Matayo 10

1 # Mk 6:7-13; Luk 9:1-5. Konyarau ikekesisiak itomon ka luarei, koinak kes apedor mama ejaas imoyon lueroko, aireŋear kes, ka aitaŋaleun ŋolipone kere loka adek ka akalanyanut da. 2#Mk 3:14-19; Luk 6:13-16; Yok 1:40-49. Ikiroria luka ikiyakia itomon ka luarei kes luta: losodit, Simon, loenyaritai Petero, ka Anderea onaceke; Yakob okoku loka Sebedayo, ka Yokana onaceke; 3Pilip ka Batolomayo; Tomas ka Matayo eketeleman esolo; Yakob okoku loka Alipayo, ka Tadayo; 4Simon Ekananayot, ka Yuda Isikariot, lokebilakini ŋes ebotet.

5Kijuka Yesu ŋul itomon ka luarei, kicorak kes ebe, “Sirikilomasi orotin luka lukacekwapin, sirikilomasi da ediore kere loka Isamarian, 6#Mat 15:24; Asw 13:46; Yer 50:6. konye gwai koloto mama ejaas amerekekin nueoliorito nuka ekek loka Isirael. 7#Luk 10:4-12. Nailosioto kolimonokis ebe, ‘Aapu ajakanut naka akuj’. #Mat 4:17; Luk 10:9. 8#Asw 20:33. Kitaŋaleununete lukadekak, kitajarununete lukatwak, kiswaganarete lukatapon, kireŋeanarete ajokin, Kiinakinitai atitai, yes da koinakis atitai. 9Sirikiyaŋaasi koriaginikus esabu, karaida epuesa, karaida aikomon, 10#1 Kor 9:14; 1 Tim 5:18; Luk 10:4; Mar 18:31. karaida ecoe loka alosit, karaida ikootin iarei, karaida amuk, karaida ebela; naarai ibusakinit ekeswaman ikenyamat. 11Ido ŋolire arai ekialo loilomanarete, komoenenete yenibusakinit kanen, kosalenenete mamake aitodol neinyounioto. 12#Luk 10:5,6. Nailomariata togo, kiyogaete. 13Arai ibusakinit etogo, kodol ainapakinikus tomake; konye arai mam ibusakinit, koboŋu do ainapakinikus mamakus. 14#Asw 13:51; 18:6; Luk 10:10-12. Arai mam kisukunyikinio karaida akiirar akirokus, nailomuniata kotogo kaŋol, arai kore kaŋol, kilakilakete adae nuka akejenekus. 15#Mat 11:24; Age 19:24-28; Luk 20:47. Abeit, katemari yes atiar, Epatanikini rwaru akwap naka Sodom ka Gomora atitiŋikin kapaaran naka etube aitelekarit ere ŋol.

16 # Luk 10:3; Yok 10:12; Asw 20:29; Rom 16:19; Pes 5:15. “Koany, keyakiari yes kwape amerekekin kokidiŋ opeen; aso kopiriaka bala imunwo, ido kiyapaara bala ajeleik, 17#Mk 13:9-11; Luk 12:11-12; 21:12-15. Konye kocoito ituŋa; naarai kiyaŋaarete aurianeta, kidaete da kotoma atukosiakec. #Mat 24:9. 18#Mat 24:14; Asw 25:23; 27:24. Kiriarete akonyen nuka ikayaitok ka ikabakan kanukaŋ, araut ikajenak kamakec, kama kalukacekwapin da. 19#Luk 12:11,12. Konye nakiyaŋanariata, sirikiyaloŋoŋoto epone loineratar karaida nuinerasi; naarai kiinakinio kapak kaŋin nuinerasi; 20#Yok 14:26; 1 Kor 2:4. naarai mere yes inerasi, dimarai Emoyo loka Papakus loinera kotomakus. 21#Mk 13:12; Luk 21:16; Mat 10:35; Mik 7:6. Onace einakini onaceke aario, papa da ikokuke, enyoikinete idwe lukauriakakec aicutar; 22#Mat 24:9,13; Mk 13:13; Luk 21:17; Yok 15:21. kiŋarunete yes ituŋa kere kanuka ekakiror. Konye yenetitiŋikini kiton awasia ŋes itajario. 23#Mat 16:28. Nakireiata yes kore ediopet, kokerata ore ece, naarai abeit katemari yes atiar, Mam idaunete ireria kere luka Isirael aitodol naebunio Okoku loka etuŋanan.

24 # Luk 6:40; Yok 13:16; 15:20. “Ekesisian mam itelekarit ekesisianakinanike, karaida ebulesit mam itelekarit ejakaitike, 25#Mat 9:34; 12:24; Mk 3:22; Luk 11:15. Edaunit ekesisian aputoor ekesisianakinanike, ka ebulesit aputoor ejakaitike. Arai enyaraete elopet etogo Beelesebul, edeparete ca do amoromor luejaas okaleke.

26 # Luk 12:2-9. “Aso sirikikuriakaros kes; naarai emamei akirot naerapitai namam epukorio, karaida naibwaitai namam ejenunio. #Mk 4:22; Luk 8:17. 27Nukalimokini yes kamuton, kinerata yesi kotoma aica; nuiirarete kaiyeiyea, kolimonokis kokuju otogoi. 28#Yak 4:12. Sirikikuriakaros ŋul luearete akuan komam epedorete aiar aijar; konye gwai kokuriaka ŋol loepedori amudiar akuan ka aijar da kotoma oGeena. 29Mam kereka egwelete anyiporin aarei apesa adiopet? Emamei adio da naedoi kwap komam Papakus ejeni, 30Konye yes, imaritai itima da kere luka akwesikus. 31#Mat 12:12. Aso sirikikuriaka; iraas yesi luka etiai adepar anyiporin nuipu. 32Aso ŋinituŋanan yenikalimori eoŋ kakonyen nuka ituŋa, alimori eoŋ da ŋes kakonyen nuka Papaka loejai toma akuj; 33#2 Tim 2:12; Luk 9:26. konye ŋin yenikaŋeri eoŋ kakonyen nuka ituŋa, aŋeri eoŋ da ŋes kakonyen nuka Papaka loejai toma akuj.

34 # Luk 12:51-53. “Siriwomito ebe abu kabu ayaŋaun ainapakin kakwap: mam abu kabu ayaŋaun ainapakin, dimarai ekileŋ, 35#Mik 7:6. Naarai abu kabu aitusurupikin etuŋanan ka papake, apese ka totoke, aberu naka okokuke ka tataake. 36Lukokale luka etuŋanan kes eraunos lukasurupoke. 37#Ikis 33:9; Luk 14:26,27. Ŋin yenemina papake arai totoke adepar eoŋ, mam kebusakinit; ŋin da yenemina ikokuke yenitelepat arai yenipese adepar eoŋ, mam kebusakinit. 38#Mat 16:24; Mk 8:34; Luk 9:23. Ŋin da yenimam erioŋi ekemusalaba ka atupar eoŋ, mam kebusakinit. 39#Mat 16:25; Mk 8:35; Luk 9:24; 17:33; Yok 12:25. Ŋin yenedumuni akeijar itooliori, ŋin da yenitooliori akeijar kanukaŋ edumuni.

40 # Mk 9:37; Luk 9:48; 10:16; Yok 12:44; 13:20; Mat 18:5. “Ŋin yenikisukunyikini yes, kesukunyikini eoŋ, ŋin da yenikesukunyikini, isukunyikini ŋol lokejukuni. 41Ŋin yenisukunyikini enabi naarai erai enabi, edumuni eropit loka enabi, ŋin da yenisukunyikini ekadoliton naarai erai ekadoliton, edumuni eropit loka ekadoliton. 42#Mat 25:40; Mk 9:41. Ŋin yenitamasi idiopet ka ludidik kalu akoli naka akipi nuelilim bon, naarai erai ikesisian, abeit katemari yes atiar, mam etwaniari cut eropitike.”

Currently Selected:

Matayo 10: AOV1961

Highlight

Copy