Sekaria 14
14
1Koany, ebunit apaaran naka EJAKAIT, naekorokoroere lunatarakon kokidinikon. 2#Yok 3:2. Naarai atukonokini atekerin kere asurokin Yerusalem aitijie; irumio ere, eŋatario itogoi, aŋor da emunaario: iioreorio atutubet naka ere, konye luideunos luka ituŋa mam egelario kore. 3Kosodi konyet elomari EJAKAIT, aitiji atekerin nun, kwape kejior kapaaran naka ejie. 4#Esk 11:23; Asw 1:11,12; Yok 3:12. Kapaaran kaŋin ebwoete akekejen komoru loka Iseitunin, loitei Yerusalem kari nakokide; ecila emoru loka Iseitunin kokidinike kari nakoto ka ari da nakokide, ejaun aditot naepol noi; enyoun atutubet naka emoru aibe ari naka agolitomei, ka atutubeteke ace aibe ari naka eŋalakimak. 5#Amo 1:1; Mat 24:30; Yok 3:11. Ikerete yesi da kaditot naka ironanaka, naarai edoli aditot naka ironan Asel: eebo, ikerete, kwape ikeriata anyoun kamaran naka akwap kapaarasia nuka Usia ekabaka loka Yuda. Kosodi kanen ebuni EJAKAIT Ekadeke, ka lukalaunak kere nepepe kaŋes.
6Kosodi kanen kapaaran kaŋin, mam ejaun aica kaimiliaun karaida amuton: 7#Apu 21:23. konye eraun apaaran adiopet naeieni EJAKAIT; mere apaaran, mere kuare da: konye kanen do ejaun aica eboŋ,
8 #
Esk 47:1; Yok 7:38; Apu 22:1. Kosodi kanen kapaaran kaŋin, elelearete akipi nukajarak anyoun ko Yerusalem; atutubetekee ebeete aŋolol nakokide, atutubetekee da ebeete aŋolol nako to: ejaunete kamu, ka aiporo da.
9 #
Sab 2:8; Pes 4:5,6. Eraun EJAKAIT ekabaka loka akwap kere: kapaaran kaŋin eraun EJAKAIT ediopet, ekekiror da ediopet.
10 #
Nek 3:1. Ituluorio akwap kere apuuton, anyoun koGeba kiton Rimon kari naka eŋalakimak naka Yerusalem. Konye esali Yerusalem, ieelelei kaiboisike, anyoun korute loka Benyamin kiton aibois naka erute losodit, kiton orute loka Agor anyoun da kotogo loeoja loka Kananel kiton acueta nuka ekabaka. 11#Yer 31:40; Apu 22:3. Iboiete ituŋa da kotoma, mam bobo ekenit; konye iboie Yerusalem iyamakina,
12Na ŋes atular naedanyia EJAKAIT ituŋa kere luetijiete Yerusalem: ebosi akecekirin eriŋa ebwoete, ebosikinete akeeekonye toma adokoeokee, ebosikinete anaiepakec toma aitukekee. 13#1 Sam 14:15. Kosodi kanen kapaaran kaŋin, ejaun aiticanio naebuni kama ejai EJAKAIT mamakee; ikamuni ninitunanan akan naka ikeidunyet, ikeuni da akekan asurokin akan naka ikeidunyet. 14Yuda da itijiei Yerusalem. Etukonokinio abar naka atekerin kere nuirimorito, esabu ka epuesa, ka anapito, luipu noi noi. 15Edoikini da atular kwape atular nin obalasin, onyubun, akaalai, asigiria, ka otian da kere luejaunos oidukurun ŋul.
16 #
Isa 66:23; 1 Tim 6:15; Nek 8:14; Kos 12:9; Leb 23:39-43. Kosodi kanen elosenenei ninituŋanan yenideun katekerin kere nuapotu koloto asurokin Yerusalem, elosenenei ŋesi nclikaru aima Ekabaka, EJAKAIT loka ajoresio, ido idari ŋesi epucit loka iswamin. 17#Isa 60:12. Ejaun do ebe nin yenika ikekia kere luka akwap yenimam elosi Yerusalem aima Ekabaka, EJAKAIT loka aioresio, mam akiru etepakini kes. 18Arai da mam ekek loko Misiri elosi, aitodiar bon, kosodi edoikini atular mamakee, naedanyia EJAKAIT atekerin numam elosete aidar epucit loka iswamin. 19Ŋin ŋes eraun aiticanet naka Misiri, ŋes aiticanet da naka atekerin kere numam elosete aidar epueit loka iswamin.
20Kapaaran kaŋin egirir koeirin luka ibalasin ebe, “Yenikalaunan yenika EJAKAIT.” Eputokinos da amoti nukotoma otogo loka EJAKAIT, kwape atanya nukoinaren ketem. 21#Kol 3:17; Isa 35:8; Apu 21:27; Pes 2:19. Eebo, eraun ninimot koYerusalem ka Yuda nakalaunan mama ejai EJAKAIT loka ajoresio: nul kere da lueinakinete asuban epote eyaŋaarete kes, ipoete akiriŋ naka asubanit kotoma. Kapaaran kaŋin da emameun bobo ekagwelanaran kotogo loka EJAKAIT loka ajoresio,
Currently Selected:
Sekaria 14: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
