Ageun 40

1 # Nek 1:11. Kosodi kokau kanun, kodiakasi ekawokon loka ekabaka loka Misiri, ka ekepoonike da kama ejai ejakaitikec ekabaka loka Misiri. 2#Awa 16:14. Konyunyurik Parao ikekeswamak kere, ekapolon loka ikawokok, ka ekapolon loka ikepook da. 3#Age 39:20. Koenik kes togo loka ekapolon loka iserikalen, toma aidaris, aibois naeenitere Yosep. 4Abu ekapolon loka iserikalen kititin kes Yosep, kijaanak kes. Kodaut kanen apak. 5Kirujata luarei, ŋinituŋanan akeiruiasit, kotoma akuare adiopet, ninitunanan kwape ejaar apolou naka airujasitike, ekawokon ka ekepoon loka ekabaka loka Misiri, luaenitai kotoma aidaris. 6Koloma Yosep neaiaas kesi tupuruc, koanyu kes, ido koany, akadakinito. 7Kinit ikeswamak luka Parao luaenitai nenipe kaŋes kotoma togo loka ejakaitike, ebe, “Inyo itakaniata ikadakinito lolo?” 8#Age 41:15,16; Dan 2:11. Kotemasi ŋes atiar, “Kiruja isio airujasit; konye emamei yenepedori aitejenun apolouke.” Kotema kes Yosep atiar, “Mam kereka aitejenun apolou erai naka Edeke? Kolimokinai cani, kenainaitos.”

9Kolimok ekawokon lokapolon Yosep akeirujasit, kotema ŋes atiar, “Toma airujasitika, koany, bala ajai emusabibu akonyeneka; 10Omusabibu da ajaas atenuna auni: kosubite bala elibi, kituro atur; aibunetake da koraata araito nuekokito. 11Kojai da aikopo naka Parao akanika; kalem araito, kacuanak toma aikopo naka Parao, kainak aikopo akan naka Parao.” 12#Tub 7:14; Dan 2:36; 4:19. Kotema Yosep ŋes atiar, “Na ŋes akepolou: atenuna auni kes apaarasia auni: 13#Sab 3:3; Yer 52:31. Akaulo kapaarasia auni itonyouni Parao akonikou, kosodi ainyakar toma aswamukon: ido ijaanakini aikopo akan naka Parao, kwape ajaar lem epone iriŋa irai ekawokonike. 14#Luk 23:42; Yos 2:12; 1 Sam 20:14; 1 Ika 2:7. Konye kiitununei eoŋ da naidumunia aiokis, kitodik eoŋ asianut, kenainait, kolimonori eoŋ kama ka Parao, kolem eoŋ kotogo kalo. 15#Age 39:20. Naarai abeit kakokounio kakwap naka Iburanian; kane da mam eswamat adiokirot natikebwaikiniata eoŋ aidaris.”

16Keanyu ekepoon lokapolon ebe ejok apolou naka akiro, kotema ŋesi Yosep atiar, “Eoŋ da ajai akairujasit, ido koany, bala ebwokit ibukito iuni luajaas imugatin luekwanak; 17Obukit da lokokuju ajaas iponesio kere luka inyamat luepee luka Parao; konyamakis akweny obukit kokuju akouka.” 18Koboŋok Yosep atiar, “Na ŋes akepolou, ibukito iuni kes apaarasia auni; 19Akaulo kapaarasia auni itonyouni Parao akonikou anyoun kama ijai, kikaiakini jo okitoi; akweny da enyamete akonikirin alemunun kamakon.”

20 # Mat 14:6; Mk 6:21. Kosodi kapaaran kanakiwuniet, apaaran nakewuriere Parao, kipoik ikekejaanakinak kere inyamat luipu; kitonyou akou naka ekawokon lokapolon, akou da naka ekepoon lokapolon kokejaanakinakake. 21#Age 40:13; Nek 2:1. Kinyaku bobo ekawokon lokapolon toma aiwokoke; kijaanak aikopo akan naka Parao; 22#Est 7:10. Konye kikajak ekepoon lokapolon: kwape etejenunitor kes Yosep apolou. 23#Yob 19:14; Sab 31:12; Awa 3:27; Lim 9:15; Amo 6:6; Bur 13:16. Konye mam ekawokon lokapolon abu kiitu Yosep, konye abu kimurwok.

Currently Selected:

Ageun 40: AOV1961

Highlight

Copy