1 Kor 14
14
Ta madg kïðang dø kadkarigt'n Ndil Luwah ndï ad ngékawnag
1Dasabang i sahn ðob tar deg kï rotîsï, i tîn rosï kat kad i ngahn kadkarig kïgo ndilt tø. Na kï tøi, i tîn rosï kat kad i ngahn kadkari kelta kï ta Luwaht. 2Kïtø de'n ndï elta kï taþe kïðang kï de ger al, ndï elta kï Luwah na kï deg al, na ndï eltag kïmund kïtakul tøg Ndil. 3Na de'n ndï elta kïta Luwaht a ne, de'n non ndï elta deg kad ðan sed kï dõ kam Krist't, kad ad'd tøg, kad søl kamd tø. 4De'n ndï eltaþe kïðang kï de ger al ye, ndï ða kï ron î kïþe kï dõ kam Krist't. Na de'n ndï elta kï ta Luwaht a ne, ndï ða kï ngékawnatube kï dõ kam Krist't ho. 5Mî taa m'ndig kad în tube elïn ta kï taþeg kïðang kï de ger al, na kï tøi m'ndig kad elïn ta kï ta Luwaht, kïta de kï ngekelta kï ta Luwaht ndï ða kï deg tøi de kï ngekelta kï taþe kïðang kï de ger al, na îla ad mbelïn ta'n el kï taþe kïðang nõ tã kïta ða kï ngékawnatube. 6Na tajigla ngankõ, îla m'aw rosït, m'ða m'eltaþe kïðang kï de ger al a ne, maja i ði kïtasï a? Maja goto. Na îla m'elsï ta, m'teen dø takïmulnd'n Luwah tee dø adïm, ke m'elsï kïgo nyagert, ke m'elsï ta mad kï ta Luwaht a ne, maja to nõ kïtasï. 7I titbe kïta nya nda ndom kï tit tow, ke kïndeh, îla ndï tetïn ndid dangdang al a ne, titbãi a gerïn go nya'n ndï kunïn kï tow ke ugïn kï kïndeh a? 8Kïtø îla tøwðøø ko burna a ne, nõ a ða ron kïta ðøø a? 9Titbe tø în, îla i ndï elïn ta kï taþe kïðang kï de ger al, na elïn ta ørr njereng al a ne, titbãi a gerïn ne ta'n i ndï elïn a? Ta'n elïn nõ a i tit nel kï la be. 10Nyag kïdangdang døningt awïn kï ndid, nya mad kïkanj ndïn goto. 11Kïtø 'nten îla m'oo girr ta al a ne, m'a mî nyakør ro ngekeltat, ngekelta a i tit nyakør be romt tø ho. 12Titbe tø în tit kan hã i ndï tîn rosï kat kad i ngahn kadkarig, kï Ndil Luwah ndï ad ye, i sahn kad i ngahn kadkarig kï to mbuj kïta ðan kï ngékawna kïdõ kam Krist't.
13Kïtø 'nten de'n ndï elta kï taþe kïðang kï de ger al a ne, maj kad kï kø Luwah kad ngah tøg kad mbelïn ta'n non ad deg oon girra. 14Kïtø îla m'ndï m'elta kï Luwah kï taþe mad kï m'ger al a ne, ndilm la ndï elta kï Luwah ye, na hangalïm ngah nya mad al. 15Ye ka'm ða ði a? M'a m'elta kï Luwah kï ndilm, m'a m'elta kï Luwah kï hangalïm tø; m'a m'øsï pa kï ndilïm, m'a m'øsï pa kï hangalïm tø. 16Kïtø îla i ndub Luwah kam ndilt koon a ne, de'n i ngekoodø ta koo ye a ða titbãi kad ndig Amin ta ndub Luwaht loi a? Kïtø de'n non ger kam ta'n i ndï el nõ al. 17Ke îla elta kï Luwah maj ðaan mersi kaa ne, a ða kï deg kï dõ kam kadkamt lod al bat. 18M'ða mersi Luwah, m'elta kï taþeg kïðang kï de ger al m'tøisï tube. 19Na dan ngékawnat, m'ndig kad m'elta mî kï hangalïm kad m'ndoon deg, maj tøi kad m'elta dub kïlah kï taþeg kïðang kï de ger al.
20Ngankõ ot kad tagahsï i tit tagah ngan kïdug. Na dø majalt kï ða la kï în tit ngan kïdug ye, na kam tagahsït kï în deg kï tøg gang. 21Ndangïn ta 'nten kam maktubt lo Luwah: M'a m'elta Israel girrdeg lom kïtakul deg kï ngékeltaþeg kïðang. M'a m'eld ta kï ta deg kï în girrdeg lom al, titbe kaa ne, a oon dø ta lom al. 22I titbe la kadkari kelta kï taþe kïðang kï de ger al, i nyakøj kïta ngékadkamalg, na i nya mad al ro degt kï ngékadkamd Luwah. Na kadkari kelta kï ta Luwaht i nyakøj kïta ngékadkamd Luwah, na kï ro degt kï ngékadkamd Luwah al ye, i nya mad al. 23Îla ngékawnatube kawïn na kïnat lo kïða, ndï elïn ta kï taþeg kïðang kï deg gerïn al, na îla deg madg ðen kïta koo dø ta a ke ngékadkamd Luwah al andïn a ne, a elïn anan: kurdøsï woi ale? 24Na îla ngékawnatube ndï elïn ta kï ta Luwaht kamla de mad kï ngekad kamïn al, ke de mad kï ðe kïta koo dø ta ndï and a ne, kama a høa kï ta dø majalt loa, tag tube'n oo dø a ada gah ta. 25A kïjan tagah kïyaro kamat kïtïga, a so kï takumïn nõ Luwaht, a øsï døn ber nõat, a elta kïtïga wakïsï an: Rota Luwah i kusït.
Mberkïndag dø nyaðat kïgoagoa kam ngékawnat
26Ke ði maj kad kï ðan a ngankom, lon i ndï i kawïn na kï nat, de mad asï køsï pa, de mad asï ndoo deg, de mad ndï tee kï ta kïmund'n Luwah tee dø ada, de mad ndï kï ta mad kï kel kï taþe kïðang kï de ger al, na maj kad de mad mbelta lo de'n non. Sumba kad i ðan nyag tube kad ða kï ngékawnag kï dõ kam kadkamt. 27Îla de mad elta kï taþe kïðang kï de ger al a ne, kï deg joo ke mïta, elïn ta, øsïn gona kïða kïða, kamla kï de mad mbelta'n non. 28Na îla ngembelta kï tadt goto a ne, kï de kï ngekelta kï taþe kïðang'n non kï ndï tan mbo ku ngékawnat, kï elta kamïnt kï Luwah koon. 29Maj kad deg joo ke mïta elïn ta kï ta Luwaht, na kï ndegag nulïn tit'n elïn ye ke i goðobat a? 30Na îla de mad ngah ta kïmund kï tee kokïro Luwaht a ne, maj kad de'n ndï elta kete ye, kï nya tan kamtã. 31Kïtø în tube asïn kelta kï ta Luwaht, na maj kad elïn øsïgona kïða kïða, kïtakad deg tube ngahn nyandoo rosït kad ða sed kï dõ. 32Sumba kad kadkari kelta kïta Luwaht i girr tøgt lo ngékeltag'n non. 33Kïtø Luwah kunj kad kï ndïn lo kawnat kï burþukt al, na kad kï ndïn kï na kï lapia. 34Kï dekïdëg ndïn tad mbo kam ngékawnat. Tit'n i kï ðan kam ngékawnagt tube. Nyan kad dekïdëg elïn ta al; na kï ndïn girr tøgt tit'n mberkïnda elïn tø. 35Na îla dekïdëg ndigïn kï'n ndoon nya mad a ne, kï ndïjen ngawdg kuju kïta i nya kïrosøl kad dekïdë elta kam ngékawnat. 36Ði kï be, ta lo Luwah tee ko rosït e? Ke ðe rosït kïkïðasïbe e? 37Îla de mad oo a an: Nî ngekelta kï ta Luwaht, ke oo a an n'aw kï kadkari'n Ndil Luwah ad, kï de'n non ger køikøi taag'n m'ndï m'ndang m'adsï, i mberkïndag lo Bïraþe.
38Na îla de mad ndig turgo al a ne, kï de turgo de'n non al tø. 39Kïtø 'nten, ngankõn kï i tîn rosï kat kad elïn ta kï ta Luwaht. Na ot køgïn dø kelta kï taþe kïðang kï de ger al. 40Na kï i ðan nyag tube kïgoagoa tit'n sumba loa kad i ðan ne.
Currently Selected:
1 Kor 14: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
