Apukokinio 8

1 # Sek 2:13; Kbk 2:20. Naapukoria Imerekek aipucet nakikanyetekaarei, kejai aililiŋ toma akuj bala apak naka atutubet naka esawa. 2#Mat 24:31. Kasodi kaany imalaikan ikanykaarei luebwoenenete kakonyen nuka Edeke, koinakinai kes arupepen akanykaarei.

3 # Amo 9:1; Any 30:1,3; Apu 5:8. Kobu emalaika ece kobwo koiŋaren ketem, kejai aisupurunet naka esabu; koinakinai ŋes lukisupurununo luipu tetere ibwaikin nepepe kailip naka lukalaunak kere otem loka esabu lokejai kiŋaren keicoloŋ, 4#Sab 141:2. Kopurio apuru naka lukisupurununo nepepe kailip naka lukalaunak, kakan naka emalaika, kakonyen nuka Edeke. 5#Leb 16:12; Esk 10:2; Any 19:16; Apu 11:19; 16:18. Kolem emalaika ŋol aisupurunet, kilelebik akim nakejai otem, kocakak akwap; kojau agiro, ka iporotoi, ka eimilia, ka amaran da naka akwap.

6Kokapakinos imalaikan ikanykaarei lukejaas arupepen akanykaarei tetere ekusete.

7 # Any 9:23-26; Esk 38:22; Yoe 2:30. Kokut losodit akerupepe, kojau akako ka akim inyalakina kaokot, kocakakinai akwap; kicwea atutubet nakiwuniet naka akwap, kicwea da atutubet nakiwuniet naka ikito, kicwea da anya kere nuepalal.

8 # Yer 51:25; Any 7:20,21. Kokut emalaika lokiareit akerupepe, kocakakinai yenesubit bala eroŋat loepol, loenoki akim, toma aŋolol; 9koraun atutubet nakiwuniet naka aŋolol aokot, kotwana atutubet nakiwuniet naka isuban lukejaas toma aŋolol lukejai aijar; komudiarai atutubet nakiwuniet naka atakerin.

10 # Isa 14:12; Dan 8:10. Kokut emalaika lokiwuniet akerupepe, kibirun aacerit nakapolon kotoma akuj, enoki kwape akalas, kibirokin atutubet nakiwuniet naka icorin, ka atanin da nuka akipi. 11#Yer 9:14. Ekiror loka aacerit ŋes Adwaris. Koraun atutubet nakiwuniet naka akipi adwaris, kotwaka ituŋa luipu kanuka akipi kaŋun, naarai etadwaritai,

12 # Apu 6:12; Any 10:21. Kokut emalaika lokiwoŋonet akerupepe, kinomai atutubet nakiwuniet naka akoloŋ, ka atutubet nakiwuniet naka elap, ka atutubet nakiwuniet da naka aacer, tetere itumutonio atutubetekec nakiwuniet, kinye atutubet nakiwuniet naka apaaran acaun, akuare da kwape kwaŋin.

13 # Apu 9:12; 11:14. Kasodi kaany, keira da emorukaalet ediopet, loeporitoi kokidiŋ kakuj, ebala keporoto loepol ebe, “Itukwi, itukwi, itukwi ŋul luiboiete kakwap, kanuka iporotoi ice luka arupepen nuka imalaikan iuni lukekapakina aikut!”

Currently Selected:

Apukokinio 8: AOV1961

Highlight

Copy