Mrk 10

Jeju ndoo deg kad tuþan nëdg al

(Oo Mat 19:1 teen 12; Det 24:1 teen 4; Mat 5:31 teen 32)

1Jeju þai nõbe, aw døningt kï Jude, kï gid bah Jurdët ko nu; koosïdeg tel kawïn na kï roat gog. Jeju mba girr ndood gog tit'n ndï ndoond maði nõ. 2Parisïg ndøtïn kï roat, ndïjena ta anan: I goðobat kad de tuþa nën e? Ndïjen ta titbe kad'n yan ne gum Jeju. 3Jeju turd an: Mberkïnda'n Moij ndang adsï ye, el an ði a?

4Turïna anan: Moij nya ta ðob ad de'n ndig tuþa nën a ne, kï ndang maktub tuþa ada. 5Jeju turd an: Moij ndang mberkïnda 'nten adsï kïta ngarkamsï kï kongkong. 6Na: lo yaþoodat nu, lon Luwah ndah døning ye, Luwah ða dekïdïngã kï dekïdë. 7Kïtø 'nten dekïdïngã a nya bøwïn kï kon, kad'n tînyàn na kï nën; 8în tujoo a telïn dãro kïkïða. Titbe labekïnõt în joo al ta, na în daro kïkïða. 9Nya'n Luwah dønat ye, maj kad de tut al. 10Lon tel ðen kam kujt gog, ngéndoog loa ndïjena tag ngãi þaitø. 11Jeju eld an: Îla de mad tuþa nën, na taa dekïdë mad kïðang a ne, ndï ðaa ngaw ta ða koon. 12Na îla dekïdë nya ngawn, na aw taa dekïdïngã mad kïðang a ne, dekïdë'n non ndï sah ngaw ta sah.

Jeju njang dø ngan kïðoig

(Oo Mat 19:13 teen 15; Luk 18:15 teen 17)

13Deg ðen kï ngan kïðoig ro Jejut kad ød'd kï jin. Na ngéndoog loa kølïn kï deg'n non ngãi. 14Lon Jeju oo nya'n ngéndoog lon ðan ye, þawong ngãi ad eld an: I nyan ngan kïðoig ad'd ðen kï romt, ot køgïnd dø, kïta kõþe lo Luwah i lo deg kï titbe. 15Rota m'ndï m'elsï kï tïga wakïsï: dekïðen taa kõþe lo Luwah tit lo ngan kïðoig al a ne, a and kamt al bat. 16Kamla Jeju kui ngan kïðoig kï ront, na ndah jin dødt njangïn død tø.

Ta lo Jeju kï de kï ngenya

(Oo Mat 19:16 teen 30; Luk 18:18 teen 30)

17Kaglon Jeju ndig kï n'aw ye, de mad ðe kï ngød, øsï gojïn ber nõat, na ndïjea an: Ngendoo deg kïmaj. Ði sumba kad m'ða kï m'ngahn kumkajir kï mbãkïnõt a? 18Jeju ndïjea an: Kïtøði i kunmïn de kïmaj a? De kïmaj goto, na Luwah kïðabe tã. 19I ger mberkïndag: a i tøl de al. A i sah ngaw ke dekïdë al. A i þog al bat. A i manaj kï ngom dø madþeit al. Øsïgon bøwi kï kõi. 20De kï ngenya ela an: Ngendoo deg, m'tel rom go nyagt'n non tube lon mîn kï basam þaitø. 21Jeju urr kumïn kï døat, ta õ kama kïtatøa, na ela an: Nya kïða la dui ye, aw i ðaw nyag loi tube, na ad nara ngéndog a ne, þet a i ngah nyamajg kï kam dørãt; kamla, i ðe i ndulo gom. 22Na lon de kï ngenya oo ta 'nten ye, ða kamkil, ad takuma høndo, kïta nyangah loa i ngãi.

23Jeju nøl ngéndoog lon'n gugïn døn, na eld an: Ngang ngãi kïta ngényamajg kad andïn kam kõþet lo Luwah. 24Ta ya ngéndoog loa ngãi dø tat 'nten ad Jeju tel eld an: Nganïm, lo gang lam kïta deg'n ndï þan kul nyamajg lod kad andïn kõþet lo Luwah. 25Õ al kad lukum and ta bulo libirt tøi kad ngemaj and kam kõþet lo Luwah. 26Ta ya ngéndoog loa kï tøi takøl, ad ndïjena anan: Îla i titbe ye, nõ asï ngah kaj a?

27Jeju nøld mbet't kamla eld an: ko ro degt, nyan 'nten i root al, na ro Luwaht taa ne, nyag tube i root. 28Nõbe Pierr mbagirr kela kan: Oo, kï mbet nyag tube, kad kï ndulo goi. 29Jeju tur an: Rota la m'ndï m'elsï ye: Dekïðen nya kuj lon, ngankõn kïdïngã kï kïdë, kï kon, kï bøw'ï, kï nganïn, kï ndøøg lon kïtatøm kïta Hoita Kïmaj, 30de'n non a ngah nya døt nja þu tajigla kam koht'n ðan ad a ngah kujg, ngankõn kïdïngãg kï kïdëg kï bøwg, kï kõg, kï ngan'g, kï ndøøg nat kï darondo tø. Na kam koht'n a ðe a ngah kumkajir kï mbãkïnõt. 31Na deg kïdasa ngãibe a telïn deg kï døboit. Na deg kï døboit ngãibe a telïn kïdasa.

Jeju elta dø koint kï þain lo koit

(Oo Mat 20:17 teen 19; Luk 18:31 teen 34; Mrk 8:31 teen 33)

32Jeju i døðobt kï deg'n a ndulon goa, ndï awïn kï Jerusalem. Jeju ndia nõdt kete, kam ngéndoog loa dad ta paa, îgïn în nat sia ye, þoolïn ho. Jeju tel kun ngombangkïlag lon kïkïlah gidaijoo kï ront gog kad'n n'eld ta. Mbagirrr keld ta dø nyat'n þet a tee dønt. 33Oon, ndï kï j'aw Jerusalemt: þet a lan Ngon de ji kïbogt lo ngéjamosïkadkari, kï ngéndang maktub, a gangïn ta koi døat, a lana ji girrdegt kï gerïn Luwah al. 34Deg'n non a gona, a tuwïn horr tad døat, a ndana kï ndeh, kamla a tølïna. Na go ndøt kïkõmïta a ne, a þai ku ngékoit.

Îla de mad ndig kï nî kïbo a ne, maj kad tel ngekïlaþer

(Oo Mat 20:20 teen 28; Luk 22:24 teen 27; Jã 13:3 teen 17)

35Kamla Jak kï Jã, ngan Jebede ndøt'n kï ro Jejut elïn anan: Ngendooj, kï ndig kad kï ndïjei nya mad na kï køi kad i ndig døt sej. 36Jeju eld an: Ði i ndigïn kad m'ða m'adsï a? 37Turïna anan: Lon a i ndï dø pong kõþet loi ye, kï køi kad adj ta ðob kad kï de mad ndï ko jikõit, na mad ndï ko jigelit ho. 38Jeju eld an: I gerïn nyan i ndï kø'n nõ al. Asïn kãi kop kõ kï ngaht'n þet m'a m'ãi nõ õ? Ke asïn ða baptem kamkõt kï ngah tit'n þet a ðamïn ne ye ho oo? 39Turïna anan: J'asï ða nya nõ. Jeju eld an: Rota, a ãin kam kopt'n þet m'a m'ãit nõ; na a ðasïn baptem kamkõt tit mî tø ho. 40Na ndï dø ji komt ke dø ji gelïmt, i ta lom al, kad m'ad de; na i Luwah la ðago log'n non kete woi, kïta deg'n þet a ad'd.

41Lon ndeg ngéndoog kïkïlah oon dø ta 'nten ye, þan wong kï tïnga bil kï Jak kï Jã. 42Na Jeju kund kï ront, kamla eld an: I gerïn maj, ta kad deg'n ndand kad õnþe dø girrdegt kïdangdang ye, ndï ðan ngar dødt kï lo ngetøgt, na kïbog lod ndï lan dø deg girr tøgdt tø. 43Na în taa ne, i titbe kusït al, îla de mad kusït ndig kad nî kïbo a ne, sumba kad tel ngon ngekïla losï. 44De'n ndig kï nî kïbo tøi kusït a ne, maj kad ða kïlaþer losï tube. 45Kïtø Ngon de ðe kam døningt kïtakad deg ðan kïlaþer adnïn al, na ðe kad kï'n ða kïlaþer n'ad deg ho, kï n'ad ron nyabadøt kad'n bandø deg ngãibe hø.

Jeju yoot mundo'n tøa i Bartime ad oo lo.

(Oo Mat 20:29 teen 34; Luk 18:35 teen 43)

46Jeju kï ngéndoog lon aw teen Jerikot, kamla tel teen kam þe Jerikot, sed ngéndoog lon kï koosïdeg ye, mundø mad kï tøa i Bartime ngon Time, ndï bøg ðobt ndï kø nya. 47Lon oo dø kad i Jeju kï Najaret't la ndï tøi ye, ga tan kot kï ndin kïbo an: Jeju, Ngon Dabid oo kumtondo lom. 48Deg ngãibe ndángïna kad ndï tan mbo. Na mundo ða ko par par kï tøgïn an: Ngon Dabid, oo kumtondo lom. 49Jeju duba na el an: I kunïna so. Deg kunïn mundo na elïna anan: I høtøgibá. I þai dõ, ða kuni.

50Mundo tînyà kub lon kø, na þai rat aw kanang ro Jejut. 51Jeju ndïjea an: Ði i ndig kad m'ða m'adi a? Mundo tura an: Ngendoodeg, m'ndig kad m'oo lo. 52Jeju ela an: Aw lo loi; kadkam loi aji. Na mundo ngah koo lo, na ndulo go Jeju.

Currently Selected:

Mrk 10: MB80

Highlight

Copy