1 Jã 3
3
Jî ngan Luwah
1Oon tar kïbo'n Luwah kï Bøwj tarj. Ad kunj nganïn. Titbe tø jî ngana kï rota. Na kïta ger'n deg kï duniat gerïn Krist al la dunia gerjïn al ye. 2Ngétar tajigla jî ngan Luwah woi, na nya'n j'a kï tel ye, i kï tee dø al þaitø, na kï ger kad ndø'n Krist a tee høi ye, j'a kï tel tita, kïta j'a kï j'ooa kï kumj tit'n în. 3Dekïðen ndï kï kam kï ndah dø Krist't a ne, ndï ngom ron kïkunjðang dø majalgt, tit'n Krist în kïkunjðang ye be tø.
4Dekïðen ndï hø ðamajal kïndøgndøg a ne, ndï tøi dø mberkïnda lo Luwah, kïtø majal kï ða, i tøi dø mberkïnda lo Luwah. 5I gerïn þet Jeju Krist ðe døningt kad n'øi majalg loj kø. Kïtø majal mad goto kam Krist't bat. 6Kïtø 'nten dekïðen ndï kï kamat a ne, ndï hø ðamajal al. Dekïðen'n ndï hø ða majal kïndøgndøg a ne, oo Krist al ho gera al ho tø. 7Nganïm, ot kadïn de mad goolsï. De'n ndï ða nya kïdenesew, i de kïdenesew tit'n Krist în de kïdenesew ye be. 8Na de'n ndï hø ðamajal kïndøgndøg a ne, i kï lo sitan, kïta sitan i ngeðamajal lo yaþoodat nu, kïta 'nten la Ngon Luwah ðen døningt kïtakad'n tuj kïlag lo sitan. 9De'n i ngon Luwah a ne, a hø ða majal kïndøgndøg al, kïta kumkajir lo Luwah i kamat, asï kaw kï ketekete kam majalt kï ða al, kïta i ngon Luwah. 10Oon nya'n øj'j kï tïga wakïsï kad ngan Luwah kï ngan sitan în dang la ten: Dekïðen n'ndï hø nyaða kïdenesew al a ne, i kï lo Luwah al, ho ndï tar ngonkõ al tø.
Sumba kad ngétaata lo Krist tarïn na
(Oo Jã 13:34 teen 35; 15:12 teen 21; 1 Jã 4:7 teen 8,16 teen 21)
11Ta'n kï la mbera lo yaþoodat nu, ad oon dø kï mbisï laten. Sumba kad i tarïn na. 12Sumba kad jî tit Kain al. Kain i kï lo sitan ad tøl ngonkõ. Kïtøði tølan a? Kïtø kïlaða Kain i kïmajal, na kï lo ngonkõa i kïdenesew. 13Ngankõ, îla deg kï døningt ndï øsïsïnta a ne, ot kadïn ta yasï. 14Jî kï ger maj tajigla, kï nda koi kï gang kï kumkajirt, kïta kï ndï kï tar ngankõ. De'n tar loa goto a ne, ndï kï kam koit. 15De'n ndï øsïta ngonkõ a ne, i ngetøl de, na i gerïn þet, ngetøl de kï ndï kï kumkajir kï mbãkïnõt kamïnt goto. 16Tar i ði a? Jî kï ger kad Jeju Krist ad ron kïtatøj. Jî tø, sumba kad j'ad roj kïta ngankõjg ho. 17Îla de mad ndï kï nyaþetron døningt ne, na oo ngonkõ kï kam ndot, na ad ta õ kama kïtatøa al a ne, de'n non a an: Ndï n'tar Luwah a? 18Nganïm, ot kad kï tar deg kï taj ho kï takelg kïmaj koon, na maj kad kï tar deg kï kïlaðaj kï kam rotat tø.
Ndï kï kam kï misïmisï nõ Luwaht
19Kï lo tarnat la j'a kï gerïn kad jî ngan rota ye, j'a kï j'adïn kamj sokïber nõat tø. 20Îla ngarkamj høj kï taa ne, Luwah i kïbo tøi ngarkamj ho ger nyag tube tø. 21Ngétar, îla ngarkamj høj kï ta al a ne, ad kï ndïn kï ngarkam kï misïmisï nõ Luwaht. 22Nya ði kï ndï kï kø Luwah a ne, Luwah ndï adj, kïta kï ndï kï ngomgo mberkïndag loa, kï ndï kï ða nyag'n nela tø. 23Nya'n Luwah ndaj mbera la ten: Maj kad j'ad kamj Ngona Jeju Krist ho, sumba kad kï tarïn na kïgo mbert'n ndaj. 24De'n ndï ngomgo mberkïndag lo Luwah a ne, ndï kï kam Luwaht, Luwah tø ndï kï kamat. Kïlo îtïn ten la, ndï kï gerïn ne kad ndï kï kamjt, kïtakul Ndil'n adj ye.
Currently Selected:
1 Jã 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.