1 Tes 4
4
1Tag 'nten ngankõ kad m'tølïn ta ta lom. Kete i ndoon rojt ðob kï titbãi a i ða ne nya kï nel Luwah, i titbe la i ndï ðan ne tø ye, na i ndï ðan awïn ne kï ketekete, kï køsï kï rotîj ho, j'øjsï kï i ðan nya 'nten kam tø Bïraþe Jeju Krist't. 2Kïtø i gerïn køjg'n j'adsï kïgo tøgt lo Bïraþe Jeju nõ. 3Kïtø 'nten nya'n Luwah ndig kokïro det kïðen la ten, kï nyaðasï i kïjanjoi. Kï i jan rosï þat kad dekïdët kï sah, kï ngawt kï ða. 4Kï dekïðen kusït kï ger taa dekïdë kïgo ðobt kïjanjoi kï asïta køsïgon. 5Ot kadïn nyurkõ kïmajalg dumïn døsï tit deg kï gerïn Luwah al be. 6Oon maj, kï de mad tøi dø ta 'nten al. Kï de mad gool ngonkõn kam nyat mad al. J'elsï ta 'nten kete woi, na j'ug j'elsï þaitø, Bïraþe a gangta dø degt kï ngéðamajalg kï titbe. 7Kïtø Luwah kunj kad kï jan roj þat kø kad majalt kï ða, na kad kï ða majal al. 8Kïtø 'nten de'n mbet nyandoo 'nten a ne, mbet nyandoo lo de al, na mbet nyandoo lo Luwah'n adsï Ndil'n kïkunjðang. 9Na ta kï dø tart taa, ngankõ kam Krist't, maj kad m'ndang ta mad kïðang m'adsï al ta, kïta în kïþe kï døsï i ndoon nya 'nten ro Luwaht kad i tarïn na. 10Rota nya 'nten i ndï ðan titbe kï ngankõ ngendï døning Masedøant kïtaagbe. Na kï ndï kï j'øjsï kad i ðan maj kï døt kï tøi þaitø. 11I sahn ðob kad i ndïn kï lapia kï na. Oon go nyag losï kï køsï døsï, i ðan kïla kï jisï tit'n j'øjsïn. 12I titbe nyaðasï kï sumba loa a ða ad i ngahn køsïgon ro degt kï ngéger Luwah al, na a i sahn nyaþetrosï ro de madt al.
Luwah a ad ngékoig þain lo koit
13Ngankõ kï ndig kad în dai dø tat lo deg'n oin al, kï ndig kad i ðan kamkil al, tit'n ndeg deg ndï ðan ne, îgïn nya mad kï kad ndahn kamd døt goto. 14Îla kï ger kamjt maj kad Jeju oi, na þai lo koit, ndï kï ger titbe tø kad deg'n adïn kamd Jeju kamla oin ye, Luwah a ad'd tel ðen nat kï Jeju. 15Kïtø ndï kï j'elsï ta'n tee kïgo nyandoot'n Bïraþe ndooj: Jî deg'n kï nãi kumkajir mbã ðe Bïraþe ye, j'a kï j'awïn kete nõ îgït'n oin al. 16J'a kï j'oon dø ndï ta mad kïbo j'a j'oon ndï ta lo Bïradø malaikag, kï kah brunj lo Luwah kï ko, kamla Bïraþe î kïþe kï døn a ðisï ko kï dõ dørãt. Deg'n oin kam Krist't a þain lo koit dasa. 17Got gog jî deg'n kï nãi kumkajir ye, a øijïn rat nat sed kï kam kil ndiit kad kï ndød Bïraþe ngawden rãt dõ. Titbe j'a kï jî nat kï Bïraþe kïndøgndøg. 18Kïtø 'nten i sølïn kam na kï tag 'nten.
Currently Selected:
1 Tes 4: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
