Amos 2
2
1 #
Isa 15:1–16:14; 25:10-12; Yer 48:1-47; Esk 25:8-11. Ebala EJAKAIT kwanata ebe:
“Kanuka aibucareta auni nuka Moab,
Eebo, kanuka aoŋon, mam ejulakini aiticanioke;
Naarai abu kiewe akoio nuka ekabaka loka Edom koraut ekurwon.
2 #
Yer 48:41. Konye ejukakini Moab akim,
Idopori itogoi lukapolou luka Keriot;
Etwani Moab kelulu ka ecelet,
Ka eporoto da loka arupepe.”
3 #
Mar 24:17; Yer 48:7. Ebala EJAKAIT ebe,
“Agelari ekatubon kokidinike,
Aari ikapolokoke kere nepepe kaŋes.”
4 #
Leb 26:14; 2 Sam 12:9,10; 2 Siit 36:14-17; Nek 1:7; Isa 5:24; 28:15; Esk 20:13,16; Dan 9:11; Yer 16:19. Ebala EJAKAIT kwanata ebe:
“Kanuka aibucareta auni nuka Yuda,
Eebo, kanuka aoŋon, mam eiulakini aiticanioke;
Naarai aneroto ekisil loka EJAKAIT,
Mam apotu korieito akeicorakineta,
Kitapaa kes ainalakec,
Naatupenenete lukapapaakec.
5 #
Kos 8:14. Konye ejukakini Yuda akim,
Idopori itogoi lukapolou luka Yerusalem.”
6 #
Isa 29:21; Amo 5:11,12. Ebala EJAKAIT kwanata ebe:
“Kanuka aibucareta auni nuka Isirael,
Eebo, kanuka aoŋon, mam ejulakini aitieanioke;
Naarai egwelanarete ikadoliton kanuka epuesa,
Ka yenikiean da kanuka amuk.
7 #
Isa 10:2; Esk 22:11; Leb 20:3; Esk 36:20; Rom 2:24. Luipudapudaete akwes nuka lukican kotoma apua nuka alup, Lueremorete awai erot loka luitasonos:
Elomanarete etuŋanan ka papake mama ejai apese,
Aitisil ekakiror lokalaunan.
8 #
Any 22:26; 1 Kor 10:21. Erioros eiduny kanolitem konapen luademasi araut aititineta, Ido toma togo loka Edekekee emasete ebino
Loka ŋul luaponi kitegelai.
9 #
Mar 21:24; Ikis 3:8-11. “Konye abu eoŋ kamudia Emorait kakonyenekee,
Kosubite akeoiau bala aojau naka iresia,
Kogogon bala iluan;
Konye abu kamudia araitoke kokuju,
Ka aliasike da kokwap.
10Ido abu eoŋ ketolom yes kakwap nako Misiri,
Kenarenik yes ikar akaisaoŋon kamodiŋ,
Aisurum akwap naka Emorait.
11 #
Tub 13:5; Mar 6:1-8. Abu eoŋ kadakak odwekus araun inabin,
Ikusikatumunak da araun Inasirin.”
Ebala EJAKAIT ebe,
“Wu yes idwe luka Isirael,
Mam kereka ekote nen?
12 #
Isa 30:10; Asw 4:18. “Konye ipotu koinakis Inasirin ebino aimat;
Ipotu kieorakis inabin ebe, ‘Sirikidwarata.’
13“Koany, aridakini yes kaiboisikus,
Kwape eridakinor agali naileleba iisutan,
14Etwaniari loetirono aŋopis,
Mam lokagogonon itogogoni akegogoŋ,
Karaida lokirigi aitajar akeijar.
15Loikesi akabwa mam ebwoi;
Loetirono kakeje da mam eyuuni bon:
Loibwaneni ebalasit da mam itaiari akeiiar.’
16Ebala EJAKAIT ebe,
“Ŋol da loetitin kotoma lukirigin
Ekeri emuialal kapaaran kaŋin.’
Currently Selected:
Amos 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
