Iburanian 9

1Aso aitutuket nasodit da kejaas kaicorakineta nuka aima Edeke ka aibois nakalaunan naka akwap. 2#Any 26:1-30; 25:23-40. Naarai itemokinitoi ewema losodit, lokejai epir loka atalai, ka emesa, ka imugatin luka aitodikin, nen ŋes kenyaritai Aibois nakalaunan. 3#Any 26:31-33. Kau naka aigalisit nakiareit kejai ewema lokenyaritai Aibois nakalaunan noi, 4#Any 16:33; 25:16,21; Mar 17:10. lokejai etem loka lukisupurununo lokesabu, ka asaduku naka aitutuket nakiladaaritai kesabu iwaitin kere, nekejai atido nakesabu nakejai emanu, ka ebela loka Aaron loeburukunyit, ka amor da nuka aitutuket; 5#Any 25:18-22; 26:34. kujuke da Ikerubin luka aibuses, iteriborito eicoloŋ-lokaitim. Emamei apak kwana einer akiro nuka iboro kaŋul idiopet idiopet.

6 # Mar 18:2-6. Aso kedaut iboro ŋul aitemonokinio kwaŋin, elomanarete isasedotin tiritir owema losodit, itodolikinete akiro nuka aijaanakin; 7#Leb 16:2-34; Any 30:10. konye owema ŋol lokiareit elomanari esasedoti lopeti bon, irwan atipet ŋolikaru, mere komameete aokot nueinakini kanuke, ido kanuka aibucareta nuka aolit naka ituŋa. 8#Bur 10:19. Isideleleuni Emoyo Lokalaunan ebe mam ber erot etakanuna alomar aiboisio nukalaunak, naeriŋar ewema losodit ebwoi. 9#Bur 10:1,2. Ŋin ŋes aput naka apak nakwana, naejaas ainakineta ka asuban nueinakinio numam epedorete aitodol aomisio nuka yenemai; 10#Leb 11:2; 15:18; Mar 19:13. naarai eraas ikisila luka akuan bon, lunyaman ka lumatan, ka luka ailoŋ naka iponesio luegelegela, lukicorakinio aitodol apak naka aiteteunio. 11#Bur 6:20; 10:1. Konye kedau Kristo abunore, loerai esasedoti lopeti loka akiro nuejok nuejaunete, kotoma owema loepol aitelekarit loitodolikinio jokan, lomam kiswamao kakanin, ŋes atemar ebe, mere loka akwap kana, 12kwabo mere kanuka aokot nuka akinei ka itak lurosok, konye kanuka akeokot elopet, abu koloma irwan atipet bon Aibois Nakalaunan, nakedaunia adumun alakun naka ikar kere. 13#Leb 16:3,15-16; Mar 19:9,17-19. Naarai arai aokot nuka akinei ka imoŋin, ka ekurwon loka ataok, lukebwatanakinio luemunaara, italaunete kiton aitesegaar akuan, 14#1 Pet 1:18,19; 1 Yok 1:7; Apu 1:5; 1 Kor 15:45; Bur 6:1. itelekarito cama aokot nuka Kristo, lokeinakin bon mama ejai Edeke kotoma Omoyo loka ikar kere, araun asubanit naemamei akemer, itesegarete aomisiokus kaswamisio nukatwak tetere ijaanakinete Edeke lokajaran.

15 # Bur 12:24; 1 Tim 2:5. Kanuka ŋun erai ekadiekan loka aitutuket nakitetet, tetere edumunete ŋul lukenyaraunitai aisumunet naka airumet naka ikar kere, naarai abu atwanare kojau naelakuni kes kotoma apaanareta nukotoma aitutuket nasodit. 16Naarai neejai aitutuket naka airum, ibusakinit kojai atwanare naka yenikitutuki ŋin. 17Naarai icasit aitutuket naka airum nakejaunia atwanare, naarai emamei ŋes agogoŋ arai eroko ejari yenikitutuki. 18Kanuka ŋun kiton aitutuket nasodit da mam itaŋitai komameete aokot. 19#Any 24:6-8; Leb 14:4; Mar 19:6. Naarai nakedaunia Musa alimokin ituŋa kere ninikicorakinet kwape ejaatar ikisila, abu kolem aokot nuka itak lurosok ka nuka akinei nepepe kakipi ka eusi loereŋ, ka esop#9:19 esop eputosi bala emopim. da, kobwatanak eitabo ka ituŋa kere, 20#Mat 26:28. kobala ebe, “Nu kes aokot nuka aitutuket nukiicorakini yes Edeke,” 21#Leb 8:15,19. kobwatanak aokot kopone kaŋol ewema, ka iboro kere da luka aijaanakin. 22#Leb 17:11; Pes 1:7. Abeit kotoma ikisila aapiei iboro kere aitesegario kaokot, ido arai emamei abukor aokot emamei aisionio.

23 # Bur 8:5. Aso ibusakinit aputosia nuka iboro lukokuju aitesegario kaŋun, konye iboro lukokuju ikulepek ibusakinit aitesegario kasuban nuitelekarito ŋun kajokis. 24#Bur 11:12; 1 Yok 2:1. Naarai mam Kristo alomarit aibois nakalaunan nakiswamao kakanin, nakeputosi kaŋin kanakabeit, konye toma akuj alopet, atakanu kwana kakonyen nuka Edeke kanuwok. 25Kwabo mere ainanakin bon irwan ipu, kwape elomanaria esasedoti lopeti Aibois Nakalaunan ŋolikaru kaokot numam eraas nuke; 26#1 Kor 10:11; Gal 4:4. naarai tiibusakinit ŋes arieb irwan ipu ameun kaisub akwapin. Konye kwana, atakanu irwan atipet bon kawasia naka ikar alemar adiakanareta kanuka ainakin bon araut asubanit. 27#Age 3:19. Ido kwape itemokinitere ituŋa atwanare irwan atipet, kosodi akaulo kaŋin atubokinio, 28#Isa 53:12; Pil 3:20; Bur 10:10; 12:14; 2 Tim 4:8; 1 Pet 2:24. kwape kwaŋin Kristo da, nakeinakinere irwan atipet aibwok adiakanareta nuka ikepuak, etakanuni irwan nakiareit komamei adiakar mama kaŋul luidareto ŋes kanuka aitaiario,

Currently Selected:

Iburanian 9: AOV1961

Highlight

Copy