Teekïtïga Takïdøt
Takïdøt
Teekïtïga girra i tee lo ngan Israelg þe þert. Lon ngan Jakob þain døning Kana aw ndïn døning Ejipt't, kaglot lo Jojep kï ngon Jakob'n tel ngekõþe døning Ejipt't (Oo yaþooda 37 teen 50). Got gog ngan Israelg kï ngandg telïn þerg lo ngar Paraõ kï Ejipt't. Ngar'n non un ndïn kad tølïn ngan kï kasïg'n Israelag oojïnd. Ku ngangt'n oojïnd nõ, kïmad Luwah tee sia kudt, ad i Moij. Luwah køt Moij kad tee kï ngan Israelg kø kam døning Ejipt't kïta Israelg telïn girrdeg lo Luwah.
Maktub elta dø teet'n Luwah tee kï ngan Israelg þe þert (ðob nina 1 teen 8). Þai dø ðob ninat kï 19 mbã teen 24, elj ta dø kunkøt'n Luwah un ad ngan Israelg. Kunkø'n non øj go namna kï Luwah hø, kï girrdeg lon, kad ørr nõd tee sed kam þert. Þai dø ðob ninat 25 teen 40, øj'j kad Luwah taa girrdeg lon nyad dõ.
Luwah ndødïn na kï Moij, Luwah ela ta kam dù kámt kï horr ndï õt, na õ kám al. Luwah la Moij kad taa girrdeg lon nyad dõ ho, kad gerïn tøn ho.
Ngar kï Ejipt ða døngang, mbet tel ron go tagt lo Luwah, ad nya ngan Israelg ad awïn al.
Yokoosïg kïdandang son dø Ejipt't.
Luwah ad bahbokat kï kïrre gang dene joo, ad ngan Israelg tøint kï njad.
Kamla ngan Israelg ndian kam dïlalot kï Sinait, Moij ørr nõd (ðob nina 15 njørra 22 teen ðob ninat 18 njørra 27).
Kam dïlalot, Moij ørr kot deg lon, na ndød Luwah dø mbal Sinait. Ngah ta koro Luwaht telïn kï ro degt lon, eld ta kï ta Luwaht (ðob nina 19 teen 20). Ad'd mberkïndag dø jindïdt, kï nyaða kïgo lo Luwaht, ad'd mberkïndag kïgo kunkøt'n Luwah un ad ngan Israelg (ðob nina 21 teen 23).
Ngan Israelg, maj kad telïn rod got kad mbïnad kï Luwah to kï lapia. Ðan nyag kïgo ndïgt lo Bïraþe (ðob nina 24). Go nyat'n ðan kïgo ndigt lo Bïraþe ye, ngan Israelg ðan nya ða kïlag kïta ðan ne kïla kad Bïraþe (ðob nina 25 teen 31). Na ngan Israelg ðan yo mang kad n'øsïn død ber nõat. Tujïn kunkø'n Bïraþe un ad'd nõ. Moij kø kï rotîn kïta ngan Israelg ad Luwah tel un køn ad'd gog tit kïkete nõ (ðob nina 32 teen 34). Þai ðob ninat kï 35 teen 40 ye, j'a kï ngah ta lo deg kï ko nya, kï ðan nya ða kïla kïta ngégoosï ða kïla kam lot kïjaþat kïgo mberkïndat lo Bïraþe'n kï ngah kam maktub Teekïtïgat ðob nina 25 teen 31 nõ. Tajigla, Luwah ngah lo kïta ndï kamt dan degt lon. Nõbe a ørr nõd mbã kad tee sed døning kunkøt'n un køn kad ad'd nõ.
Maktub Teekïtïga i maktub kï ndaa tot ngãi, kï kadkam lo ngan Israelg. Kam maktub 'nten Luwah ad girrdeg lon gerïnïn kï tøn, kamla ørrd kam þert, øj go ðob'n maj kad telïn ne rod go tat lon ho, kï ðan ne þer adnïn ho.
Currently Selected:
Teekïtïga Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.