Matayo 1

1 # Luk 3:23-38. # 1 Siit 17:11; Age 5:1; 22:18. Eitabo loka aturio nuka Yesu Kristo, okoku loka Daudi, okoku loka Aburaam.

2 # Age 21:3,12; 25:26; 29:35; 49:10; 1 Siit 1:34. Aburaam kouri Isaak, Isaak kouri Yakob, Yakob kouri Yuda ka ikeinacan; 3#1 Siit 2:5,9; Age 38:29,30; Rus 4:18-22; 1 Siit 2:10-12. Yuda kouri Peres ka Sera kama ka Tamar; Peres kouri Kesuron; Kesuron kouri Ram; 4Ram kouri Aminadab; Aminadab kouri Nason; Nason kouri Salumon; 5#Rus 4:13-17. Salumon kouri Boas kama ka Rakab; Boas kouri Obed kama ka Rusi; Obed da kouri Yese; 6#2 Sam 12:24. Yese kouri Daudi ekabaka.

Daudi kouri Solomon kama kaŋin nakerai aberu naka Uria; 7#1 Siit 3:10-14. Solomon kouri Rekoboam; Rekoboam kouri Abiya; Abiya kouri Asa; 8Asa kouri Yekosapat; Yekosapat kouri Yoram; Yoram kouri Usia; 9Usia kouri Yotam; Yotam kouri Akas; Akas kouri Kesekia; 10Kesekia kouri Manase; Manase kouri Amon; Amon kouri Yosia; 11#2 Ika 24:14-15; 2 Siit 36:10; Yer 27:20; 1 Siit 3:15,16. Yosia kouri Yekonia ka ikeinacan, apak naka aijoreorio Babulon,

12 # 1 Siit 3:17; Esr 3:2. Kokau kaijoreorio Babulon abu Yekonia kouri Sealutiel; Sealutiel kouri Serubabel; 13Serubabel kouri Abiud; Abiud kouri Eliakim; Eliakim kouri Asor; 14Asor kouri Sadok; Sadok kouri Akim; Akim kouri Eliud; 15Eliud kouri Eleasar; Eleasar kouri Matan; Matan kouri Yakob; 16#Mat 27:17,22. Yakob kouri Yosep ekile loka Mariam, naauriei Yesu loenyaritai Kristo.

17Kwaŋin aturio kere ameun ka Aburaam kiton Daudi emwaasi aturio atomon ka nuoŋon, ameun ka Daudi da kiton aijoreorio Babulon aturio atomon ka nuoŋon, ameun da kaijoreorio Babulon kiton Kristo aturio atomon ka nuoŋon.

18 # Luk 1:27,35. Aurio naka Yesu Kristo ekoni ne. Kedau Yosep aisiner Mariam totoke, koriŋa ejenakina, kotakan ŋesi ejai akoik naka Emoyo Lokalaunan. 19Konye ekileke Yosep kineru ainyein ŋes kaiyeiyea naarai korai ekiliokit loedolit, komam ekoto aisurum ŋes ileic, 20#Mat 1:18. Konye nakeomoomaa ŋun, koany, kitakanikin ŋes emalaika loka Ejakait kotoma airujasit, ebala ebe, “Yosep, okoku loka Daudi, sirikiyoŋ aimany Mariam; naarai akepotuun erai naka Emoyo Lokalaunan. 21#Luk 1:31; 2:21; Asw 4:12. Idouni ŋesi ikoku yenisapat, imaikini ekekiror Yesu, naarai ŋes itajari iketuŋa kadiakanaretakec.” 22#Isa 7:14. Iswamatai nu kere, tetere edoli akirot naenerit Ejakait kama ka enabi ebe:

23 # Isa 7:14. “Koany, epotuuni abekot, idouni ikoku yenisapat,

Emaikinete ekekiror Imanuel”

(apolouke ebe, Edeke ejai kaoni).

24Nakenyounio Yosep kajoo, kiswama kwape kicorakinia emalaika loka Ejakait, komany akeberu; 25#Luk 2:21; 2:7. mam abu kojen ŋes aitodol naauria ikoku yenisapat; komaik ekekiror Yesu.

Currently Selected:

Matayo 1: AOV1961

Highlight

Copy