Isabulin 143
143
Esabuli loka Daudi.
1Wu EJAKAIT, kiira akailip:
Kitoik akit akaiŋaiŋa:
Koboŋokinoi kamunonutukon kadolitekon da.
2 #
Yob 14:3; 4:17; Lim 7:20; Rom 3:20; Gal 2:16. Sirikitubok ebulesitikon;
Naarai kakonyenekon emamei ikajaran yenitojokio.
3 #
Sab 7:1-2. Naarai emana lokasurup ekatau;
Enomo aijaraka alatakin kwap:
Kesiboiki aiboisio nuka amuton, kwape kaŋul kaluatwakata sek. 4#Sab 61:2. Kanuka ŋun eilor ekamoyo kotomakaŋ;
Asiliki etauka kotomakaŋ.
5 #
Sab 77:5,11. Eitu apaarasia nukolosek;
Aomoomoi aswamisiokon kere:
Enoosikin aomoom aswam naka akaninikon.
6 #
Sab 28:2. Ariori akakanin mama ijai:
Ejakit ekatau akur kanukon, kwape kakwap kanaeonit, Sela.
7Wu EJAKAIT, kisunyite ca bo aboŋokin eoŋ;
Eilor ekamoyo:
Sirikibwa akonikonye kamakaŋ;
Kenye aiput ŋul luelomarete Aipany.
8Kisiirarai akonisianut-nakamin tupuruc;
Naarai kamuno jo
Kitejenunai erot loibusakinit eoŋ aitorenen:
Naarai etonyouni ekatau mama ijai.
9Wu EJAKAIT, koyuunai kaneejaas lukasurupoka:
Akeruni aiŋop mamakon.
10 #
Sab 25:4; Yok 14:26; Rom 5:5; Pes 4:30; Gal 5:22-23. Kisisianakinai aiswamaenen nuikoto ijo;
Naarai irai ijo Ekadeke;
Ejok emoyokon;
Kinarenikinoi toma akwap naka aitenara.
11Kitajarai, wu EJAKAIT, kanuka ekonikiror:
Kotoma adolitekon kitolom ekatau kotoma ocan,
12Ido kanuka akonisianut-nakamin komudia lukasurupoka, Kodanya kere luereito ekatau;
Naarai arai eoŋ ekonibulesit.
Currently Selected:
Isabulin 143: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
