Teekïtïga 8

1Bïraþe el Moij an: El Aarõ an: I la jii kï kag tøsï loi kïdø bahgt kï kïdø ngan bahgt kï kïdø man kãrgt ad kãrg þain kïdø døning Ejipt't 2Aarõ la jin kïdø man'gt kï Ejipt ad kãrg þai utïn dø døning Ejipt. 3Mboolig ðan titbe tø kïtakul kïla mboolig lod kïmund ad kãrg þain kïdø døning Ejipt't.

4Kamla Paraõ ad kunïn Moij kï Aarõ, el an: I køn Bïraþe kad ørr kãrg romt kø kï kï ro degt lom, na m'a m'nyà deg kad awïn jan mosï kadkari adïn Bïraþe. 5Moij el Paraõ an: I ndig loi kad ørr kaglo kïtam, în sumba kad m'køn kïtatøi kï þerg loi kï deg loi, kïtakad Luwah nuj kãrg'n non kø roit, kï kujg loi, kad nãin kam baht koon. 6Paraõ el an: Loti Moij el an: Kï ða i elïn nõ, kïtakad i gerïn de kïmad kïtit Bïraþe Luwah loj goto. 7Kãrg a nyain kï kujg loi kï þerg loi kï deg loi, a în kam baht koon.

8Moij kï Aarõ teen ro Paraõt kïtïga. Moij un ndin ko'n kïdø Bïraþet kïta kãrg'n ad'd ðen dø Paraõt. 9Bïraþe ða tit'n Moij elïn ad kãrg oin kam kujgt, kï kam natlogt, kï kam ndøøgt tø. 10Kawïnd kïdønat, na døning ot ndum.

11Lon Paraõ ngah kaglo ta ko ye, ða døngang ad oo dø ta lo Moij kï Aarõ al, ða tit'n Bïraþe elïn non.

Ngisag san deg kï Ejipt

12Bïraþe el Moij an: El Aarõ: I la kag tøsï loi, i ndan buning kad tel ngisag kam døning Ejipt't kïtaagbe 13Ðan titbe, Aarõ la jin kï kag tøsï lon, ndan buning ad tel ngisag kïdø degt kï kïdø dãgt. Buning tube tel ngisag kam døning Ejipt't kïtaagbe. 14Mboolig ðan set kïtakul kïla mboolig lod kïmund kad teen kï ngisag na dumd. Ngisag în dø degt kï dø dãgt. 15Kamla mboolig elïn Paraõ anan: 'Nten i ngon ji Luwah Kam Paraõ kongkong kïdøt, oo dø ta lo Moij al tit'n Bïraþe elïn nõ.

Bahkad kong koosïg san deg kï Ejipt

16Bïraþe el Moij an: I þai kïsî ritit, aw i ðà nõ Paraõt, a tee kïta kaw ta mant. A ela an: Bïraþe el an: I nya deg lom ad awïn kïtakad ðan kïlaþer admïn 17Îla i nya deg lom ad awïn al a ne, oo maj m'a m'la bahkad kong koosïg kïdøit kï kïdø þergt loi kïkam kujgt loi. Kujg lo Ejiptiag a ðoosïn kï bahkad kong koosïg kï døningt'n ndïnt. 18Ndøt'n non m'a m'nyà døning Gosen'n deg lom ndïnt tadang, kad bahkad kong koosïg int al, kïtakad i gerïn mî Bïraþe mî kï log tube mbã kï døningt loi. 19M'a m'gang ðobnin mbïna degt lom kï deg loi. Nyakøj'n non a ða nya loti.

20Bïraþe ða titbe, bahkad kõg koosïg andïn kam kujt lo Paraõ kï kam kujgt lo þerg loa kï kam døning Ejipt kïtaagbe. Døning tuj kïta bahkad kõg koosïg.

21Paraõ ad kunïn Moij kï Aarõ, kamla eld an: Awïn, i jan mosï kadkari adïn Luwah losï kam døningt 'nten 22Moij el an: Sumba kad kï ða titbe al, kïta kadkari'n j'a kï ja j'ad Bïraþe Luwah loj ye, i nya kïyerr kï ro Ejiptiagt. Oo îla j'a kï ja mosï kadkari kï i nya kïyerr kï ro Ejiptiagt kï takumdt a ne, a tïlajïn kï mbal ale? 23J'a kï ndia ndø mïta kam dïlalot, j'a kï ja mosï kadkari j'ad Bïraþe Luwah loj, a ndajïn mbera. 24Paraõ el an: M'a m'nyàsï m'ad awïn, kïtakad i jan mosï kadkari adïn Bïraþe Luwah losï kam dïlalot, na oon maj kad awïn sãi ngãi al. I køn kïtam 25Moij el an: Oo m'a m'tee roit kïtïga, m'a m'kø Bïraþe kad loti bahkad kong koosïg a awïn kø ro Paraõt kï þerg loa kï deg loa. Ot kad Paraõ goolj na mbet nya deg kad awïn jan mosï kadkari adïn Bïraþe 26Moij tee ro Paraõt kïtïga na kø Bïraþe. 27Bïraþe ða tit'n Moij kø'n ad ørr bahkad kong koosïg kø ro Paraõt kï þerg loa kï deg loa, kïkïða kaa nãi al.

28Kaglot 'nten tø Paraõ ða døngang, nya deg ad awïn al.

Currently Selected:

Teekïtïga 8: MB80

Highlight

Copy