Yokana 7

1 # Mk 9:30; Luk 9:51. Akaulo kaŋun kitorite Yesu Galilaya; naarai mam kekoto aitorit Yudaya, naarai kemootos lyudayan aiar ŋes. 2#Leb 23:34; Ikis 16:13. Keapie epucit loka lyudayan loka iswamin. 3#Yok 2:12; Mat 12:46; Asw 1:14. Aso kotemasi ŋes ikeinacan atiar, “Konyou kane kolot Yudaya, tetere eanyunete ikonikesisiak akoniswamisio nuiswamai. 4Naarai emamei ituŋanan yeniswamai akiro kaiyeiyea, yenekoto ŋes elopet aitebeun. Arai kiswama nu kitodiar kakwapin.” 5#Mat 13:55. Naarai ikeinacan da mam eyuunito ŋes, 6#Yok 2:4. Aso kotema Yesu kes atiar, “Eroko akapak edolo; konye itemokino akusipak apaarasia kere. 7#Yok 15:18. Mam akwapin kipedorete aila yes, konye kalaito eoŋ, naarai etejenu eoŋ ebe eroko akeceswamisio. 8Kodokasi yesi opucit, mam ber eoŋ edokari opucit ŋol, naarai eroko akapak itodolikino.” 9Nakedaunia alimokin kes ŋun kosalak Galilaya.

10Konye nakedauniata ikeinacan adokar opucit, kanen kodoka ŋesi da elopet, mere kaitebeikin konye bala kaiyeiyea. 11Aso komoata Iyudayan ŋes kopucit, kobalas ebe, “Ai bo ejai ŋol?” 12Kojau airuruma naepol kokodeta kanukeŋ; kobalas ice ebe, “Erai etuŋanan loejok.” Kobalas ice da ebe, “Mere kwaŋin, konye itapaari ekodet.” 13#Yok 9:22; 12:42; 19:38. Konye emamei ituŋanan yeninera kaitebeikin naarai kekuriaka Iyudayan.

14Kosodi kanen kokidiŋ kepucit kodoka Yesu, koloma oyekalu, kogeu aisisianakin. 15#Mat 13:54; Luk 2:47. Koumokis Iyudayan, kobalas ebe, “Kikonakini lo ai ecouni komam isisiat?” 16#Yok 12:49. Aso Koboŋok Yesu kotema kes atiar, “Akaisisianakin mere nakaŋ dimarai naka ŋol lokejukuni; 17arai ekoto ituŋanan aswam nuekot ŋol, ejenuni nuka aisisianakin kana, arai kebuni kama ejai Edeke, arai bo enera kanukaŋ bon. 18#Yok 5:41,44. Yeninera kanukeŋ bon emoot akeibuses ilopet; konye yenemoot aibuses naka ŋol kalokijukuni ŋes erai yenikabeit, ido kotomake emamei aiŋalanut. 19#Yok 5:16,18,47; Asw 7:53; Rom 2:17-29. Mam kereka Musa kiinakinit yes ikisila? Konye emamei idio kayesi yenericit ikisila. Kanukinyo kimoiata aiar eoŋ?” 20#Mk 3:21; Yok 8:48,52; 10:20. Koboŋok ekodet ebe, “Ejai jo ajokit! Iŋai bo emoot aiar jo?” 21#Yok 5:16. Koboŋok Yesu kotema kes atiar, “Abu keswama aswamisioit adiopet, iwumokinito yesi kere, 22#Age 17:10; Leb 12:3. Kanuka ŋun abu Musa koinak yes aikep (konye mam abuni kama ka Musa, konye kama ka lukapapaa); ikepete yesi etuŋanan kapaaran nakasabato, 23#Yok 5:9. Arai ekepio etuŋanan kanakasabato, tetere mam ekisil loka Musa ebila, kinyunyurikis kereka eoŋ kanu etaŋaleunio cut etuŋanan kapaaran nakasabato? 24#Yok 8:15. Sirikituboto kwape eseseniata akusikonye, konye kotuboto kotoma adolit.”

25 # Yok 7:19. Aso kotemasi ice lukoYerusalem atiar, “Mere lo loemootos kesi aiar? 26Konye, koany, inera kaitebeikin, kwabo mam elimokinete adiokirot! Motoko ejenete ikayaitok abeit ebe erai lo Kristo? 27#Yok 7:41. Konye kijeni lo neebunitor; konye naebunio Kristo, emamei yenejeni neebunio.” 28Kiworo Yesu isisianakini koyekalu kobala ebe, “Ijenete eoŋ, ijenete nekabunio da; kwabo mam eoŋ abunit kanukaŋ, konye ŋol lokejukuni erai lokabeit, lomam yes ijenete. 29#Mat 11:27. Ajeni eoŋ ŋes; naarai abuni kamakeŋ, ŋes da kejukuni.” 30#Yok 8:20; 13:1; Luk 22:53. Kosodete komootos aikamun ŋes; konye mam etuŋanan abu korio akekanin aikamunia, naarai ariŋa edoluno ekesawa, 31#Yok 8:30; 10:42; 11:45; 12:42. Konye luipu lukokodet kiyuut ŋes; kobalas ebe, “Naebunio Kristo, iswamai kereka ŋesi aanyuneta nuipu aitelekarit nuiswamat lo?”

32Kiirasi Iparisayon ikodeta irurumaete ŋun kanukeŋ; kosodete isasedotin lupeti ka Iparisayon kijukasi ikejaanakinak aikamun ŋes, 33#Yok 13:33. Kosodi Yesu kobala ebe, “Eroko apak edit ajai nenipe kayes, kasodi alosit mama ejai lokejukuni. 34#Yok 8:21; 13:36; 17:24. Kimoete eoŋ komam kidumunete: neajai eoŋ mam yes ipedorete aponare.” 35Kosodete kineranakinos Iyudayan ebe, “Ai bo elosi lo nemam oni kipedori adumunia ŋes? Elosi kereka ŋesi mama ejaas luisiarakina oYonanin, ka aisisianakin da Iyonanin? 36Akirot anyoin na nainerit ebe, ‘Kimoete eoŋ komam kidumunete’, ido, ‘Neajai eoŋ mam ipedorete aponare’?”

37 # Leb 23:36; Yok 4:10,14. Kosodi kapaaran nakawasia naka epucit, ŋes apaaran nakapolon, kobwo Yesu kiworo ebe, “Arai kejak ituŋanan akur, kobu mamakaŋ komat. 38#Esk 47:1,12; Sek 13:1; 14:8; Yoe 2:28; 3:18; Isa 44:3; 55:1; 58:11. Yenikeyuuni, kwape ineratar nuiwadikatai ebe, ‘Eleleete icorin luka akipi nukajarak kotomakeŋ.’” 39#Yok 16:7; 2 Kor 3:17. Enerit akirot ŋin kanuka Emoyo, loeinakinio luiyuunito ŋes: naarai ariŋa ber Emoyo einakina, naarai eriŋa Yesu itopolooro.

40 # Yok 6:14; Ikis 18:15. Aso nakiirariata ice kokodet akiro ŋun, kobalas ebe, “Abeit erai lo enabi je.” 41#Yok 1:46. Ice da kobalas ebe, “Erai lo Kristo.” Konye ice kobalas ebe, “Mam, ebuni tope Kristo koGalilaya? 42#2 Sam 7:12; Mik 5:2; Mat 2:5,6; 22:42; Sab 89:3. Mam kereka ebalas nukiwadikatai ebe ebuni Kristo kaur naka Daudi, kotoma Betelekem, ere lokejai Daudi?” 43#Yok 9:16. Kwaŋin kojai atiakatiakaun kotuŋa kanukeŋ, 44#Yok 7:30. Kokotosi ice aikamun ŋes, konye komamei yenikibwaikini ŋes akanin;

45 # Yok 7:32. Koboŋosi ikejaanakinak mama ejaas isasedotin lupeti ka Iparisayon, luketemarete kes atiar, “Kanukinyo mam kiyauniata ŋes?” 46#Mat 7:28,29. Koboŋokis ikejaanakinak ebe, “Mam inerit cut idiotuŋanan kwape inerar etuŋanan lo.” 47Kosodete koboŋokis Iparisayon ebe, “Aso cama kitapaa yes da? 48#Yok 12:42. Iŋai bo kotoma ikayaitok loiyuunit ŋes, arai kotoma oParisayon? 49Konye ikenitoi ekodet ŋol lomam ejeni ikisila.” 50#Yok 3:1-2. Kobala Nikodemo, ŋes lokelosit kolo mama ejai Yesu, lokerai ediopet kakesi ebe, 51#Ikis 1:16,17; 19:15.“Etubokinete kereka ikisilawok etuŋanan, eriŋa ber iirara ŋes ka ajenun nuiswamai?” 52#Yok 1:46; 7:41. Koboŋokis kotemasi ŋes atiar, “Ibunit kereka ijo da koGalilaya? Koŋic, koany ebe mam enyouni enabi koGalilaya.”

53Koboŋo ŋolituŋanan oreke.

Currently Selected:

Yokana 7: AOV1961

Highlight

Copy