Anyoun 15

1 # Apu 15:3; Tub 5:1; 2 Sam 22:1. Kosodete Musa ka idwe luka Isirael ayeikin EJAKAIT ckosio lo, kobalas ebe,

“Ayeikini EJAKAIT, naarai epiko cut:

Abu kocakak ebalasi ka ekebwanenonike toma aŋolol.

2 # Sab 118:14; Isa 12:2; 2 Sam 22:47; Sab 99:5. EJAKAIT ŋes akagogoŋ ka ekosioka,

Aluor ŋesi aitajarioka:

Lo ŋes Ekadeke, eturenenei ŋes;

Edeke loka papaka, etopolonori ŋes.

3 # Apu 19:11; Sab 83:18. Erai EJAKAIT ekajion:

EJAKAIT ŋes ekekiror,

4Acakaki agalin ka aiore naka Parao toma aŋolol;

Alumosi lukapolokoke luseuna Aŋolol Nakaren an.

5Arapa kes aidules:

Ejesaros neidul kwape amoru.

6 # Sab 118:15. Wu EJAKAIT, ibus akonikan naketeten kotoma agogoŋ,

Wu EJAKAIT, idecideci akonikan nakoteten lokasurup.

7 # Sab 59:13; Ikis 4:24; Bur 12:20; Isa 5:24. Ibirori kes lukinyoikinete asurokin jo

Kotoma apolou naka aibusesukon:

Iyakuuni anyunyurakon, kicwe kes kwape agugu.

8 # Yob 4:9; Kbk 3:10. Ido ekwam loka okumesikon itadakuni akipi,

Kobwaata akalel atukon;

Korurwak aidules otau loka aŋolol,

9 # Isa 53:12; Luk 11:22. Abala lokasurup ebe,

‘Atupakini, adolokini, akori lunatan;

Isimonikinio akainobel kamakec;

Autuni ekakileŋ, emudiari akakan kes.’

10Ibu kitukut ekwamukon, korapa aŋolol kes:

Kolumosi kwape asasit toma akipi nukagogonok.

11 # 2 Sam 7:22; 1 Ika 8:23; Sab 86:8; Yer 49:19. Wu EJAKAIT, iŋai eputosi bala jo kotoma odekesinei?

Iŋai eputosi bala jo, loibus kotoma alaunit,

Lokiyonitai kotoma aiturio, loiswamai nukaumokin?

12Ibu korio akonikan nakoteten,

Kiliko kes akwap,

13 # Sab 78:54. Kotoma akoniitim ibu kinarenik ituŋa luilakuni:

Ibu kiteten kes kagogoŋukon kiton aiboisikon nakalaunan.

14 # Yos 2:9; Sab 48:6. Apuput atekerin, emaranete:

Abu ariebo kikam iuibciete koPilisitia.

15 # Kbk 3:7. Koumokis do lukapolok luka Edom;

Kikam amaran imaseniko luka Moab;

Elicaros luibojete ‘kere koKanaan.

16 # Ikis 2:25; 1 Sam 25:37; Ikis 32:9; Isa 43:1; Yer 31:11; Tit 2:14; 1 Pet 2:9; 2 Pet 2:1. Ebirokini kes ailiili ka etasuro;

Kanuka apolou naka akonikan epalarito kwape amoru;

Aitodol neilamarotor ikonituŋa, wu EJAKAIT,

Aitodol neiiamarotor ikonituŋa luibu kodum,

17 # Sab 44:2. Itolomari, iraikini kes oroŋat loka airumetekon,

Aibois naitemonok ijo aiboi kotoma, wu EJAKAIT,

Aibois nakalaunan, naetogogonoete akaninikon, wu EJAKAIT.

18Irumi EJAKAIT ikar kere.”

19Naarai apotu ibalasin luka Parao nepepe kagalinikec ka ikebwanenok kolomasi aŋolol, kinyakak EJAKAIT akipi nuka aŋolol mamakec; konye koloto idwe luka Isirael kaneeonit kidin aŋolol. 20#Tub 11:34; 21:21; 1 Siit 15:16; 1 Sam 18:6; Sab 68:25; 81:2; Yer 31:4. Koyana Miriam anabi, kinaci naka Aaron, isiman kakanike; kolomasi aŋor kere kotupasi ŋes kojaas kisiman kikosiete, 21Koboŋok Miriam kes atiar,

“Koyeikisi EJAKAIT, naarai epiko kapolou;

Abu kocakak ebalasi ka lokebwanenonike aŋolol.”

22Kinarenik Musa Isirael anyoun kAŋolol Nakareŋan, kolomasi kodoloto amodiŋ naka Sur; koloto apaarasia auni komodin, komam edumunete akipi. 23#Mar 33:8; Rus 1:20. Kedoloto Mara, mam apotu kopedosi aimat akipi nuka Mara, naarai adwarak: ŋes amaikinere ekiror ŋol Mara.#15:23 Mara Apolouke Adwaris. 24Kirurumakis ituŋa Musa, kobalas atiar, “Inyo bo do kimasi?” 25#Any 14:10; 17:4; Sab 50:15; 2 Ika 2:21; 4:41; Yos 24:25; Any 16:4; Ikis 8:2,16; Sab 66:10; 81:7. Komony ŋesi mama ejai EJAKAIT: kitodik EJAKAIT ŋes ekitoi, kocakak akipi, koluoros akip nukajijimak,

Nen ŋes esilakinia kes ekisil ka aicorakinet, kitem kes kanen. 26#Ikis 7:12; 28:27; Any 23:25; Sab 103:3; 147:3. Kobala ebe, “Arai kidunyak ijo arimar eporoto loka EJAKAIT Ekonideke, kiswama naedolit kakonyeke, kitoik akit aicorakinetake, koric ikekisila kere, mam kebwaikini jo adekesia kere, nuebwaik Imisirian; naarai arai Eoŋ EJAKAIT Ioketanaleuni jo.”

27 # Mar 33:9. Kodoloto Elim, neajaas ikico itomon kaarei luka akipi, ka idukudukun akaisakanykaarei; kidukuroto nen neajaas akip.

Currently Selected:

Anyoun 15: AOV1961

Highlight

Copy