Ageun 17

1 # Age 5:22; Yob 1:1. Nakeraar Aburam loka ikar akaisakanykaoŋon ka lukanykaonon, kitaanyikin Edeke Aburam, kobala ebe, “Bon Edeke Lokapedor kere, kolosenenei kakonyeneka, koluor ekadoliton. 2#Gal 3:17,18. Etutuki eoŋ akaitutuket kajo, kesupui da noi adepar.” 3#Any 3:6. Kibiror Aburam ebuburia: kinera Edeke kaŋes atiar, 4“Eoŋ da, koany, ejai aitutuketeka kajo, iraun ijo da papa loka atekerin nuipu. 5#Rom 4:17. Mam bobo kinyaritai ekonikiror Aburam, konye eraun do ekonikiror Aburaam; naarai ketuluo jo papa loka atekerin nuipu. 6Kesupui da noi adepar, ketuluori jo atekerin, elomunete da ikabakan kotomakon. 7#Luk 1:55; Age 26:24; 28:13; Bur 11:16; Rom 9:7-9. Etogogoŋi da akaitutuket eoŋ ka jo ka akoniwur naetupanakini, anatar aturioke kere, araun aitutuket namam enaŋi, araun Edeke kaneijai ijo ka akoniwur da naetupanakini, 8#Asw 7:5; Any 6:7; 29:45; Leb 26:12; Ikis 4:37; 14:2; 26:18; Sab 48:14; Apu 21:7. Ido kainakin jo ka akoniwur naetupanakini akwap nakiloseneneo, akwap kere naka Kanaan, airum ikar kere; Eoŋ da araun Edekekec.”

9 # Sab 25:10. Kotema Edeke Aburam atiar, “Ŋo da, irici akaitutuket, ijo ka akoniwur naetupanakini anatar aturiokec kere. 10#Asw 7:8; Rom 4:11. Na ŋes akaitutuket, nairicenenete, kidiŋ eoŋ ka jo ka akoniwur naetupanakini; Ekepeneneo ŋolikiliokit kotomakus. 11#Asw 7:8; Rom 4:11; Gal 6:15. Ido kikepeneneo amuny naka ekiliokanekus; eraun da nin aanyunet naka aitutuket kidin eoŋ ka yes. 12#Luk 2:21; Yok 7:22. Ekepeneneo kotomakus yenedaunit apaarasia akanykauni; noliklliokit kotoma aturiokus, loewurikinio okal, ka ŋol da lokitwegelete imo kapesan, lomere loka aurikon. 13Loeurio kokalekon, ka ŋol da loegweleneneo kapesanakon, ibusakinit akepio. Ejaununei da akaitutuket toma awatekus araun aitutuket namam edaun. 14#Any 4:24; Yos 5:2-7. Ekiliokit da lomam ekepep amuny naka ekiliokaneke, abil ŋol aitutuketeka, egelario etuŋanan ŋol kotuŋake.”

15Kotema Edeke Aburaam atiar, “Akoniberu Sarai, mam bobo inyarit ekekiror Sarai, konye Sara#17:15 Sara Apolouke Nakaibuses. ŋes do ekekiror. 16#Age 18:10; 21:1. Eoŋ da esirereni ŋes, ido kainakini jo ikoku kamake: eebo, esirereni ŋes: eraun da toto naka atekerin; elomunete ikabakan luka ituŋa kotomake.” 17#Age 18:12; 21:6,7. Kopaari Aburaam aibirokin ebuburia, kokieni, kinera kotauke ebe, “Euruuni nopenol ikoku loadau ikar akwatat? Ido ka Sara da naadau ikar akaisakanykaoŋon, eurie?” 18Kotema Aburaam Edeke atiar, “Arai gwai Isimael eraun lokaiaran kakonyenekon!” 19#Age 18:10; 21:2; Gal 4:28-31. Kotema Edeke atiar, “Mam, konye kiwurikin Sara aberukon ikoku; imaikini ijo da ekekiror Isaak; #17:19 Isaak Elomunit apolouke kAburanian ebe Akiena. ka eoŋ da etogogoŋi akaitutuket kaŋes araun aitutuket namam edaun mama ejai aurike naetupanakini. 20#Age 16:10; 21:18; 25:12-16. Kanuka Isimael keira jo; koany, esireren ŋes, ido esupui, ido eyatakin noi; euriei ijaka itomon ka luarei, ido etuluori ateker naepol. 21#Age 21:2. Konye etogogoŋi akaitutuket kama ejai Isaak, lokiwurikini Sara kapak kanapekana kokaru kaloebunit.”

22 # Age 18:33; 35:9-15. Kinye einer kaŋes, konyou Edeke kama ejai Aburaam. 23#Age 17:9. Koya Aburaam ikekoku Isimael, ka ŋul kere luaurikinio okaleke, ka ŋul kere luagwelio kikeboro, nolikiliokit kotoma otuŋa lukokal loka Aburaam, kokep kes kapaaran kaŋin amuny naka ekiliokanekec, kwape ketemaria ŋes Edeke. 24Kodaunite Aburaam ikar akaisakanykaoŋon ka lukanykaonon, nakekepere amuny naka ekiliokaneke. 25Adaunit okokuke da Isimael ikar itomon ka luuni, nakekepere amuny naka ekiliokaneke. 26#Sab 119:60. Kapaaran kaŋin kokepai Aburaam ka okokuke Isimael. 27#Age 14:14; 18:19. Ikiliok kere lukokaleke ka luaurikinio okal, ka ŋul lukitwegelenenete imo kiboro, kokepai nepepe kaŋes,

Currently Selected:

Ageun 17: AOV1961

Highlight

Copy