Mika 3
3
1 #
Yer 5:4,5. Abu katema atiar:
Kopupokisi, kenainair, yes ikapolok luka Yakob,
Ka ikayaitok luka ekek loka Isirael!
Mere kereka nakus ajenun etube?
2Luisaeete ajokis, kominas aronis;
Luibuluearete amunyinokec,
Ka akiriŋikec alemar kakoiokec;
3 #
Sab 14:4. Luinyamete akiriŋ naka ikatuŋa;
Ŋenete amunyinokec, ibilete akojokec:
Eebo, irikirikete kes, kwape toma amot,
Kwape akiriŋ toma atakwa,
4 #
Awa 1:28. Ŋes konyet emonyakiniata EJAKAIT,
Konye mam ŋes eboŋokini kes:
Eebo, ibwai ekereet kamakec kapak kaŋin,
Naarai eswamata aronis kaswamisiokec.
5 #
Isa 56:10; Mat 7:15. Inera EJAKAIT kwanata nuka inabin luitapaarete ikatuŋa, Luiworoete ebe, “Ainapakin,”
Arai kejaas kaluekonyete kikecekel:
Konye ekapanakinos ejie kanol
Lomam ibwaikini ibore aitukekec,
6 #
Esk 13:23. Kanuka ŋun eraun akuare mama iiaas,
Komam aitapoet;
Kimutonikis, komam idwarete.
Elomari akoloŋ kama ejaas inabin,
Koiesi da apaaran cucucuc kamakec.
7 #
Sab 74:9; Amo 8:11. Irumete ikadwarak ileje,
Edakaros akwes nuka ikaroak;
Eebo, ebunete kesi aitukekec:
Naarai emamei aboŋokinet naka Edeke.
8 #
1 Kor 2:1,4; Isa 58:1. Konye abeit elelebun eoŋ agogoŋ,
Ka Emoyo loka EJAKAIT,
Ka etube, ka apedor da,
Alimonokin Yakob aibucareteke,
Ka Isirael da akeronis.
9Kopupokisi nu, kenaiŋait,
Yes ikapolok luka ekek loka Yakob,
Ka ikayaitok luka ekek loka Isirael,
Luilaete etube,
Luitiriete nuitenara kere.
10Edukete Sion kaokot,
Ka Yerusalem da kanumam adolit.
11 #
Isa 1:23; Esk 22:12; Kos 4:18; Mik 7:3; Yer 6:13; Tit 1:11; 1 Sam 4:5,6; Isa 48:2. Etubete lukapolokoke akiro kanuka ainakinet,
Isisianakinete isasedotinike kanuka eropit,
Edwarete inabinoke kanuka apesan:
Konye egoŋakina neejai EJAKAIT ebalas ebe,
“Mere ejai EJAKAIT kidiniwok?
Mam aronis kidoikini oni.”
12 #
Mik 1:6; Sab 79:1; Yer 26:18. Aso kanukus ŋes ekoriere Sion kwape emanikor,
Eraun Yerusalem aapoŋor,
Eronat da loka etogo
Kwape aiboisio nuiceleleete nuka amagoro.
Currently Selected:
Mika 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.