Luka 10

1 # Mat 10:7-16. Kosodi kokau kaŋun koseu Ejakait ice akaisakanykaarei, kiyakia kes iarei iarei aiŋarenikin ŋes alosit ŋolire ka ŋiniibois naekoto ŋesi elopet alosit. #Mk 6:7. 2#Mat 9:37-38; Yok 4:35. Kotema kes atiar, “Ipu idwenyan, konye ikidioko ikeswamak; aso kilipa Ejakait loka aidweny kijuk ikeswamak toma aidwenyeke. 3#Mat 10:16. Koloto yesi; koany, keyakiari yes kwape idwe luka amerekekin kokidiŋ opeen. 4#Mat 10:7-14; Mk 6:8-11; Luk 9:3-5. Sirikiyata eriagi, karaida ecoe, karaida amuk; sirikiyogata da ituŋanan korot. #2 Ika 4:29; Luk 9:3-5. 5Ido ŋolitogo loilomanarete, kotemasi ber atiar, ‘Kojau ainapakin togo lo!’ 6Arai kejaun okoku loka ainapakin kanen, esalakini ŋes ainapakinikus; arai mam, kiboŋokini yes ainapakinikus. 7#1 Kor 9:14; 1 Tim 5:18. Kosalata ber togo ŋopeŋol, inyamete komasete lukiinakinete yes, naarai edolit ekeswaman aropio; siribwosenenete otogoi ice. 8#1 Kor 10:27. Ido ŋolire kere loilomanarete kiisukunyikis, konyamata inyamat lukiinakinete yes; 9kitaŋaleununete lukadekak luejaas nen, kolimonokinete ebe, ‘Ekunyu ajakanut naka Edeke mamakus.’ 10#Asw 13:51. Konye ere kere loilomanarete, arai mam kisukunyikinete, kolomutu orotinike, kineras ebe, 11#Asw 18:6. Kilakilakanakini yes adae nukakejenekosi; konye kojenutu na ebe, ‘Ekunyu ajakanut naka Edeke mamakus.’ 12#Age 19:24-28; Mat 11:24; 10:15. Katemari yes atiar, Kapaaran kaya, epatana Sodom atitiŋikin aitelekarit ere ŋol.

13 # Mat 11:21-23. “Itukwi ijo Korasin! Itukwi ijo Betesaida Naarai arai kiswamatai koTuro ka Sidon nukapedor ŋun nukiswamatai kamakus, tikitoronikinos ŋosek, kibojete kopukoi ka ekurwon. 14Konye apaaran naka etube epatanikini Turo ka Sidon atitiŋikin aitelekarit yes. 15#Isa 14:13-15. Ka jo da Kaparanaum, kitopoloorio kereka kiton akuj? Kijesario do kiton Okatwak.

16 # Mat 10:40; Mk 9:37; Luk 9:48; Yok 5:23; 15:23; 13:20. “Yenikiirari yes, keirari eoŋ; yenikipaluni yes, kapaluni eoŋ da; yenikapaluni eoŋ epaluni lokejukuni.”

17Kosodete koboŋut kwi akaisakanykaarei kaiyalama, kobalas ebe, “Ejakait, kononokikis sio ajokin da kokirorikon!” 18#Yok 12:31; Apu 12:8,9. Kotema kes atiar, “Aany Satan ibiruni kokuiu kwape keimilia, 19#Sab 91:13; Mk 16:18. Koany, kainakinit yes apedor aicakacak imunwo ka ikiritona, ido kama ejai apedor kere naka lokasurup; emamei da ibore kere yenikikonakini yes erono. 20#Any 32:32; Pil 4:3; Apu 3:5; Mat 7:22. Konye sirikiyalamikinos kanu kinonokikiniata yes ajokin; konye kiyalamikinos naarai iwadikatai ikusikiroria kotoma akuj.”

21 # Mat 11:25-27. Kosawa kaŋol kolakar kOmoyo Lokalaunan, kotema atiar, “Kemalai jo, wu Papa, Ejakait loka akuj ka akwap, naarai ibu kimunonik akiro nu lukacoa ka lukaijen, kopukok da idwe ludidik; eebo, Papa, naarai kwaŋin ibu kitojokia kakonyenekon. 22#Yok 3:35; 10:15. Kainak Papaka iboro kere; ido emamei yenejeni Okoku dimarai Papa, kwabo emamei yenejeni Papa dimarai Okoku, ka ŋin da yenekot Okoku apukokin ŋes.” 23#Mat 13:16,17. Kosodi kibelokin mama ejaas ikekesisiak, kiner kakes kaiyeiyea ebe, “Isirereŋitoi akonye nuesesenete nuisesenete yesi. 24#1 Pet 1:10. Naarai katemari yes atiar, ‘Apotu kimielas inabin luipu ka ikabakan aanyun nuisesenete yesi, mam eanyuna, ka akiirar da nuiirarete yesi, mam iirara.’ ”

25 # Mat 22:35-40; Mk 12:28-34. Ido koany, kobwo ericakisil ediopet kokodokod, kobala ebe, “Ekesisianakinan, ekonakini ai tetere erumi aijar naka ikar kere?” #Luk 18:18-20. 26Kotema ŋes atiar, “Iwadikatai bo inyo toma okisila? Isiomi biai?” 27#Leb 19:18; Ikis 6:5. Koboŋok ŋes ebe, “Komina Ejakait Ekonideke kekonitau kere, ka akoniiiar kere, ka akonigogoŋ kere, ka akonicoa kere; ka ekoniidunyet da kwape iminari bon.” 28#Leb 18:5; Mat 19:17. Kotema ŋes atiar, “Iboŋok kotenan; kikonaki nen, iiari.”

29Konye ŋes ekoto aitoiokikin, kiŋit Yesu ebe, “Iŋai bo ekaidunyet?” 30Koboŋok Yesu kobala ebe, “Abu etuŋanan kijesar anyoun koYerusalem alosit Yeriko, kiriamunos kikaŋatak, lukelacarete ŋes inapen, kibuŋata, koloto kinyeis eapie airidakin. 31Kosodi kanen kitor esasedoti orot ŋol; nakeanyunia ŋes, kinac kotubor, 32Elebit da kwape kwaŋin, nakedolio aibois ŋin, koany ŋes, kinac kotubor. 33#2 Siit 28:15. Konye Esamariat ediopet kalositeke, kedol nen nekejai; nakeanyunia, kitim ŋes, 34kikunyak koen akemusuŋun, kobukok akinyet ka ebino; kibwanenik otiaŋake koyaŋa kiton togo laka ipejok, kimuke, 35Apaaran nakiareit kolem adenarin#10:35 adenari ŋes eropit loka ekeswaman loka adiopepaaran. aarei koinak elopet etogo, kobala ebe, ‘Kimuke lo; ibore kere yenitaci aitedepar, katacakini jo naaboŋunio.’ 36Iŋai kaŋul kaluuni loiwomit ijo araut ekeidunyet kaje kalokiriamunos kikaŋatak” 37Kotema atiar, “Ŋol lokitimi ŋes.” Kolimok Yesu ŋes ebe, “Kolot ijo da, kikonak nen.”

38 # Yok 11:1; 12:2,3. Kosodete napebeete, koloma ore ediopet; kisukunyik aberu ekekiror Marita togoke, 39Kejai ŋes kainacike naenyaritai Mariam, nakiboie kakejen nuka Yesu, iirari akekiro, 40Konye abu Marita kitaaritoi kanuka aijaanakin naapol; kolot mama ejai Yesu kotema ŋes atiar, “Ejakait, mam kereka ipodo ebe kenyeinia kinacika aijaanakin bon? Aso kolimok ŋes keŋarak eoŋ.” 41Konye Koboŋok Ejakait kotema atiar, “Marita, Marita, iyaloŋoŋoi ilolonyi da kanuka akiro nuipu; 42#Mat 6:33. konye ipudai luikidioko, arai bo idiopet bon; naarai aseu Mariam ewai loejok, lomam edemario ŋes.”

Currently Selected:

Luka 10: AOV1961

Highlight

Copy