Yaþ 48

Jakob njang dø Epraim kï Manase

1Go nyagt'n non, elïn Jojep anan: Oo mõi ða bøwi. Na Jojep øi nganïn kïdïngã kïjoo, Manase kï Epraim aw sed. 2Elïn Jakob anan: Oo ngoni Jojep ðe roit. Kamla Israel hø ron ba, ndï dõ dø tïrat. 3Jakob el Jojep an: Luwah Ngetøgtube tee høi kï romt þet kï Luj kam døning Kanaat, njang døm. 4Elïm an: Oo m'a m'ad ooj ngan'g, m'a m'ad bïlan kïdøtdøt, m'a m'teli girrdegt kïdangdang koosï, na m'a m'ad døning 'nten kohi kïgoit kad i nyakagþe loa kïmbãkïnõt. 5Tajigla ngani kïdïngã kïjoo, îgïn oojïnd adin kam døning Ejipt't kete nõ teem roit kam døning Ejipt't, Epraim kï Manase, a în lom tit'n hã Rubë kï Simeõ în ne lom ye be ho. 6Na ngang'n oojd godt a în loi. A kunïnd kï tø ngankõdg kïdïngã la kad taan nyakõnduba lod. 7Lon m'tel ko døning Padan-Aram ye, m'ða kamkil kïta Rasel oi kadïmt dø ðobt kam døning Kanaat, ðob kaw Eprata wo sî þaitø, na m'duwa nõbe kad ðob kaw Epratat, ad i Betlehem.

8Israel oo ngan Jojep kïdïngã, el an: Îgïn ðan în nõg a? 9Jojep tur bøwïn an: În nganïm kïdïngãg'n Luwah adïm në be. Israel ela an: M'køi, ad'd ðen kï romt kad m'njang død. 10Kum Israel øi dirir kïta i bïga ad asï koo lo al. Jojep ad'd awïn roat. Israel rad lapia njuta, kuid kï ront. 11Israel el Jojep an: M'oo m'an m'a m'oo takumi gog al, na oo Luwah nyam ad ngani kaa m'ood. 12Kamla Jojep ørrd dø goj bøwïnt, na øsï døn ber ningt. 13Jojep øid tujoo, hø Epraim jikõnt sumba jigel Israel, na hø Manase jigelïnt sumba jikõ Israel'n, na aw sed nderrbe kï roat. 14Israel sira jikõn ndah dø Epraimt, în i kïdu, na nda jigeln dø Manaset. Mbel go jin tit be tø njang'n død tïtø Manase i ngonderr. 15Kamla njang dø Jojep, el an: Luwah'n bøwïmg Abraham kï Isaak ndian nõat, Luwah kï ngengomïm ndø koojïmt mbã þone 16malaika ngekug kørrïm kam majalt tube kï njang dø ngang'n ðan, kï ad kunïnd kï tøm, kï tø bøwïmg Abraham kï Isaak. Kï ad'd bïlan kïdøtdøt ngãi døningt. 17Lon Jojep oo kad bøwïn ndah jikõn dø Epraimt ye, nela al, ad hø ji bøwïn dø Epraimt, kad kï n'telïn'n ndah dø Manaset. 18Jojep el bøwïn an: A a i titbe al bøwïm, în ðan la i ngonderr ye, i ndah jikõi døat 19Na bøwa mbet, el an: M'ger, ngonïm, m'ger î kaa a tel girrdeg, î kaa a i kïbo, na ngongoa a i kïbo tøia; koah kaa a tel girrdeg koosïg kïdangdang. 20Njang død ndøt'n non, an: Kïtakuli la Israela a njangïn dø, an: Kï Luwah teli tit Epraim kï Manase. Na ndah Epraim kete nõ Manaset. 21Israel el Jojep an: Oo m'to m'oi, na Luwah a i nat sesï, a tel sesï kam døningt lo bøwsïg. 22M'adi gaj døning mad tøi kï lo ngankõi, kï m'ta ji Amoriagt kï kiyaðøø lom kï gã kïrã lom.

Currently Selected:

Yaþ 48: MB80

Highlight

Copy