Yokana 11

1 # Luk 10:38-39. Kodeka etuŋanan, ekekiror Lasaro loko Betaniya, lokorekec loka Mariam ka Marita kinacike. 2#Yok 12:3. Ŋes Mariam nakinyonyoanakini Ejakait akinyet, konina akekeje kitimake, ŋipeŋin nakedeka onaceke Lasaro. 3Aso kiyakiasi ainacan ŋun mama ejai Yesu ebe, “Ejakait, edeka ŋol loimina ijo.” 4#Yok 9:3. Konye nakiiraria Yesu kobala ebe, “Adeka na mam erai nakatwanare; konye kanuka aibuses naka Edeke, tetere itopoloorio Okoku loka Edeke kanuka ŋun.”

5Komina Yesu Marita ka inacike, ka Lasaro da. 6Aso nakiiraria ebe edek, kosalak nekejai apaarasia aarei, 7Kosodi kokau kaŋun kotema ikekesisiak atiar, “Kaloto bobo Yudaya.” 8#Ikis 15:11; Yok 8:59; 10:31. Kotemasi ŋes ikekesisiak atiar, “Rabi, koloje kwape kwana kikotos Iyudayan aibiribir kamor, ilosi teni bobo ŋipeŋina?” 9#Yok 9:4,5; 1 Yok 2:10. Koboŋok Yesu ebe, “Mam kereka eraas isawan luka paaran itomon ka luarei? Arai elosi ituŋanan paaran mam iguikini, naarai eanyuni aica naka akwapin kanu. 10#Yok 12:35; 1 Yok 2:11. Konye arai kelot kuare, iguikini, naarai emamei aica kotomakeŋ.” 11#Mat 9:24; Luk 8:52. Kinera ŋun, kosodi kotema kes atiar, “Opaperowok Lasaro ejotoi, konye alosi eoŋ ketwekeny.” 12Kotemasi ikekesisiak ebe, “Ejakait, arai eiotoi, eŋaleuni.” 13Konye kinera Yesu nuka atwanareke, koomitos kesi ebe enera akiro nuka ajo. 14Kosodi kolimok Yesu kes kaitebeikin ebe, “Atwana Lasaro. 15#Sek 9:9. Ido eyalamikin eoŋ kanukus naarai amamei eoŋ kaŋina, tetere iyuunete. Konye kaloto do mamakeŋ.” 16#Mk 10:32; 14:31. Kosodi Tomas loenyaritai Didumo#11:16 Didumo apolouke Emuut. kobala ikepaup ikesisiak ebe, “Kaloto oni da, katwaka nepepe kaŋes.”

17Kosodi nakedolio Yesu kodum edaunit ŋesi apaarasia aoŋon kates, 18Keapias Betaniya ka Yerusalem, bala amairon aarei, 19keponitos ituŋa luipu ko Yudayan mama ejai Marita ka Mariam aipudun kes kanuka onacekec. 20Kosodi nakiiraria Marita ebe ebunit Yesu, kolot aisiriam ŋes; kosalakinite Mariam togo. 21#Yok 3:32. Kosodi kotema Marita Yesu atiar, “Ejakait, arai kijai ijo ne, timam onaceka ketwana. 22Konye kwana da ajeni ebe kere nuilipi ijo Edeke kiinakini Edeke.” 23Kotema Yesu ŋes atiar, “Ejaruni onacekon.” 24#Yok 5:29; 6:40; Luk 14:14. Kotema Marita ŋes atiar, “Ajeni ebe ejaruni kotoma ajarun naka apaaran nakawasia.” 25Kotema Yesu ŋes atiar, “Arai eoŋ ajarun ka aijar da; ŋin yenikeyuuni eoŋ, karaida ketwana, ejari. 26#Yok 5:24; 8:51. Ŋin da yenejari yenikeyuuni eoŋ mam etwani ikar kere. Iyuunit kereka ijo ŋun?” 27#Yok 6:69. Kotema ŋes atiar, “Eebo, Ejakait; eyuunit eoŋ ebe irai ijo Kristo, Okoku loka Edeke, loebunit akwapin.”

28Nakedaunia einer ŋun, kolot, konyarau kinacike Mariam kaiyeiyea, kobala ebe, “Ejai Ekesisianakinan ne, kinyarit jo.” 29Nakiiraria ŋesi ŋun, kodetun atipet, kolot mamakeŋ, 30#Yok 11:20. Aroko Yesu edoluno ore, konye aroko ejai aibois naesiriamia Marita. 31Kosodete Iyudayan luajaas ka Mariam togo ipudunete, nakeanyuniata edetun atipet ka alomar kiŋa, kotupasi ŋes, koomito ebe elosi ates aimony ŋina. 32#Yok 11:21. Kosodi nakedolio Mariam nekejai Yesu, koany ŋes, kibirokin akejeke, kotema atiar, “Ejakait, arai kijai ijo ne timam onaceka ketwana.” 33#Yok 13:21. Nakeanyunia Yesu ŋes emonyi, ka Iyudayan da lukeupas kaŋes emonyete, komulau eketau, kokadak, 34kotema atiar, “Ibwaikinito ai?” Kotemasi ŋes atiar, “Ejakait, bia koany.” 35#Luk 19:41. Komony Yesu, 36Kosodete kotemasi Iyudayan atiar, “Koany, kwape lem keminar ŋes!” 37Konye kobalasi ice kakesi ebe, “Ŋol lokitwekenyuni akonye nuka emuduki mam tikepedo aisimik ŋol atwanare?”

38 # Isa 53:1; Mat 27:60. Kosodi Yesu, komulau bobo eketau, kodol ates; kerai abua, kerapakinitai amoru, 39#Yok 20:1. Kotema Yesu atiar, “Kolemasi amoru.” Kobala Marita inac naka lokatwan ebe, “Ejakait, eur kwana, naarai edaunit apaarasia aoŋon etwanit.” 40#Isa 6:10; Yok 4:23,25,26. Kotema Yesu ŋes atiar, “Mam kereka kalimokinit jo ebe arai iyuunit, ianyuni aibuses naka Edeke?” 41Kosodete kolemasi amoru. Kikeu Yesu akekonye akuj, kotema atiar, “Kemalai jo Papa, naarai kiira eoŋ. 42#Yok 12:30. Kajen ebe kiiranari eoŋ apaarasia kere, konye kener nu kanuka ekodet kalo loejai ne, tetere iyuunete ebe jo kijukunit eoŋ.” 43Nakedaunia einer ŋun, kiworo keporoto loepol ebe, “Lasaro, kolom.” 44Kolom lokatwan, eenitai akanin ka akeje kigoen luka aida; eenitai akekonye da keitabala. Kotema Yesu kes atiar, “Kolacasi ŋes, koosikis kolot.”

45 # Luk 16:31; Yok 10:42; 12:42. Kosodete kiyuutu ŋes luipu kotoma oYudayan lukeponito mama ejai Mariam, lukeanyunito nueswamat Yesu. 46Konye ice kakesi koloto mama ejaas Iparisayon, kolimokis nukiswamai Yesu. 47Kosodete isasedotin lupeti ka Iparisayon kotukokis aurianet, kobalas ebe, “Kikwaikini ai? Naarai iswamai etuŋanan ŋol aanyuneta nuipu. 48Arai kiinyei, iyuunete ŋes ituŋa kere: epote Iromayon kidemarete oni aiboisiwok ka awokoteker da.” 49Konye ediopet kakesi, ŋes Kaiapa, lokerai losasedoti lopeti kokaru kaŋol, kotema kes atiar, “Mam iienete adiokirot kere. 50#Yok 18:14. Kwabo mam iwomito ebe ibusakinit ediopetuŋanan atwanare kanuka ituŋa, kinye ateker kere amudiar.” 51#Age 50:20; Any 28:30; Mar 27:21. Mam ŋes kinera akirot ŋin kanukeŋ bon; konye naarai kerai losasedoti lopeti kokaru kaŋol, abu kodwar ebe etwani Yesu kanuka ateker; 52#Yok 10:16; 1 Yok 2:2; Mat 12:30. kwabo mere kanuka ateker kaŋin bon, konye tetere etukokini nepepe idwe luka Edeke lukisiarakinos araut ipe, 53Ameun kapaaran kaŋin kinerut nuka aiar ŋes.

54Kanuka ŋun mam bobo Yesu alosi kaitebeikin kotoma oYudayan, konye konyou kaŋina kolot aibois naeapias kamodiŋ, kiton ore loenyaritai Epuraim; kosal ŋina nenipe kikekesisiak.

55 # 2 Siit 30:17; Mk 10:32; Asw 21:24,26. Keapie Aleleŋ naka Iyudayan; kodokasi luipu Yerusalem anyoun kamanat aliŋakin Aleleŋ, tetere italaunos. 56Kosodete komoata Yesu, kineranakinos ebwoete koyekalu ebe, “Iwomito inyo? Mam kereka ŋes ebuni opucit lo?” 57Kicorakinito isasedotin lupeti ka Iparisayon ebe arai kejenu ituŋanan neejai, kitejenu kes, tetere ikamunete.

Currently Selected:

Yokana 11: AOV1961

Highlight

Copy