Amos 5

1 # Yer 7:29. Ŋo ekek loka Isirael, kiira akirot na,

Naenera eoŋ akuudian joo

2“Ebiror abekot naka Isirael;

Mam enyouni bobo:

Alatakin alupoke;

Emamei yenitonyouni.”

3Naarai ebala EJAKAIT Edeke kwanata ebe:

“Ere loalomunia elukumit, Ideunos akwatat,

Ŋol da loalomunia akwatat, Ideunos itomon,

Lukokek loka Isirael.”

4 # 2 Siit 15:2; Isa 55:3. Naarai ebala EJAKAIT ekek loka Isirael kwanata ebe:

“Komoata eoŋ, ijarete;

5 # Amo 4:4; 8:14. Konye sirikimoata Bet-el,

Karaida alomar Giligal,

Sirikitoroto Beer-seba:

Naarai abeit elosi Giligal aijoreorio,

Epalun Bet-el.”

6Komoata EJAKAIT, iiarete;

Kinyek anokun kwape akim kokek loka Yosep,

Idopori komameun yenitudeŋi kobet-el,

7Yes luibelokinete etube araun adwaris,

Luicakakinete adolit kwap!

8 # Yob 9:9; 38:31,34; Amo 4:13. Komoata ŋes lokesubi aacer Piliades ka Orion,

Loibelokini etolim loka atwanare araun atupuruc, Loitumutonori apaaran kakuare;

Loenyarauni akipi nuka aŋolol,

Ebukokini kes toma akwap;

EJAKAIT ŋes ekekiror.

9Enesari ŋesi lukagogonok katular,

Tetere ebunokini amudiar ere loegogon.

10 # Isa 29:21; 1 Ika 22:8. Elaete ŋin yenitoroni korute,

Esacete ŋin yeninera nuitenara,

11 # Mik 6:15; Sep 1:13. Aso do naarai ipudapudaete lokican,

Itelemete ŋes akima,

Ipotu kodukoto itogoi luka amor nuegerer,

Konye mam iboiete kotoma;

Ipotu kiraata amanat nuejok nuka emusabibu,

Konye mam imasete ebinokec.

12 # Isa 29:21. Naarai ajeni kwape ipuatar aibucanaretakus,

Kwape da eiliiliotor aronisiokus;

Yes luiroikinete ikadolitok,

Luitelemenenete ainakineta,

Luiremosi luilwaritos awai korute.

13Kanuka ŋun ililiŋi locobe kapak kaŋin;

Naarai erai apak naerono.

14 # Sab 34:12-16; Awa 11:27; Isa 1:16,17; Mik 6:8; Mat 7:7; Rom 2:7-9; Mik 3:11. Komoata aiokis, konye mere aronis, Tetere ijarete:

Tetere ejaenena EJAKAIT,

Edeke loka ajoresio kayes,

Kwape kibalatar.

15 # Rom 12:9; Any 32:30. Kolaata aronis, kominas ajokis,

Kiticat etube korute:

Motoko kosianak EJAKAIT,

Edeke Ioka ajoresio,

Aatoŋot naka Yosep,

16 # Yer 9:17. Kanuka ŋun ebala EJAKAIT,

Edeke loka aioresie, EJAKAIT, kwanata ebe:

“Ejaun aimony toma asisiarin kere nuelalak;

Ebalasi kotoma orotin kere ebe,

‘Wu okwe! Wu okwe!’

Enyaraunete ekakorion aibworo,

Ka nul da luepiriaka akuudian, aimony.”

17 # Any 12:12. Ebala EJAKAIT ebe,

“Ejaun teni aimony amanat kere nuka emusabibu:

Naarai etori eoŋ kidinikus.”

18 # Isa 5:19; Esk 12:22; Mal 3:1; 2 Pet 3:4. Itukwi yes luimielas apaaran naka EJAKAIT!

Kanukinyo ikototor apaaran naka EJAKAIT?

Erai kereka amuton, kwabo mere aica.

19Bala ekeri etuŋanan kama kenatuny, Kiriamas kedubu;

Arai elomari togo kogonakin akan arwatat, Kokonyi ŋes emun.

20Mam kereka apaaran naka EJAKAIT eraun amuton,

Kwabo mere aica?

Amuton naeiesi cueucue,

Naemamei amwekimwek kotoma?

21 # Isa 1:11. “Alait, ameni ipueinokus,

Kwabo mam esiyalamikinit atukonokinetakus nukaiyamakina.

22Eebo, karaida iinakinete eoŋ ainakinetakus nuieweio ka ainakineta nuka akiria,

Mam acamuni kes:

Mam da etei ainakinetakus nuka ainapakin Nuka itianikus luetarioko.

23Kolema ca ijo eporoto loka ikososineikon;

Naarai aneri apupun aruo naka adeudeunokon,

24Konye kolelei etube kwape akipi,

Ka adolit da kwape aguurut naelelei ikar kere.

25 # Asw 7:42. “Ijo ekek loka Isirael, ipotu kereka koinut eoŋ asuban ka ainakineta kamodiŋ ikar akaisaoŋon? 26Eebo, ipotu kodakata Sikut ekabakakus ka Kaiwan aputosiakus, aacerit naka edekekus, loipotu kiswamaut.” 27Ebala EJAKAIT, loerai ekekiror Edeke loka aioresio ebe, “Kanuka ŋun, ainakini yes aijoreoreo juwai Damasiko.”

Currently Selected:

Amos 5: AOV1961

Highlight

Copy