Mat 4

Sitan ná Jeju kam dïlalot

(Oo Mrk 1:12 teen 13; Luk 4:1 teen 13)

1Kamla Ndil ørr Jeju aw sia kam dïlalot kï n'ad sitan náa. 2Jeju oron nyasa ndø døsøø kï kàd døsøø taa ne, þo tøla søkïrr. 3Kamla ngenádeg ndøt kï roat, ela an: Îla î ngon Luwah a ne, el gaj mbalg 'nten ad telïn nyasa.

4Na Jeju tur an: Ndangïn kam maktubt anan: De a ndï kï døn dõ kïtakul nyasa hã kïðabe al, na kïtakul ta kïðen ndï tee ta Luwaht tã.

5Kamla sitan una aw sia þebot kïjaþat, ndaha dõ dø kuj ndub Luwaht, 6na ela an: Îla î ngon Luwah a ne, i kïlla i so kï ber, kïta ndangïn kam maktubt anan:

Luwah a elta malaikag lon ad a gaan døit,

kad laain kï dajid,

na þeta i ga njai mbalt mad.

7Jeju ela an: Ndangïn kam maktubt anan: A i ná Bïraþe Luwah loi al.

8Got gog sitan ørr Jeju, aw sia dõ dø mbalt mad kï ngal puwuw, daa kõþeg tube kï døningt kï majd ad oo, 9na ela an: Îla i ndï kïdøgoj, øsï døi ber nõmt a ne, m'a m'adi nyag'n non tube.

10Taa ne, Jeju tura an: Aw kø, sitan. Kïtø ndangïn kam maktubt anan: A øsï døi ber nõ Bïraþe Luwaht loi; î kïðabe la a i ða þer loa ye.

11Kamla sitan tînyàa, na malaikag ðen ro Jejut ða ðan kïla adïna.

Jeju Krist mbagirr kïla lon Kapernawmt

(Oo Mrk 1:16 teen 20; Luk 4:14 teen 15; Jã 1:35 teen 43)

12Lon Jeju oo hoi Jã kad lana dangãit ye, Jeju tel aw gog døning Galilet. 13Nya þe Najaret, na ðe ndï Kapernawmt; þe kï ndï ta bahbot kï Galile, kam døning Jabulõt kï Neptali. 14Ða titbe kad tølïn ta tag'n Ngekelta kï ta Luwaht Esai el an:

15Døning Jabulõ kï døning Neptali,

kokad bahbot, kï gid Jurrdët ko nu,

kï døning Galile lo deg kï gerïn Luwah al,

16deg'n non kï ngendï kam tilt ye,

oon kunj mad kïbobe;

na îgïn ndïn døning ndil koit ye,

kunj tee kï dødt.

17Kaglot'n non la Jeju mbagirr la mber tat lon an: I tørrïn ndisï kïta kõþe kï dørãgt i nderrbe.

Jeju kun nawg søø kad în ngéndoog lon kïdasa

(Oo Mrk 1:16 teen 20; Luk 5:1 teen 11)

18Jeju a ndia ta bahbot kï Galile, la oo ngankõnag joo: Simõ'n a kunïna Pierr, kï Andre kï ngonkõa, ndï ün bandbïra kï bahbot; kïta în nawg. 19Jeju eld an: I ndulon gom. Na m'a m'ad i telïn naw hø deg.

20Tentenbe tînyàn bandbïrag, na ndulon goa. 21Jeju tøi kï kete ngonsî þaitø a ne, oo ngankõnag madg joo tø: Jak ngon Jebede, kï Jã ngonkõa, în kam toot sed bøwd Jebede, ndï døøn kum bandg lod; Jeju kund. 22Na kïtajigt, nyan bøwd kï kam toot, na ndulon goa.

Kïla lo Jeju Krist døning Galilet

(Oo Mrk 1:32 teen 39; Luk 4:43 teen 44; 6:17 teen 20)

23Jeju lago log kam døning Galilet tube, a ndoo deg kam kuj kawnat lo juipg, a lamber hoita kïmaj lo kõþe lo Luwah, a yoot ngémõig kïdangdang, kï mootg kïdangdang ku degt. 24Tøa ko kïgolog kam døning Sirit kïtaagbe, na deg ðen kï ngérotog tube roat, kï îgïn yotog kï nyakïtog kïdangdang ndï ðad, kï deg'n ndilg kïmajalg în kamdt, kï ngékilg, kï ngérokoinjørg, ad yootd. 25Bakad deg koosïg ndulon goa ko Galilet, ko Dekapolt, ko Jerusalemt, ko Judet kï ko gid bah Jurrdët ko nu.

Currently Selected:

Mat 4: MB80

Highlight

Copy