Luka 24

1 # Mat 28:1-8; Mk 16:1-8; Yok 20:1-13. Kiyeŋutu kapaaran nakasabato, kwape kejaar aicorakinet.

Konye kapaaran nasodit nakasabato, tupuruc sek, koloto ates, koyaŋaasi lueuru maa lukitemokinito. 2Kodumut amoru kikokorior kates. 3Kolomasi toma mam eanyuna akuan naka Ejakait Yesu. 4Kosodi kanen, napebuonokinos kanuka akirot kaŋin, koany, kobwaata ituŋa iarei aapu kakes enapito inapen luimilias; 5nakekuriakarotor kesi ka aitulur akonyenekec kwap, kotemasi ŋul atiar, “Kanukinyo imoototor lokajaran mama ejaas lukatwak? 6#Mat 16:21; 17:22-23; 20:18-19; Mk 8:31; 9:31; 10:33-34. Emamei kane, konye ajaru, Kiitutu kwape enerar kayes eroko ejai Galilaya, 7ebe ibusakinit Okoku loka etuŋanan ainakinio akanin nuka ikadiakanarak, ka aibubukinio, ka ajarun da kapaaran nakiwuniet.” 8Kiitut akiroke, 9koboŋosi kates, kolimokis lutomon kadiopet ka ice da kere, akiro ŋun kere, 10#Luk 8:2,3. Keraas kesi Mariam Magadalene, ka Yoana, ka Mariam toto naka Yakob, ka aŋor ace nuajaas nepepe kakes, nualimokinete ikiyakia akiro ŋun. 11Kosubito akiro ŋun kakonyenekec bala nukabaŋaanut; mam apotu kiyuut kes. 12Konye konyou Petero, koker kiton ates; kokukum kireik toma, koany igoen luka ebaputa egitara; koboŋo ore eumokinit nuajaut.

13 # Mk 16:12,13. Ido koany, kapaaran kaŋin alosete iarei kakesi ore ediopet ekekiror#24:13 Paradais ŋes emanikor laka Edeke.

Emao, lokelwanikina ko Yerusalem bala amairon akanykaarei, 14kineranakinos kesi bonik akiro ŋun kere nuadoikis. 15#Mat 18:20. Napinerasi epeganakinos, kikunyak Yesu elopet koupakinos kakes. 16Konye koraparai akecekonye kinyeis ajenun ŋes, 17Kotema kes atiar, “Akiro anyoika ŋun nuineranakinos ilosete?” Kobwaata ekadakinito. 18Kosodi ediopet kakes, ekekiror Keleopa, Koboŋok ebe, “Ijo bon ipejonikinit ko Yerusalem tape mam ijeni nuadoikis nen kapaarasia kanu?” 19#Mat 21:11. Kotema kes atiar, “Anyoika?” Kotemasi ŋes atiar, “Akiro nuka Yesu loko Nasaret, lokerai enabi lokapedor kotoma aswamisio ka akiro kakonyen nuka Edeke ka ituŋa da kere. 20Bobo da epone loejaikiniata ŋes isasedotin lupeti ka ikayaitokowok toma atubokinio naka atwanare, kibubukis, 21#Luk 1:68; 2:38; 19:11; Asw 1:6. Konye kipou isio kamunosi ebe ŋes loekoto alakun Isirael. Eebo, keja ŋun da, lolo ŋes apaaran nakiwuniet ameun naeswamatar akiro ŋun. 22#Luk 24:1-11. Bobo da, kituwumokis sio ace kaŋor nukokodetekosi, nuadilito sek ates, 23mam eanyuna akekuan; kopotu ebalas ebe etakanikina kes imalaikan luabalas ebe ejari ŋesi. 24#Luk 24:12; Yok 20:3-10. Ice da lukejaas nenipe kasio apotu koloto ates, koanyut kwape kwaŋin kwape eneratar aŋor kwa; konye mam apotu koanyutu ŋes.” 25Kotema kes atiar, “Wu yes luedit aijen, luiyapete da itauon aiyuun kere nukineras inabin! 26Mam kereka ebusakinit Kristo aiticanio ŋun, ka alomar da toma aibusesuke?” 27#Ikis 18:15; Sab 22:1-21; Isa 53:1-12. Kosodi ageun kama ka Musa ka inabin kere kitejen kotoma kanukiwadikatai kere akiro nuabeito ŋes.

28Keapikis ere lokelosete, kosubite bala elitor kiŋaren; 29konye kitiŋaasi ŋes, kobalas ebe, “Kosalak ne kasio, naarai ekamus akwap, aapu apaaran adaun.” Koloma kosal kakes. 30#Luk 22:19. Kosodi nakiboioto kakes enyamete, kolem emugati, kisirereŋ, kobilibil koinak kes. 31Kopukoroi akecekonye kojenut ŋes; koolio kakonyenekec. 32Kotemanaros bonik atiar, “Mam tope amulaete iwokotauon naenerar kaoni korot, ka aikujonokin oni nukiwadikatai?” 33Konyout kosawa kaŋope kaŋol koboŋosi Yerusalem, kodumut lutomon ka lodiopet etukokina, kes ka lukejaas nepepe kakes, 34#1 Kor 15:4,5. ebalas ebe, “Abeit ajaru Ejakait, etakanikin ŋesi Simon,” 35Kes da kolimokis akiro kwa nukorot, ka epone lokitejenunor mamakec kotoma abilibil emugati.

36 # Mk 16:14-18; Yok 20:19-23; 1 Kor 15:5. Napinerasi akiro ŋun kobwo Yesu elopet kokidiŋikec, kotema kes atiar, “Kinapakinos.” 37#Mat 14:26. Konye korieŋutu kokuriakata noi, koomitos ebe aanyut etoil. 38Kotema kes atiar, “Kanukinyo iyaloŋoŋooto, kanukinyo da iŋitanarotor kotauonokus? 39Koanyutu akakanin ka akakeje, ebe eoŋ lopelo: kotiroroi, koanyutu; naarai emamei etoil akuan, ka akojo da, kwape ianyuniata ejaas eoŋ.” 40Kedau einer ŋun, kitodik kes akekanin ka akekeje, 41Naarokotor mam iyuuna kanuka aiyalama, koumokis da, kotema kes atiar, “Ejaas yes idisinyamat?” 42#Yok 21:5,10. Koinakis atutubet naka agar naipoo. 43Kolem, konyam kakonyenekec.

44 # Luk 9:22,45; 18:31-33. Kotema kes atiar, “Nu kes akakiro, nuabu kalimok yes, naariŋar ajai kayes, ebe ibusakinit kitodolikinos akiro kere nuiwadikatai kokisila luka Musa, ka inabin, ka isabulin, nukabeito.” 45Kosodi kikujok akececoa ajenun nukiwadikatai. 46#1 Tim 3:16. Kotema kes atiar, “Kwaŋin iwadikatai ebe ibusakinit Kristo aiticanio, ka ajarun da kotoma okatwak kapaaran nakiwuniet. 47Ebe da elimonokinio atekerin kere kokirorike aitoronikin ka aisionio naka adiakanareta, agear ko Yerusalem, 48iraas yesi da ikajenak luka akiro kaŋun. 49#Asw 1:4; Yok 15:26; 16:7. Ido koany, kejukakini yes aisumunet naka Papaka; konye kiboikinos ore, aitodol nekitanapere yes apedor naebuni kokuiu.”

50 # Asw 1:9-11. Kosodi kiŋarenik kes kiton Betaniya, korio akekanin kisirereŋ kes.

51Kosodi kanen napisirereŋi kes, kotiakar kamakec, koyaŋaarai toma akuj. 52#Yok 16:22; 14:28. Komaata ŋes, koboŋosi Yerusalem kailel naepol: 53Kojaenenas duc toma oyekalu, ituritos Edeke.

Currently Selected:

Luka 24: AOV1961

Highlight

Copy