Yon 3
3
1Kirucak akirot naka EJAKAIT abunore mama ejai Yona ebe, 2“Konyou, kolot Ninebe, ore ŋol loepol, kolimok ŋes akirot nakecorakin jo.”
3Konyou Yona, kolot Ninebe, kwape ajaar akirot naka EJAKAIT. Kerai Ninebe ere loepol noi noi, loka alosit naka apaarasia auni. 4#Ikis 18:22; Mat 12:41; Luk 11:32. Kogeu Yona alomar ore alosit naka adiopepaaran. Kiworo, kotema atiar, “Esalito apaarasia akaisaoŋon, kosodi konyet Ninebe atiyanakinio!” 5#Mat 12:41; Luk 11:32. Kiyuut ituŋa luka Ninebe Edeke; kolimosi ailuŋ, konapitos ipukoi, ageun ka lukapolok kiton ludidik kakesi.
6 #
Yob 2:8; Yer 6:26; Aku 3:29; Mik 1:10. Kodolokis akiro ekabaka loka Ninebe, konyou koicoloŋoke loka ajakanut, kolae ekegoe, konap epuko, kiboikin okurwon. 7#2 Siit 20:3; Yok 2:15. Abu kolimo kitejen Ninebe kere ebe, “Kokisil loka ekabaka ka ikapolokoke; Sirikiir ituŋanan karaida itian, esipan loka aituk, karaida loka amerekekin, idiobore: sirikenyama, karaida aimat akipi; 8#Isa 1:16; Esk 33:11; Dan 4:27. Konye kimukoros kipukoi, ituŋanan ka itian da, kiwoneoto noi Edeke: eebo, kibelokinos kesi ŋinituŋanan ainyein ekerot loerono, anyoun da kadeden naejai kakaninikec, 9Iŋai bo ejeŋi arai mam Edeke ibelokin iituni da, aibelokin ainyein akenyunyura naededen, tetere mam kitwaki?”
10Koany Edeke aswamisiokec, kwape ebelokinotor ainyein ekecerot loerono; kiitu Edeke kinyek aronis naabala iswamakini kes; mam abu kiswama.
Currently Selected:
Yon 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.