Yokana 18

1 # Mat 26:36; Mk 14:32; Luk 22:39; 2 Sam 15:23. Nakedaunia Yesu einer akiro ŋun, koloma nepepe kikekesisiak kodoka aguurut Kidiron, nekejai emanikor, koloma ŋesi ka ikekesisiak.

2 # Mat 26:47-56; Mk 14:43-52; Luk 22:47-53. Kejeni Yuda da loakoto abilakin ŋes ebotet aibois ŋin; naarai kelosenenei Yesu ŋina irwan ipu nenipe kikekesisiak. #Luk 21:37. 3Kosodi kedau Yuda ainakinio erioŋet loka iserikalei, ka ikejaanakinak kama kisasedotin lupeti ka Iparisayon, kolot ŋina katalai ka akalasia ka lujiis, 4#Yok 19:28. Kosodi Yesu, kojeni kere nuedoikinete, kolom kotema kes atiar, “Iŋai bo imootos?” 5Koboŋokis ebe, “Yesu loko Nasaret.” Kotema Yesu kes atiar, “Eoŋ lo.” Kebwoi Yuda da lokebilakini ŋes ebotet nenipe kakes. 6Nakelimokinia kes ebe, “Eoŋ lo,” koboŋosi kau, kibirokinos kwap. 7Kosodi kiŋit bobo ebe, “Iŋai bo imootos?” Kotemasi atiar, “Yesu loko Nasaret.” 8Koboŋok Yesu ebe, “Kadau alimokin yes ebe eoŋ lo: aso arai kimootos eoŋ, kinyeis lu koloto.” 9#Yok 17:12. Tetere edoli akirot naenerit ebe, “Lukiinakinit eoŋ mam etooliorit ediopet.” 10Kosodi Simon Petero, kejai ekileŋ, kout kinom ebulesit loka losasedoti lopeti, kotub akekit nakoteten. Kerai ekiror loka ebulesit Malako. 11#Mat 26:39; Mk 14:36; Luk 22:42. Kotema Yesu Petero atiar, “Kinyakak ekileŋikon akuraruke; mam kereka eoŋ amasi akoli nakainakinit Papa?”

12 # Mat 26:57-75; Mk 14:53-72; Luk 22:54-71. Kosodete iserikalei ka ekapolokiton ka ikejaanakinak luka Iyudayan kikamut Yesu, koena, 13Koyaŋaasi ber mama ejai Anas; naarai kerai ekamuran loka Kaiapa lokerai esasedoti lopeti okaru ŋol. 14#Yok 11:49-50. Kaiapa ŋol lokeinakin Iyudayan aomisioit ebe ejok etuŋanan ediopet atwanikin ituŋa,

15 # Yok 20:3; 21:20; Asw 3:1. Kotupa Simon Petero Yesu, ka ekesisian ece da. Kejenikina ekesisian ŋol kama ka losasedoti lopeti, koloma ŋesi nepepe ka Yesu alaro naka losasedoti lopeti; 16konye kobwoi Petero korute kokiŋa. Kosodi kolom ekesisian ece lokejenikina kama ka losasedoti lopeti, kinerata ka akagolon, kitolom Petero. 17Kosodi kotema apese nakagolon Petero atiar, “Irai kereka ijo da ediopet kokesisiak luka etuŋanan kaŋol?” Konye ŋes kobala ebe, “Mere eoŋ.” 18Kebwoete ibulesin ka ikejaanakinak inokokinito akim naka atotol; naarai kededen aaterot; ipierete akim; kejai Petero da nenipe kakes ebwoi ipieri.

19Kiŋit losasedoti lopeti Yesu nuka ikekesisiak ka nuka akeisisianakin da. 20#Yok 7:14,26; Mat 10:27. Koboŋok Yesu ebe, “Enerit eoŋ kakwapin kaitebeikin; esisianakinenei apaarasia kere katukosia ka oyekalu da, neatukonokinos Iyudayan kere; kwabo mam eoŋ enerit akirot kere kaiyeiyea. 21Kanukinyo kiŋisitor eoŋ? Kiŋit lukeirarito anyoika nukalimokinit kes; koany, ejenete ŋul nuenerit eoŋ.” 22#Yok 19:3; Asw 23:2. Nakedaunia einer ŋun, abu ekejaanakinan lokebwoi aapu kaŋes kibapa Yesu, kobala ebe, “Iboŋokini kwaŋin esasedoti lopeti?” 23Koboŋok Yesu ebe, “Arai enerit nukaronok kitejen nukaronok; konye arai enerit nuejok, kanukinyo kibapia?” 24Kosodi kijuka Anas ŋes eenitai mama ejai Kaiapa losasedoti lopeti.

25Kebwoi Simon Petero ipieri akim. Kosodete kobalas ŋes ebe, “Irai kereka ijo da ediopet kokesisiakake?” Koŋer kobala ebe, “Mere eoŋ.” 26Kobala ediopet kobulesin luka losasedoti lopeti, lokerai lokajen naka je loketubi Petero akekit ebe, “Mam kereka kaanyunit jo komanikor nepepe kaŋesi” 27Kosodi koŋer bobo Petero: atipet koruik ekokor.

28 # Mat 27:2,11-30; Mk 15:1-19; Luk 23:1-25. Kosodete koyaŋaasi Yesu anyoun kama ka Kaiapa kiton ore loka ekayaiton: kerai napetupuruc sek: konye mam kes elomara toma ore loka ekayaiton, kinyeis amunaar, konye kopedosi ainyam lukaleleŋ, 29Kosodi kolom Pilato kiŋa mamakec, kobala ebe, “Nunyoika iwosatere etuŋanan lo?” 30Koboŋokis kotemasi atiar, “Arai mam etuŋanan lo iswamat nueroko, timam kiyau mamakon.” 31#Yok 19:6,7; Asw 18:15. Kotema Pilato kes atiar, “Aso koyaŋaasi yesi, kotubokis kokisilikus.” Kotemasi Iyudayan ŋes atiar, “Emamei sio apedor aiar ituŋanan.” 32#Yok 3:14; 12:32; 19:32,33; Mat 20:19. Tetere edoli akirot naka Yesu nakinerit, itodikini atwanare naekoto atwanare.

33Kosodi koloma Pilato bobo toma ore loka ekayaiton, konyarau Yesu, kotema ŋes atiar, “Irai kereka ijo Ekabaka loka Iyudayan?” 34#Mat 16:13. Koboŋok Yesu ebe, “Inera kereka ijo nu kanukon bon, arai bo kilimokis ituŋa ice nukaŋ?” 35#Yok 1:11; Mat 21:39. Koboŋok Pilato ebe, “Arai tope eoŋ Eyudayat? Akoniteker ka isasedotin lupeti kes kijaikinete mamakaŋ, Iswamat anyoika?” 36Koboŋok Yesu ebe, “Akajakanut mere naka akwapin kanu: arai kerai akajakanut naka akwapin kanu, tikejioto ikakejaanakinak, kenyek aijaikin mama ejaas Iyudayan; konye akaiakanut mere naka ne.” 37#1 Tim 6:13; Yok 8:47; 10:27. Kotema Pilato ŋes atiar, “Irai kereka ijo ekabaka?” Koboŋok Yesu ebe, “Ijo ibala ebe arai eoŋ ekabaka. Kauritai eoŋ kanuka ŋun, kanuka ŋun da abu kabu akwapin, tetere etejenuni abeit. Yenerai yenikabeit iirari ekaporoto.” 38Kotema Pilato atiar, “Inyo bo abeit?”

Kedau einer ŋun, koloma bobo mama ejaas Iyudayan, kotema kes atiar, “Mam eoŋ aanyunit adioronis kamakeŋ. 39Konye ejai yes epone, eoŋ aosikin yes ediopet apak naka Aleleŋ: aso ikotosi kereka kaosikis Ekabaka loka Iyudayan?” 40Kiworoto bobo ebe, “Mere lo, dimarai Baraba.” Kerai Baraba ŋol ekaŋatan.

Currently Selected:

Yokana 18: AOV1961

Highlight

Copy