n ngéðakuj mbetïna, mbal'n non la tel bïradø kuj kï dõ ye ale?

11I kïtakul ndig lo Bïraþe la telïn titbe ye.

I nya kï ya kïtatøj ale?

12Kïbog lo juipg sahn ðob kï'n høn Jeju. Kïtø gerïn þet kad terrta'n el ye, el dan død. Na þoolïn koosïdeg; kïta 'nten nya'n Jeju, na tøi awïn lo lod.

Parisïg kï deg lo Herod ndïjen Jeju ta dø kørr lambot

(Oo Mat 22:15 teen 22; Luk 20:20 teen 26)

13Parisïg kï deg lo Herod Antipas lan kï deg madg kudt ro Jejut, kad þana kï gum ta kï taat 14Lon ðen roat ye, elïna anan: Ngendoo deg, kï ger kad î Ngerota i ndï ørr de dene al, na i ndï ndoo deg kïkanj þool kumd, kïgo ðobt kï Luwah ndig kad deg ndulon go elj i goðobat kad kï ba lambo ngar Sejar a? Ke i goðobat kad kï ba al a? 15Na tit kan Jeju ger ndokum lod þet ye eld an: Kïtøði i ndï námïn ne a? I ðen kï sile romt so ad m'oo. 16Ðen kï sile adïna, kamla Jeju ndïjed an: Ndil de, kï tø de'n ndangïn silet 'nten ye, i lo nõ a? Turïna anan: I lo Sejar. 17Taa ne, Jeju eld an: Nya'n i lo Sejar ye, sumba kad adïn Sejar, na nya'n i lo Luwah a ne, maj kad adïn Luwah ho.

Ta kï ndïje dø þai ku ngékoit

(Oo Mat 22:23 teen 33; Luk 20:27 teen 40)

18Kamla Saduki madg ðen kï ro Jejut, în deg kï ngékel kan þai lo ngékoig lo koit goto. Ndïjena ta anan: 19Ngendoodeg. Moij ndang kam maktubt adj an: Îla de mad oi na nya nën kïkanj ngon a ne, kï ngonkõa taa nëa, titbe a ndakoh ngonkõ'n hã goto. 20Tag maði, ngankõnag în tanãimïta; kïdasa taa dekïdë, na oi kïkanj nya ngang gootïnt. 21Kï ngekõjoo taa dekïdë'n non tø, na oi kïkanj nya ngan'g gootïnt. Kï kõmïta kaa i titbe tø. 22Mbã ku ngankõnagt kïtanãimïta ye, tube taan dekïdë'n non kïkanj kad de kïða kudt nya ngan'g gootïnt. Goot gog taa ne, dekïdë'n non ðe oi ho. 23Ye ndø þai ngékoig lo koit, dekïdë'n non, a i në nõ jeje kudt? Kïtø ngankõnag tanãimïta la taana tube ye. 24Na Jeju turd an: I ndõmïn ðob, kïtøði i ndomïn ne ðob a? I kïta i gerïn girr maktubg kïkunjðang al ho, i gerïn girr tøg lo Luwah al ho. 25Kïtø lon ngékoig a þain lo koit ye, dekïdïngã kï dekïdëg a taan na al ta, na deg a în tit malaikag kï dørãt dõ. 26Na døtat lo ngékoig taa ne, i da'n kam maktubt lo Moij lot'n elta lo du ngar kï horr i kamt nõ ale? I lot'n non la Luwah el Moij an: Mî Luwah lo Abraham, kï Isaak kï Luwah lo Jakob. 27Luwah i Luwah lo ngékoig al, na i Luwah lo ngékumkajirg, ye i udïn mut kï rota.

Mberkïnda kïbo tøi

(Oo Mat 22:34 teen 40; Luk 10:25 teen 37; Rom 13:8 teen 10)

28De mad ku ngéndang maktubgt oo dø, ta'n majïn na. Na oo kad ta'n Jeju tur ye, tur maj, ndøt kï roat, na ndïjea an: Ku mberkïndagt ye, kïðen kudt i kïbo tøi a? 29Jeju tura an: Mberkïnda kïdasa bang laten: î Israel oo dø. Bïraþe i Luwah loj, i kïkïðanbe la i Bïraþe ye. 30A i tar Bïraþe Luwah loi kï ngarkami tube, kï roi tube, kï tagahi tube, kï tøgi tube tø. 31Kï kõjoo tø laten: a i tar madþei tit roi be. Mberkïnda mad kïbo tøi îgïn non goto.

32Ngendang maktub el Jeju an: Maj. Ngendooj, ta'n el ten i rota: Bïraþe kïkïðanbe la i Luwah ye. Luwah mad kïðang goto, na î tã; 33sumba kad dekïðen tara kï ngarkamïn tube, kï tagahn tube kï tøgïn tube, sumba kad dekïðen tar madþen tit ron be, telrogotat 'nten i soot ngãi tøi kadkarig kïla horr kï kadkarig kïjakø tube. 34Jeju oo kad ngendang maktub turta kï goosï ye, ela an: Î sãi al kï kõþe lo Luwah. De mad kï ire kamïn kad'n ndïje ta kï titbe Jeju goto ta.

Jeju ndïje ta dø ngon Dabidt

(Oo Mat 22:41 teen 45; Luk 20:41 teen 44)

35Jeju ða ndoo deg kam kuj kawnat lo juipg. Ndïje ta 'nten deg an: Titbãi ngéndang maktub ndï elïn anan Krist i Ngon Dabid a? 36Dabid î kïþe, Ndil kïkunjðang ørra ta ðob ad el an:

Bïraþe el Bïraþe lom an:

I ðe i ndï dø jikomt

mbã kad m'tel madngétaig m'ad în girr tøgit.

37Îla Dabid î kïþe el an: Krist i Bïraþe lon a ne, titbãi hã Krist a i ngon Dabid a?

Jeju el deg kad oon go rod maj dø ngéndang maktubt

(Oo Mat 23:1 teen 14; Luk 20:45 teen 47)

38Jeju ndood kam nyandoot lon an: Oon go rosï maj. Ot ðan nya tit ngéndang maktub'n neld la kub kïngal maj maj, a ndian ne kï dø ðobg kad ðand lapia kï køsïgon kam sukïgt. 39Deg'n non în ngésah lo ndï kïmaj kam kuj kawnat lo juipg, kï lo ndï de kïbog lo mburr namt. 40În deg kï ngétaanyag lo dekïdë ngéngawkoig tube; în deg kï ngékelta ngãi; kad deg oon kad în ngékelta kï Luwah jeje, na i ndokum koon. Kïtø 'nten, takïgang lo Luwah'n a gang dødt ye, a ot þool tøi lo ndeg deg.

Jeju øsïgon dekïdë kï ngengawkoi'n ad Luwah nyaþetro lon tube

(Oo Luk 21:1 teen 4)

41Kam kuj ndub Luwaht Jeju ndï ber sumba sand sew, oo koosïdeg'n ða lan nar kadkarit adïn Luwah. Ngényamajg ngãibe ün nar lod kam sundt nõ ho. 42Dekïdë mad kï ngendo ðe ho, ü ngan sile joo kam sund nart. Sile kïjoo nõ asï nar joo. 43Taa ne, Jeju kun ngéndoog lon kï ront, na eld an: I rota la m'ndï m'elsï ye, nya'n dekïdë kï ngengawkoi la kam sundt ye, tøi kï lo ndeg deg tube. 44Kïtø deg'n non tube adïn gaj nya kï tëbe kam nyamajg lod kï to mbuj; na dekïdë'n non taa ne, kam ndot loa, ad nyaþetron kïtaagbe.

Currently Selected:

Mrk 12: MB80

Highlight

Copy