Anyoun 3

1 # 1 Ika 19:8. Ecokie Musa esipan loka ekamuranike Yetero, esasedoti loka Midian: komea esipan kau kamodiŋ, kodol moru loka Edeke, Koreb. 2#Asw 7:30-34; Ikis 33:16; Isa 63:9. Kitaanyikin emalaika loka EJAKAIT Uŋes, kotoma aŋajep naka akim kokidiŋ kekiot: kosesen, ido koany, anoki akim kokiot, komam ekiot idopori. 3#Sab 111:2. Kobala Musa ebe, “Kamana ber, kaany akirot na naepol, namam ekiot idoporia.” 4#Ikis 33:16. Keanyu EJAKAIT ŋes emanuni aanyun, konyarau Edeke Uŋes kokidiŋ okiot kiner ebe, “Musa, Musa.” Kii ebe, “Eoŋ lo.” 5#Yos 5:15. Kobala ebe, “Sirikikuny ne: kolaca akonimuk kakejenekon, naarai aibois naibwoia erai akwap nakalaunan.” 6#Age 28:13; Mk 12:26; Isa 6:1,5; Apu 1:17. Kiner bobo ebe, “Eoŋ Edeke loka papakon, Edeke loka Aburaam, Edeke loka Isaak, Edeke loka Yakob da.” Kibwa Musa akekonyen; naarai abu koyoŋ asesen Edeke.

7 # Age 18:21. Kiner EJAKAIT ebe, “Aany eut aiticanio naka ikatuŋa luejaas Misiri, eira akeceimony kanuka ŋul kaluitwasamacte kes; naarai ajeni ikececan: 8#Age 11:5; Any 12:51; Ikis 1:25; Mar 13:27. Adokunit ayuun kes kakan naka Imisirian, aitonyoun kes kakwap kaŋin aitolomar akwap naejok, naelal, akwap naeleleete akile ka esik; aibois naka Ekanaanit, ka Ekitit, ka Emorait, ka Eperisit, ka Ekibit, ka Eyebusit. 9#Any 1:11. Aso koany, kadoloki aimony naka idwe luka Isirael: bobo da aany aroikinit naeroikinitotor Imisirian kes. 10#Sab 105:26; Mik 6:4. Bia do, keyakia neejai Parao, kitolom ikatuŋa idwe luka Isirael koMisiri.” 11#1 Sam 18:18; 1 Ika 3:7-9; Isa 6:5,8; Yer 1:6. Kobala Musa Edeke ebe, “Iŋai bo eoŋ, loalosi neejai Parao? aitolomun idwe luka Isirael koMisiri?’’ 12#Age 31:3; Ikis 31:23; Yos 1:5; Isa 43:2; Rom 8:31. Kotema atiar, “Abeit ajaenena Eoŋ kajo; ido na ŋes aanyunce nakitejenuni jo ebe Eoŋ keyakiarit: naidaunia aitolomun ituŋa ŋul koMisiri, ijaanakinete Edeke komoru kalo.”

13 # Any 6:2-3; Age 32:29. Kotema Musa Edeke ebe, “Koany, naadolokinio eoŋoŋ idwe luka Isirael, kalimokin kes ebe, ‘Edeke loka lukapapaakus ŋes keyakunit mama ijaas yesi’; kes da keŋisete eoŋ ebe, ‘Ekekiror iŋai?’ alimokini kes biai?” 14#Apu 1:4,8; Any 6:3; Yok 8:58; Bur 13:8. Kobala Edeke Musa ebe, “AJAI KWAPE AJAAR.” Kobala ebe, “Ilimokini idwe luka Isirael ebe, ‘AJAI ŋes keyakunit mama ijaas.’’’ 15#Sab 135:13; Kos 12:5. Kobala Edeke Musa ebe, “Ilimokini idwe luka Isirael ebe, ‘EJAKAIT, Edeke loka lukapapaakus, Edeke loka Aburaam, Edeke loka Isaak, Edeke loka Yakob da, ŋes keyakunit mamakus’: ŋol ŋes ekakiror ikar kere, ŋin da ŋes aiituneteka anatar aturio kere. 16#Age 48:15; 50:24; Any 2:25; 4:31; Ikis 26:7; Sab 80:14; Luk 1:68. Kolot, kotukonok imakio luka Isirael nepepe, kolimok kes ebe, ‘EJAKAIT, Edeke loka lukapapaakus, Edeke loka Aburaam, loka Isaak, loka Yakob da, ŋes abu ketaanyikinkobalaebe,” Abeit kaanyana yes, aany nukiswamanakinio koMisiri: 17#Age 15:14. ŋes abalar atiar, Ketolomuni yes kaiticanio naka Misiri alomar akwap naka Ekanaanit, ka Ekitit, ka Emorait, ka Eperisit, ka Ekibit, ka Eyebusit, akwap naeleleete akile ka esik.’” 18#Mar 23:3. Iirarete ekoniporoto: ibuni ijo ka imakio luka Isirael, mama ejai ekabaka loka Misiri ilimokinete ebe, ‘Abu EJAKAIT, Edeke loka Iburanian keriamunos kasio; asa keŋaiŋait, kisiikinai kaloto alosit naka apaarasia auni toma amodiŋ; ainakin asuban neejai EJAKAIT Ekosideke.’ 19Ajeni kojokan ebe, mam ekabaka loka Misiri kisiikini yes alosit, eebo, karaida kakan nakagogoŋ. 20#Any 7:3; 12:31; Ikis 6:22; Nek 9:10; Sab 105:27; 135:9; Yer 32:20; Asw 7:36. Ariori eoŋ da akakan, kasodi aidany Misiri kere kaumokinetaka kere nueswamai kokidiŋikec: kokau kaŋun kisiikini yes alosit. 21#Any 11:3; 12:35-36; Sab 106:46; Awa 16:7. Ido ainilini ituŋa ŋul aminunio kakonyen nuka Imisirian: asa nainyounioto, mam inyounete atitai: 22#Age 15:14; Any 11:2; Yob 27:17; Awa 13:22; Esk 39:10. Konye ilipi ŋiniberu akeidunyet, ka ŋin da naiboie kotogoke, iboro luka epuesa ka iboro luka esabu, ka igoen: isirete ikusidwe lusap ka lupesur; ido iŋasete Imisirian.”

Currently Selected:

Anyoun 3: AOV1961

Highlight

Copy