Jon 3
3
Deg kï þebo Ninib nyan ta ðob lod kïmajal
1Kamla ta lo Bïraþe ðe ro Jonast nja kïkõjoo, an:
2I þai aw Ninib, þe kïbo ngãi'n non, i la mber ta'n m'eli.
3Jonas þai aw Ninib tit'n Bïraþe elan. Ninib i þe kïbo ngãi, nda dan þea gang asï ndia ndø mïta.
4Jonas mba girrr kand kam þebot, ndia ndø kïða, ndï la mber ta an: Nãi ndø døsøø a ne, þebo Ninib a nuj.
5Deg kï Ninib adïn kamd Luwah, lan mber køg ro nyasa, lan kub høndo rodt, mba girrra dø kïbogt mbã kï dø kïdugt.
6Lon ta tee ro ngart kï Ninib ye, þai dø pong kõþet lon, ørr kub mbaiþe lon kø, la kub høndø gootat, ndï kam buhorrt.
7Ngar ndamber, na ad lan mber'n non kam Ninibt: 'Nten i ta kï tee kokïro ngart kï mbaiþeg lon, Ot kadïn de, ke dã, ke mang, ke bat ødïn nya mad tadt. Ot kad san nya. Ot kad ãin man.
8Na kï adïn deg kï dãg tu lan kub høndo rodt. Kï kon kï ndid kïbobe kï dø Luwaht. Ã, kï dekïðen nya ðob lon kïmajal kø kï nyaðaa kï lo ngetøgt.
9Nõ asï ger ke maja Luwah a nya ta, a nyàgo wong lon kïtalsøkïrr kïtakad kï nujïn al?
10Lon Luwah oo nya'n deg ðan nõ, kï nya kï dekïðen nya ta ðob lon kïmajal kø ye, Luwah nya ta køjta ða sed nya kï to.
Currently Selected:
Jon 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.