Ilebin 3
3
1 #
Leb 22:21. Arai erai ainakineteke asubanit naka ainakineta nuka ainapakin; arai einakini kotoma osipan loka aituk, arai yenikiliokit arai yeniberu, einakini yenimam eŋwalit kakonyen nuka EJAKAIT, 2#Any 29:10; Isa 53:4; Mar 8:12; 2 Kor 5:21; Bur 9:28; 1 Pet 2:24; 3:18. Idokokini akanike akou naka ainakineteke, earakini ŋes okek loka ewema loka airiamunun: ebwatanakinete odwe luka Aaron lusasedotin aokot owaitin luka etem. 3Einakini nuka asubanit naka ainakineta nuka ainapakin ainakinet naeinakinere kakim mama ejai EJAKAIT: asiepai naerapit lukotoma, ka asiepai kere naejai toma, 4Ka iŋalur luarei ka asiepaikec naeapias kaŋabet, ka asiepai naka emany nepepe kaiŋalur, ŋul kere elemari. 5#Any 29:13; 1 Sam 2:15,16. Icweikinete odwe luka Aaron kotem neejai ainakinet naicweio, naejai akito nuejaas akim: ŋes ainakinet naeinakinere kakim, naka asakat naeuru saa mama ejai EJAKAIT.
6 #
2 Kor 5:21; Tit 2:11,12; Bur 7:26,27; 1 Pet 1:19. Arai erai ainakineteke naka asubanit naka ainakineta nuka ainapakin mama ejai EJAKAIT kosipan loka amerekekin; yenikiliokit arai yeniberu, einakini yenimam eŋwalit. 7Arai einakini imerekek araun ainakineteke, einakini ŋes kakonyen nuka EJAKAIT: 8Idokokini akanike akou naka ainakineteke, earakini kiŋaren kewema loka airiamunun: ebwatanakinete odwe luka Aaron aokotoke owaitin luka etem. 9Einakini nuka asubanit naka ainakineta nuka ainapakin ainakinet naeinakinere kakim mama ejai EJAKAIT: asiepaike, asonyok kere etubuni kariri naka aŋabet; ka asiepai naerapit lukotoma, ka asiepai kere naejai toma, 10Ka iŋalur luarei ka asiepaikee naeapias kaŋabet, ka asiepai naka emany nepepe kaiŋalur, ŋul kere elemari. 11#Leb 21:6,8,17-22; Esk 44:7; Mal 1:7,12. Icweikini esasedoti kes kotem: eraas inyamat luka ainakinet naeinakinere kakim mama ejai EJAKAIT.
12Arai erai ainakineteke akinei, einakini kakonyen nuka EJAKAIT, 13Idokokini akanike akouke, earakini ŋes kiŋaren kewema loka airiamunun: ebwatanakinete odwe luka Aaron aokotoke owaitin luka etem. 14Einakini nuka ainakineteke, ainakinet naeinakinere kakim mama ejai EJAKAIT: asiepai naerapit lukotoma, ka asiepai kere naejai toma, 15Ka iŋalur luarei, ka asiepaikec naeapias kaŋabet, ka asiepai naka emany nepepe kaiŋalur, ŋul kere elemari, 16#Leb 7:23; 1 Sam 2:15; 2 Siit 7:7. Icweikini esasedoti kes kotem: eraas inyamat luka ainakinet naeinakinere kakim, naka asakat naeuru saa; asiepai kere erai naka EJAKAIT. 17#Leb 6:18; 7:36; Age 9:4; Leb 17:10; Ikis 12:16; 1 Sam 14:33; Esk 44:7,15; Rom 14:20-23. Eraun ekisil lomam edaun anatar aturiokus kaiboisiokus kere, ebe mam inyamenenete asiepai karaida aokot.”
Currently Selected:
Ilebin 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.