Apukokinio 10

1 # Apu 4:3; 5:2. Kasodi kaany emalaika ece Loegogoŋ ijesuni kakuj, enapit edou, kojai etaluka akouke, koputosi akekonyen bala akoloŋ, akekeje da bala ipirin luka akim. 2Kojai iitabo yenididi yenepukoritai akanike, Kibwaik akejuke nakoteten aŋolol, ka akejuke da nakokediany akwap, 3#Yer 25:30; Kos 11:10; Amo 1:2. kiworo keporoto loepol kwape loka eŋatuny loegat, Napiworoi, kinerata agirokineta akanykaarei ikeceporotoi. 4#Dan 8:26; 12:4,9. Ido naadauniata agirokineta einer, abu kakoto aiwadik, konye abu keira eporoto loebuni kotoma akuj ebala ebe, “Kipucak nuenerata agirokineta akanykaarei, konye sirikiwadik ŋun.” 5#Any 20:11; Ikis 32:40; Dan 12:7; Amo 3:7. Emalaika da loabu kaany ebwoi kaŋolol ka akwap da, kikeu akekan nakoteten mama ejai akuj, 6#Age 14:19,22; Nek 9:6; Any 20:11; Sab 146:6; Apu 6:11; Dan 12:7. kiyapo kolimite ŋol loejari ikar ka ikar, lokesubi akuj; ka luejaas toma, ka akwap da, ka luejaas toma, ka aŋolol da, ka luejaas toma, ebe mam bobo ejaun apak, 7#Amo 3:7; Dan 9:6,10; Sek 1:6; Asw 3:21; Apu 11:15; 17:17. konye toma apaarasia nuka eporoto loka emalaika lokikanyetekaarei, naekotor aikut akerupepe, kosodi aiyeiyea naka Edeke aitodolikinio, kwape ejaatar akiro nukajokak nuabu kolimonok ibulesinike inabin,

8 # Esk 2:8–3:3. Kosodi abu eporoto loabu keira ebuni kotoma akuj kinera bobo keoŋ kobala ebe, “Kolot, kolem eitabo loepukoro kakan naka emalaika kaloebwoi kaŋolol ka akwap da.” 9#Esk 2:8; 3:1-3. Kalot mama ejai emalaika, kalimok ŋes ainakin eoŋ iitabo. Kabala ŋesi eoŋ ebe, “Kolem, konyam ŋes; edwaruni kakoikikon, konye kaitukukon ewinyuni kwape esik loka ao,” 10Kalem iitabo kakan naka emalaika, kanyam, kowiny kotoma aitukuka kwape esik loka ao, konye kadau ainyam, kodwaru akoikika. 11#Yer 1:10; 25:30; Dan 3:4; 7:14. Kalimokis eoŋ ebe, “Kibusakinit jo adwarakin bobo ituŋa luipu ka atekerin, ka aŋajepa ka ikabakan da luipu.”

Currently Selected:

Apukokinio 10: AOV1961

Highlight

Copy