Heb 11
11
Kamdkam lo deg kï maði
(Oo Jã 8:56; 1 Pie 1:8; Psom 33:6 teen 9)
1Kadkam Luwah, i kam kï ger þet kad kï ngah nyag în kï ndahn kamj døt, i naj kï to kïðubagt dø nyagt'n de ndï oo kï kumïn al. 2Kïtakul kadkam la deg kï maði ngahn ne najkïma kïmaj nõ Luwaht.
3Kïtakul kadkam la ndï kï gerïn køikøi kad Luwah ndah kàd kï nah kï kïmëg kï døning kïtakul ta kï tant, ad nyag'n ndï kï j'oo kï kumj teen ko ro nyagt kï ton tïga wakïsï ta kum det al.
4I kïtakul kadkam Luwah la, Abel lan kadkari kïmaj tøi lo Kain ad Luwah ye. Kïtø kadkari'n non Luwah elïn ta døat an: Abel i de kïdenesew kïta Luwah kï døn ta kadkari loa. Ke Abel oi kaa ne, ndï elj ta kïtakul kadkam lon þaitø.
5Kïtakul kadkam la, Luwah unïn Henok kï kam dørãt dõ ad oi al, de mad kï ngaha gog goto kïta Luwah una kï dõ kad ndï ront. Maktub lo Luwah el an: Kete kad Luwah una kï dõ ye, Henok i ngeðanya kï nel Luwah. 6De kï asï nel Luwah kïkanj kadkamïn Luwah goto. Kïtø de'n ndï ndøt kï ro Luwaht a ne, maj kad adkamïn kad Luwah i nõ, kamla i ngebaji deg'n ndï sahna kï rotîd tø.
7Kïtakul kadkam Luwah la, Luwah elïn ta Noe dø nyagt'n de oo kï kumïn al þaitø, ad Noe telrongotat lo Luwah, ad ða too kïbo ngãi ajïn ngékïþe lon. Kadkam loa hø deg kï døningt kï ta, na Luwah ørr ta døat, ooa de kïdenesewt.
8Abraham adkamïn Luwah ad tel ron go tat lo Luwah, lon Luwah kuna'n kad þai døning koojïnt, aw døningt mad kïðang'n un kø'n kad n'ada. Abraham þai aw kïkanj ger lo'n ndï awt. 9Kïtakul kadkam Luwah la Abraham aw ndïn tit mbah be kam døningt'n Luwah un køn kad n'ada, ndï kam kuj kubt nat kï Isaak kï Jakob kï în madngékõnduba nat sia dø kunkøt kï kïða'n non. 10Kïtø Abraham nda kamïn dø þebot mad'n girra kï ndah i kïngangngang ho ða bijir ho. Kïtø Luwah kï døn la i ngekøj go gor þe'n non ye, î tø la i ngeðaa ye.
11Kïtakul kadkam tø la, Sara ke neni tel bïga bugum kïta kaglo kooja ngon tøi kaa ne, Sara ndah kamïn dø nyat kïða: Kad Luwah'n un køn ye, i ngetøl kon kunkø lon. 12Titbe la kokïro det kï kïðabedo, ad i de'n aw ta koit nderrbe, deg teent ngãi tit kïmëg kï dõ dørãt be, tit ngár kï ta bahbot kï dum tïda.
13Deg'n non oin tube kam kadkam Luwaht. Ke ngahn nyag'n Luwah unïn køn ad'd al kaa ne, oon nyag'n non ko sãi nu, oon død kï ronel tø, elïn ta kï tïga wakïsï anan, nîn mbahg ngétøi dø døningt. 14Kïtø deg kï ngékelta kïtitbe ye, ndï øjïn kï tïga wakïsï kad'n ndïn sahn þe mad kïmaj tøi. 15Kïtø ni gan kamd dø lot'n teent a ne, ni a ngahn ðob tel tit gog. 16Deg'n non ndïgïn þe mad kïmaj tøi, ad i þe kï dõ dørãt. Kïtø 'nten ro Luwah søla'n al kad kunïnïn Luwah lod, kïta ða þe mad woi kïtatød.
17Kïtakul kadkam Luwah la, Luwah nán Abraham kï n'oo ke ði a ða a? Lon Luwah ndïjean kad la ngonïn Isaak kadkarit adïn. Abraham i de'n Luwah un køn ada, titbe kaa ne, Abraham ndig døt ad la ngonïn kadkarit ad Luwah. 18Luwah el Abraham an: Kam Isaakt la a i ngah kohit ye, kïgo kunkøt'n m'un m'adi. 19Na Abraham gaa kamint an: Luwah asï kad ad Isaak þai ku ngékoigt, ad Abraham tel ngah Isaak gog, tit þai lo koit be.
20Kïtakul kadkam la, Isaak njang'n dø Jakob kï Esaw an: Maj a urd kam ndøgt'n a ðen. 21Kïtakul kadkam la Jakob lon ton ta koit njangïn dø ngan Jojep kïða kïða, kamla øsï døn ber nõ Luwaht, ndïna ron dø kagtøsït lon.
22Kïtakul kadkam la Jojep elïn ta døkàd koint, dan dø tee Israelag kam døning Ejipt't kïtïga, eld ta dø nyat'n sumba kad ðan kï kïngan'g.
23Kïtakul kadkam Luwah la ngékooj Moise yan ne døa nah mïta go koojat, kïta oon, i ngon kïmaj dum, na þool ðad al, ad telïn rod go mberkïndat lo ngar al. 24Kïtakul kadkam la Moise mbetïn kad'n kun ron ngon ngar Paraõt kïdë lon tøgïn gang. 25Moise køt, an: I soot kad ðan sen nya kïmajal nat kï deg lo Luwah tøi kad kï n'oo maj ron kam majalt kï ða kaglot kï tëbe. 26Moise oo kad ngah tajg kïta Krist i nyakïmaj ngãi tøi nyamajg kï kam døning Ejipt't kïtaagbe, kïta ur kumïn go nyabajit'n a ngah kaglot'n a ðe, 27kïtakul kadkam Moise nya'n døning Ejipt kø kanj þool wong kï tïngabil lo ngar, kïta hø ron ngang tit ndï oo Luwah kï dum ko kï kum be, 28i kïtakul kadkam Luwah la Moise nda'n mber kad deg jan kø ngon bat Pakït, na kad ðan mosa tabitg, kïtakad malaika kï ngetøldeg ðe tøl nganderrg lo Israelag al.
29Kïtakul kadkam la, Israelag ndan ne bahbo kï kïrre gangïn tit døning kï tut be, na lon deg kï Ejipt't sah kï ngangïn bahbo kï kïrre ho ye, man tuw død purum.
30Kïtakul kadkam la, ndøgbørrg kï þebot kï Jeriko tuson ne ye, lon Israelag ndian gugïn døa ndø tanãimïta. 31Kïtakul kadkam la Rahab kaya dekïdë høn ngéndalog lo Israelag kïront kï lapia, ad oi nat kï deg kï ngételrodgotat lo Luwah al al.
32Ka m'an ði þaitø a? Kïtø kaglo asïm al tajigla kad m'elïn ta dø kadkamt lo Jedeõ, Barak, Samsõ, Jepte, Dabid kï Samuel kï ngékelta kï ta Luwaht. 33I kïtakul kadkam Luwah la deg'n non tetïn ne ðøø kõþeg lo girrdeg madg, õnþe dø degt kïgo ðob nyaðat kïdenesew, ngahn ne nya'n Luwah unïn kø'n ad'd, ndan ne ta tubog nat. 34Tølïn tøg horrg kïkõ giling giling, ajïn rod ta nyakatgt. În deg kï tøgd goto, na kadkam Luwah teld degt kïngang, în gõðøøg, Luwah ad'd tøg ad tuþan koosïdeg ad ãin na. 35Kïtakul kadkam la dekïdë madg tel ngahn ne deg lod kï oin kïta adïnd þain lo koit.
Deg madg tø ðan sed nya kï kõkõ, na mbetïn kad de ørrd ta kõt'n non. Kïtø ndigïn þai lo koit, kad ngahn ne ndï kï dø dõ kïmaj tøi. 36Kïmadg þaitø deg tajïnd, ndand kï ndeh riw riw. Døøn kïmadg kï jinjirg, na ünd kam dangãit. 37Madngétadg tïland kï mbal tølïnd, tïja gangïnd dene joo kï sii, tølïnd kï nyakatg, kïmadg ndian kïgo log kïkanj la nya mad kï kut dø rod, na lan ngïra batg kï ngïra binyag tã rodt, dangt ðad, deg ðan sed nya kïmajal. 38În deg kïmaj ngãi, na deg kï duniat oon majd al. Ndian kam mut kï dø mbalbog kï yo, kï në. Ndan þe kam bulo mbalgt kï hoolþeg kï døningt.
39Deg'n non tube adïn kamd Luwah. Kïtø 'nten la telïn ne nyandaj kïta koosïg. Titbe kaa ne, nya'n Luwah unïn køn ad'd ye, deg'n non ngahn al. 40Kïtø Luwah øj nya mad kïmaj tøi kïtatøj kete woi. Kïtø 'nten, ndig kad deg'n non teen kï kasïnatapt kïkanj'j al.
Currently Selected:
Heb 11: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.