Iromayon 2

1 # Mat 7:1; Luk 6:37; Yok 8:7. Aso emamei jo aiyar, ijo ituŋanan yenitubokini yenice; naarai ŋun nuitubokini yenice, itubokin ilopet aitelekar, naarai jo yenitubi, iswamai da ŋupeŋun, 2Kijeni oni ebe aitub naka Edeke erai nakabeit mama ejaas ŋul luiswamaete nuikote nen. 3Ijo ituŋanan, yenitubokini luiswamaete nuikote nen, iswamai ijo da ŋupeŋun, iwomit ebe ikui tope kaitub naka Edeke? 4#2 Pet 3:15. Imwaŋit kereka ijo abar naka ajokisike, ka aŋirikin, ka atitiŋikinitike da? Mam kereka ijeni ebe ajokis naka Edeke kiriuni jo aitoronikin? 5Konye kanuka aninikukon, ka etaukon loemamei aitoronikin, iŋadakin bon anyunyura kapaaran naka anyunyura ka apukorio naka etube loedolit loka Edeke, 6#Sab 62:12; Awa 24:12; Mat 16:27; Yok 5:29; 2 Kor 5:10. loetacakini ŋinituŋanan kwape ejaatar aswamisioke; 7mama ejaas ŋul luemoete aibuses ka ayoŋio, ka aibut, kotoma atitiŋ naka aswamisio nuejok einakini aijar naka ikar kere. 8#2 Ses 1:8. Ido kaŋul kalueŋolopaka, luiulakinito abeit, luerimasi amamus adolit, edumunete anyunyura ka adedeŋ. 9#Rom 1:16; 3:9. Ejaunete ican ka aridakinio toma aijar naka ŋinituŋanan yeniswamai nueroko, aisiaun lyudayat, ka Iyonanit da, 10konye aibuses ka ayoŋio ka ainapakin mama ejai ŋinituŋanan yeniswamai nuejok, aisiaun Iyudayat, ka Iyonanit da. 11#Ikis 10:17; Asw 10:34; 1 Pet 1:17. Naarai emamei aitiak ituŋa kama ejai Edeke.

12Naarai lukediakarete kere komameete ikisila, emudiaros da komameete ikisila, ŋul da kere lukediakarete kojaas kikisila, etubokinio kokisila. 13#Mat 7:21; 1 Yok 3:7; Yak 1:22,25. Naarai mere ŋul luiirarete ikisila kes eraas ikadolitok kakonyen nuka Edeke, konye ikeswamak ikisila kes luitojokio araut ikadolitok. 14#Asw 10:35. Naarai naiswamaata Imo luemameete ikisila koinono loka ikisila, karaida emameete ikisila eraas kesi ikulepek ikisila. 15#Rom 1:32. Itodikinete ebe iwadikatai aswam naka ikisila toma otauonokec itejenikini da etaukec, iwosaete akeceomisio nuepegasi bonik ka bonik, arai bo eiyaros; 16#2 Tim 2:8. kapaaran naetubokinia Edeke nukaiyeiyea nuka ituŋa kama ka Yesu Kristo kwape ejaatar Akiro Nukajokak nuketitiŋitai eoŋ.

17 # Yak 2:19. Konye jo, arai kinyaritai Eyudayat kogoŋakina okisila, iwoloboboi kama ejai Edeke, 18#Pil 1:10. kojeni nuekoto ŋesi, icamuni da nuitelekarito ajokis, kituutooritai kotoma okisila, 19#Mat 15:14; Luk 18:9. itogogoŋit bon araut ekeŋarenon loka imudukiok, aica da naka ŋul kaluejaas amuton, 20#2 Tim 3:5. eketetenan loka ibaŋiok, ekesisianakinan loka imukerun, ijai kaput naka aijen ka abeit toma okisila, 21#Sab 50:16-21; Mat 23:3,4. aso jo loisisianakini loce, mam tope isisianakini bon? Jo loilimonokini ebe Sirikokoi, ikokoi kereka ijo? 22Jo loibala ebe Siridote, idotei ijo? Jo loisacit aputosia, iŋasi ijo abilai? 23Jo loiwolobobot kotoma okisila, itisili kereka Edeke kanuka apaar kokisila? 24#Isa 52:5; Esk 36:20. Naarai kwape iwadikatere ebe, “Einyanakinio ekiror loka Edeke katekerin kanukus.”

25 # Yer 4:4; 9:24,25. Naarai ejai akepio ajokis arai iswamai ikisila; konye arai irai ijo loipaarit kokisila, arau akonikepio amamus akepio. 26#Gal 5:6. Aso arai erici lomam ekepep aicorakineta nuka ikisila, mam kereka amamus akepioke imarakinio araut akepio? 27Ŋol da lomam ekepitai koinono loerici ikisila, mam kereka kitubokini jo loijaas kaiwadikaet ka akepio da, loipaari kokisila? 28#Yok 8:15,39; 7:24. Naarai ŋol loerai Eyudayat kokuju mere ŋol Eyudayat cut, karaida akepio nakokuju toma akuan; 29#Ikis 30:6; Age 49:8; Kol 2:11. dimarai ŋol loerai Eyudayat kotoma, ka akepio nakotau kotoma omoyo kwabo mere aiwadikaet. Akeiturio mam ebuni kotuŋa dimarai kama ejai Edeke.

Currently Selected:

Iromayon 2: AOV1961

Highlight

Copy