Anyoun 13

1Kotema EJAKAIT Musa atiar, 2#Mar 3:13; 8:16; 18:15; Luk 2:23; Any 22:29,30; Leb 27:26; Ikis 15:19. “Kitalaikinai eoŋ ikiyaik kere luepukorete aliligeta kodwe luka lsirael, yenika ituŋanan ka yenika itiaŋ: erai yenikaŋ.”

3 # Any 12:42; Ikis 16:3; Any 6:1. Kotema Musa ituŋa atiar, “Kiitununete apaaran na, nailomuniata koMisiri, kotogo loka ebulesene; naarai abu EJAKAIT kitolom yes kagogoŋ naka akan kaibois kaŋin: sirikinyama imugatin luitubuunitoi. 4#Any 23:15; 34:18; Ikis 16:1. Kapaaran kana inyounete kolap loka Abib. 5Kosodi nakitodolio EJAKAIT jo akwap naka Ekanaanit, ka Ekitit, ka Emorait, ka Ekibit, ka Eyebusit, naeyapoikinit lukapapaakus ainakin jo, akwap naeleleete akile ka esik, idarenenei aijaanakin na kolap kalo. 6#Any 12:15,16. Konyamenenei imugatin lumam itubuunitoi apaarasia akanykaarei, apaaran nakikanyetekaarci da ŋes apaaran naka epucit loka EJAKAIT. 7Konyamenenei imugatin lumam itubuunitoi adaun apaarasia nukanykaarei; komam etakanete kamakon imugatin luitubuunitoi, karaida yenikitubuunet atakan kamakon, koikorunokon kere, 8#Sab 44:1. Ilimonokini okokukon kapaaran kaŋin, ebe, ‘Erai kanuka ŋun nuabu EJAKAIT keswamak naanyounio koMisiri.’ 9#Any 12:14; Mar 15:39; Ikis 6:8; 11:18; Isa 49:16; Yer 22:24; Mat 23:5. Eluor aanyunet kakanikon, aisiitunet da kokidiŋ kakonyekon, tetere ejaun ekisil loka EJAKAIT aitukukon: naarai abu EJAKAIT kitolom jo koMisiri kakan nakagogon, 10ŋes ibusakinitor aricenen ekisil ŋol kapakike nolikaru.

11 # Age 15:18; 17:8; Sab 105:42-45. Kosodi nakitodolio EJAKAIT jo akwap naka Ekanaanit, kwape kolo eyapoikinia jo ka lukapapaakon, kiinakini da, 12#Any 34:19-20; Luk 2:23; Any 22:29; Leb 27:26; Mar 18:15; Esk 44:30. Igitakini EJAKAIT nin yenepukori aliliget, ka yenikiyai yeniiaatar yenelomuni kotian; eraunos lukiliok luka EJAKAIT. 13#Mar 3:46. Ido imerekek ilakununia ŋinikiyal yenika asigiria; arai mam ipuda alakun, ibili do emurisinike: ilakununei ikiyaik kere luka ituŋa kodwekon. 14#Any 12:26; Ikis 6:20; Yos 4:6,21. Kosodi nakinisia okokukon jo kapaarasia nuepote ebe, ‘Inyo bo yen?’ ilimokini ŋes ebe, ‘Abu EJAKAIT kitolom oni koMisiri, kotogo loka ebulesene kagogoŋ naka akan, 15Kosodi naaneritor Parao aisiikin sio anyoun, abu EJAKAIT koar ikiyaik kere luka akwap nako Misiri, ikiyaik luka ituŋa, ka ikiyaik luka itian: kanuka nun ŋes ainakinia eoŋ EJAKAIT kere yenepukori aliliget, lueraas ikiliok; konye alakuni ikiyaik kere luka odweka.’ 16#Ikis 6:8. Eraun aanyunet kakanikon, ka nakoreet kokidin kakonyekon: naarai abu EJAKAIT kitolom oni koMisiri kagogon naka akan.”

17 # Any 14:11; Mar 14:1; Ikis 17:16. Kosodi kedau Parao aisiikin ituŋa alosit, mam Edeke abu kitotor kes orot loka akwap naka Ipilisitian, karaida keapie; naarai abala Edeke ebe, “Diat ekuriakaros ituŋa arai keanyut ejie, kosodete aboŋor Misiri.” 18#Any 11:2; Mar 33:6. Konye abu Edeke kitotor ituŋa erot loka amodiŋ ariri naka Aŋolol Nakareŋan: konyout idwe luka lsirael kakwap nako Misiri ekapito lujiis. 19#Age 50:25; Yos 24:32; Asw 7:16. Koyanaaria Musa akojo nuka Yosep: naarai abu Yosep kisiyapoikinite cut idwe luka Isirael ebe, “Abeit kianyanari Edeke yes; iyanaariata akakoio anyoun kane.” 20#Mar 33:6. Kosodete konyout koSukot, kidukuroto Etam, ariri naka amodiŋ, 21#Ikis 1:33; Nek 9:12,19; Sab 78:14; Isa 4:5; 1 Kor 10:1. Kinarenik EJAKAIT kes kepir loka edou paaran ainarenikinit korot: ido kepir loka akim kuare, acaikinit kes; tetere elosete paaran ka kuare. 22#Sab 121:5-8. Epir loka edou paaran, ka epir loka akim kuare, kojaenena kakonyen nuka ituŋa.

Currently Selected:

Anyoun 13: AOV1961

Highlight

Copy