Marako 6

1 # Mat 13:53-58; Luk 4:15-30. Konyou kanen kobu akwapukec. Kotupasi ikekesisiak. 2#Yok 7:15. Apaaran nakasabato kogeu aisisianakin kotoma atukos. Nakiirariata luipu koumokis, kotemasi atiar, “Kedumuni lo ŋun kai? Anyoin acoa naeinakinitai ŋes? Anyoika nukapedor nuetia nen nuiswamai kakaninike? 3Mere lo ekekeon, okoku loka Mariam, onace loka Yakob ka Yose ka Yuda ka Simon, akeinacan da emameete kane kamawok?” Kiguikis kanukeŋ. 4#Yok 4:44. Kotema Yesu kes atiar, “Enabi mam emwaŋio dimarai akwapuke, kaneejaas ipajenake, ka lukotogoke.” 5#Mk 6:13. Mam abu kopedo aswam nakapedor adio da kaŋina, dimarai aidokokin lukadekak idis akekanin kitaŋaleu kes.

6Koumok kanuka amamus aiyuunikec.

Kimaniman ireria kere isisianakini.

7 # Mat 10:1,9-15; Luk 9:1-6. # Luk 10:1. Konyarau lutomon kaarei, kogeu aiyakiar kes iareiarei. Koinak kes apedor kama kimoyon kalueroko; 8#Luk 10:4-11. kicorak kes kinyeis ayaŋaar idiobore yenikerot, dimarai ebela bon; mam karaida inyamat, karaida ecoe, karaida apesan kamunyinikec; 9konye konapito amuk; ido sirinapenenete ikason iarei. 10Kotema kes atiar, “Ŋolitogo loilomanarete, kosalenenete nen aitodol nainyounioto kore kaŋol. 11#Asw 13:51. Kaŋiniibois kere namam kisukunyikinere yes, karaida akiirar, nainyounioto kanen, kilakilakenenete adae nuejaas akejenekus araut akajenak kamakec.” 12Koloto kesi kolimonokis ituŋa aitoronikin. 13#Yak 5:14,15. Kireŋeanasi ajokin nuipu, kinyonyoanakis lukadekak luipu akinyet, kitaŋaleut.

14 # Mat 16:14; Mk 8:28; Luk 9:19. Kopup ekabaka Kerode ŋun; naarai aruo ekiror loka Yesu. Abakai ebe, “Ajaru Yokana Lokebatisan kotoma okatwak, kanuka ŋun iswamaete nukapedor kotomakeŋ.” #Luk 3:19,20. 15Konye kobalas ice ebe, “Erai Eliya.” Ice da ebe, “Erai enabi, kwape ediopet kotoma onabin.” 16Konye nakiiraria Kerode, kotema atiar, “Yokana, lokajepari eoŋ akekou, ajaru ŋol.” 17#Luk 3:19-20. Naarai abu Kerode elopet kijuka kikam Yokana, koenik aidaris kanuka Kerodia, aberu naka Pilipo onaceke; naarai amanyit ŋes, 18#Leb 18:16. kosodi Yokana alimokin Kerode ebe, “Mam ibus jo ajaut kaberu naka onacekon.” 19Kwaŋin kolil Kerodia, kokoto aiar ŋes; mam epedoro; 20naarai keyoŋit Kerode Yokana, kojen ebe erai etuŋanan loedolit, lokalaunan, koricite ŋes. Nakiiraria kobuonokin noi; kiiranari ŋes kaiyalama. 21Kosodi kodolok apak naajok nakipoikinio Kerode ijakake, ka ikapolokitok lukapolok, ka ituŋa lukapolok luko Galilaya epucit kanuka apaaran naka aurioke, 22Kanen kolom akoku naka Kerodia kikosi, kisiyalamik Kerode ka lukejaas kaŋes opucit. Kolimok ekabaka apese ebe, “Kilipai eoŋ ibore kere yenikoto, kainakini jo.” 23#Est 5:3-6. Kiyapoik ŋes ebe, “Ŋinibore kere yenilipi, kainakini jo, kiton atutubet naka ajakanutuka.” 24Koloma ŋin kiŋit totoke ebe, “Elipi inyo?” Kotema atiar, “Akou naka Yokana Lokebatisan.” 25Atipet kisunya alomun mama ejai ekabaka, kilip ebe, “Akoto koinak kwape kwana akou naka Yokana Lokebatisan katuba.” 26Kokadak ekabaka noi; konye kanuka akeiyapo, kanuka ŋul da lukejaas opucit, mam abu kokoto aimik ŋes. 27Atipet kiyakia ekabaka eserikalet, kicorak ayaun akouke. Kolot koiepu akouke kaidaris. 28Koyau akouke katuba, koinak apese; apese da koinak totoke. 29Nakiirariata ikekesisiak akiro, koloto koyaŋaasi akekuan, kidaikis ates.

30 # Luk 9:10; 10:17. Kotukonokinos ikiyakia mama ejai Yesu; kolimokis ŋes akiro kere nueswamata ka nuesisianakis. 31Kotema kes atiar, “Kogitunos yesi bonik aibois naesil, kibworasi nediokasilon.” Naarai kejaas ituŋa luipu eponenenete koboŋonorete, komam adiopak da naka ainyam. 32#Mat 14:13-21; Luk 9:11-17; Yok 6:1-13. Koloto toma ataker kogitaros aibois naesil. 33Koanyutu ituŋa kes elosete, kojenata luipu, kokerata ŋina kakejen anyoun koreria kere, koliŋakis adolore. 34#Mar 27:17; 1 Ika 22:17; 2 Siit 18:16; Esk 34:5; Mat 9:36. Nakedokunia kataker koany ekodet loapol, kitim kes, naarai kesubito bala amerekekin nuemamei ekecokon: kogeu aisisianakin kes akiro nuipu. 35#Mk 8:1-9. Ketubor akwap, kopotu ikekesisiak mamakeŋ, kotemasi atiar, “Aibois na erai amodiŋ, atubor da akwap, 36Kotwar kes, tetere elosete amanat koreria da luirimorito, kogwelata lunyaman.” 37Konye Koboŋok kotema kes atiar, “Koinakis yesi kes lunyaman.” Kotemasi atiar, “Kilosi ca kagwelata imugatin luka adenarin#6:37 Adenari ŋes apesa naRomayot eropit loka ekeswaman loka adiopepaaran. akwat aarei tetere kiinakini kes konyama?” 38Kotema kes atiar, “Ejaas yes imugatin imwaasi ai? Koloto koanyut.” Nakedauniata ajenun kotemasi atiar, “Ikany ka agaria aarei.” 39Kicorak aisiboikin ituŋa kere katukon toma anya numel. 40Kiboikinos katukon, ice akwatat ka ice akaisakany. 41#Mk 7:34. Kolem imugatin lukany ka agaria aarei, kosesen akuj, kisirereŋ, kobilibil imugatin; koinak ikekesisiak akorokor. Kokoranak agaria aarei mamakec kere. 42Konyamata kere kimonikinos. 43#Ikis 28:5. Kotukonokinai atutubeta nuabilibila nuelelebete idita itomon kaluarei, ka atutubeta nuka agaria da. 44Lukenyamete emwaasi ikiliok ilukumin ikany.

45 # Mat 14:22-36; Yok 6:15-21. Atipet kitiŋaik ikekesisiak adokar ataker, aiŋarenikin ŋes adokar okekwa Betesaida, apak naatwaria ŋesi ekodet. 46Kedau aitwar kes, kolot oroŋat ailip. 47Kimukok, kojai ataker kidiŋ aŋolol, kojai ŋesi da bon oitela. 48Koany kes itaaritos aikwaŋ, naarai kemeunit ekwam koiŋaren, kedol akwenyunet nakiwoŋonet naka akuar, kobu mama ejaas kicakacakai aŋolol; kokoto adepar kes, 49Konye nakeanyuniata ŋes icakacakai aŋolol, keomitos ebe erai etoil, kilalaata: 50naarai apotu kere koanyut, kokuriakaros. Atipet kinera kakes, kotema atiar, “Kotitiŋioros! Eoŋ lo. Sirikikuriakaros.” 51#Mk 4:39. Kodoka ataker nekejaas kesi; kiyamakin ekwam. Koumokis noi kotauonokec; 52naarai mam apotu kojenutu nuka imugatin, konye keninik ikecetauon.

53Nakedauniata aikwaŋar, kodolo akwap naka Genesaret, koenata ataker oitolima. 54Nakedokuniata, atipet kojenut ituŋa ŋes. 55Kokerata kirimosi akwap ŋin kere, kogeut ayaŋanar lukadekak kakapekec, alosit ŋiniibois nakepupunete ebe ejai ŋesi, 56#Mk 5:27,28; Asw 5:15; 19:11,12. Ido kama kelomanari kere, oreria, ka oreria da lukapolok, arai amanat, kiperionokis lukadekak agwelanareta, kiŋaiŋaata atiror atwele naka anapitoke. Luketironorete kere kitaŋaleunoi.

Currently Selected:

Marako 6: AOV1961

Highlight

Copy