Ilebin 5
5
1 #
1 Ika 8:31; Awa 29:24; Mat 26:63; Age 17:14; Leb 7:18; 17:16; Mar 9:13. Arai kediaka ituŋanan kanu akiirar eporoto loka aiyapo, korai ekajenan, arai abu koany arai abu kojen, arai mam elimori, aso ibwoki numam adoliteke: 2#Leb 11:24-39; Mar 19:11-16. Arai ketiro ituŋanan ibore yenimam elai, akuan nakatwan naka etiaŋ lomam elai, arai akuan nakatwan naka ibaren lumam elaete, arai akuan nakatwan naka iboro lueliatos lumam elaete, komam ejeni, koraun yenimam elai, aso egwauni akirot, 3#Leb 12:1; 13:1; 15:1. Arai ketiro yenimam elai yenika ituŋanan, yenimam elai kere kere, yenituluori ŋes yenimam elai, komam ejeni; nakejenun, egwauni akirot. 4#1 Sam 14:24; 25:22; Mal 3:5; Asw 23:12; Mk 6:23. Arai kisud ituŋanan aiyapo kaŋajepeke aswam aronis, arai aswam ajokis, ŋin naesudi ituŋanan einer kaiyaposit, komam ejeni; nakejenun, egwauni adiopet kaŋun: 5#Leb 26:40; Mar 5:7; Esr 10:11. Kosodi naegwaunia adiopet kaŋun, elimori do ŋesi akirot ŋin naabu kodiaka: 6Eyauni ainakineteke naka aronis mama ejai EJAKAIT kanuka adiakareteke naabu kodiaka, yeniberu yenikosipan, imerekek arai akalol, araun ainakinet naka adiakaret; ituluci esasedoti ŋes kanuka adiakareteke.
7 #
Leb 14:21. Arai icana ŋesi, mam epedori adumun imerekek, eyauni do ajeleik aarei arai ilukei iarei ludidik mama ejai EJAKAIT araun ainakineteke naka aronis, kanuka ŋin naabu kodiaka; idiopet araun ainakinet naka adiakaret, yenice da araun ainakinet naicweio. 8Eyauni kes mama ejai esasedoti, loisiauni ainakin ŋin yenika ainakinet naka adiakaret, emojirikini aŋedar akou komurisiŋike, konye mam etubutubei: 9Ebwatanakini aokot nuka ainakinet naka adiakaret owai loka etem; eitanakini aokot ace kere kwap ketem: ŋes ainakinet naka adiakaret. 10#Leb 1:14. Einakini yenikiareit araun ainakinet naicweio, kwape ejaar ekisil: ituluci esasedoti ŋes kanuka adiakareteke naabu kodiaka, isionio ŋes.
11 #
Mar 5:15. Konye arai icana ŋesi, mam epedori adumun ajeleik aarei karaida ilukei iarei ludidik, ŋes konyet eyaunia ainakineteke kanuka ŋin naabu kodiaka, idiopet kotomon yenika epa #5:11 epa ŋes aitemis naka alaŋir. loka akiria nuidicic araun ainakinet naka adiakaret; mam ebukokini akinyet, karaida aibwaikin lueuru maa; naarai ŋes ainakinet naka adiakaret. 12#Leb 4:35. Eyauni ŋes mama ejai esasedoti, emuduni esasedoti akan ileleba araun aiituneteke, kicwe kotem, kopone loka ainakineta nuka EJAKAIT nueinakinere kakim: ŋes ainakinet naka adiakaret, 13Ituluci esasedoti ŋes kanuka adiakareteke naabu kodiaka kadiokirot kaŋun, isionio ŋes: nuideunos eraunos nuka esasedoti, kwape ainakinet naka akiria.”
14Kotema EJAKAIT Musa atiar, 15#Leb 22:14; Esr 10:19; Any 30:13; Leb 27:25. “Arai kibuca ituŋanan aidiak komam ejeni, kakiro nukalaunak nuka EJAKAIT: eyauni do ainakineteke naka aronis mama ejai EJAKAIT, emerekek lomam eŋwalit kosipan, kwape itubokinia ijo epuesa kosekelin, kwape ejaar esekel#5:15 esekel ŋes apesa. loka aibois nakalaunan, araun ainakinet naka aronis: 16#Leb 6:5; 22:14; Mar 5:7; Leb 4:26; Bur 9:13,14. Egeli ŋesi ŋin naabu kiswama erono kakirot nakalaunan, iyatakini idiopet kokany, einakini esasedoti: ituluci esasedoti ŋes kemerekek loka ainakinet naka aronis, isionio ŋes.
17 #
Sab 19:12; Luk 12:48; Bur 5:2. Arai kediaka ituŋanan, aswam akirot kere naecorakinit EJAKAIT ebe mam iswamao; karaida kemam ejeni, konye egwauni akirot, ibwoki numam adoliteke. 18Eyauni ŋesi emerekek lomam eŋwalit kosipan, kwape itubokinia ijo, mama ejai esasedoti araun ainakinet naka aronis: ituluci esasedoti ŋes kanuka ŋin naabu kibuca komam ejeni, isionio ŋes. 19#Isa 53:10; Esr 10:2. Ŋes ainakinet naka aronis: abeit egwaunit akirot kakonyen nuka EJAKAIT.”
Currently Selected:
Ilebin 5: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
