Isabulin 146
146
1Kituroto yesi EJAKAIT!
Kiturite EJAKAIT, wu ekatau,
2Eturi EJAKAIT aroko abusi:
Ayei aiturit EJAKAIT aroko ajari.
3 #
Isa 2:22. Sirikimunokin ikapolok,
Karaida okoku loka ituŋanan, loemamei aiŋarakin.
4 #
Lim 12:7; 1 Kor 2:6. Elosi eiyeŋaneke, eboŋori alupoke;
Eoliorete aomisioke apaaran ŋipeŋin.
5 #
Yer 17:7. Iyalama ŋin yenerai Edeke loka Yakob ekenarakinanike, Yenemuno EJAKAIT Ekedeke:
6 #
Mik 7:20; Asw 4:24; 14:15; Apu 14:7. Lokesubi akuj ka akwap,
Aŋolol, ka luejaas tomakec kere;
Loidari abeit ikar kere:
7Loitodoli etube kanuka luemwaŋitai;
Loitanyami lueriebi eteŋei inyamat.
Elacakini EJAKAIT lueenitai;
8Itwekenyuni EJAKAIT akonye nuka imudukiok;
Itonyouni EJAKAIT luekukumito;
Emina EJAKAIT luedolito;
9Idari EJAKAIT imo;
Igaŋi ikokiok ka apuserun;
Konye ebuburiari erot loka ikaronok.
10Irumi EJAKAIT ikar kere,
Edekekon, wu Sion, anatar aturio kere,
Kituroto yesi EJAKAIT!
Currently Selected:
Isabulin 146: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
