Aswamisio 7

1Kotema losasedoti lopeti atiar, “Ikote kereka akiro ŋun nen?” 2#Age 12:1; Sab 29:3; Age 11:31; 15:7. Kosodi Sitepan ebe,

“Iinacan ka lukapapa da, kiirarai. Abu Edeke loka aibuses kotakanik papaawok Aburaam, nakejaar Mesopotamia, eroko iboikino Karan, 3#Age 12:1; 48:4. kotema ŋes atiar, ‘Konyou kotoma akwapukon, ka ajenakon, kolot akwap naketodikini.’ 4#Age 11:31; 12:4. Kosodi konyou kakwap naka Ikaludean, kiboikin Karan. Ketwana papake kitonyou Edeke ŋes kanen kiton akwap na naiboito yesi kwana; 5#Age 12:7; 13:15; 15:18; 17:8; 48:4; Ikis 2:5. kwabo mam keinakinit adioirumet, karaida nekicakakina akeju, konye kisumun ainakin ŋes airum, ka aurike naetupanakini, nakerokor ŋes ikoku emamei, 6#Age 15:13-14; Any 2:22; 12:40. Kinera Edeke nuikote nen ebe eraun akeur apeionon kotoma akwap naka ituŋa ice, luitubulesenete kes, ikonakinete kes erono apak naka ikar akwat aoŋon. 7#Any 3:12. Kobala Edeke ebe, ‘Atubokini eoŋ ateker ŋin naitubulesene kes; akaulo kaŋun elomunete, kamaete eoŋ kaibois kana.’ 8#Age 17:10-14; 21:2-4; 25:26; 29:31–35:18. Koinak ŋes aitutuket naka aikep. Kouri do Aburaam Isaak, kokep kapaaran nakikanyetekauni; Isaak kouri Yakob, Yakob da kouri lukapapaawok lutomon ka luarei.

9 # Age 37:11,28; 39:2,21; 45:4. “Koreata lukapapaawok Yosep, kogwelasi Misiri. Kojai Edeke nenipe kaŋes, 10#Age 41:39-41; 39:21; Sab 105:21. Kolem ŋes kotoma aiticanioke kere, koinak aminunio ka acoa kakonyen nuka Parao, ekabaka loko Misiri, kitarau ŋes ekayaiton loko Misiri kere, ka eketogo da kere. 11#Age 42:1-2; 41:54. Kosodi koiau ebeli akwap kere nako Misiri ka Kanaan da, ka aiticanio naepol, lukapapaawok da mam edumuna inyamat lukedaunito. 12#Age 42:2. Konye nakiiraria Yakob ebe ejaas akima Misiri, kijuka lukapapaawok irwan nasodit, 13#Age 45:1,3,16. Kiton alosit nakiareit kitejenikin Yosep ikeinacan, kojenun do ateker naka Yosep kama ka Parao, 14#Age 45:9-10; 17:18; Age 46:27; Any 1:5; Ikis 10:22. Kijuka Yosep, konyarau Yakob papake, ka akejena kere, ituŋa akaisakanykaarei ka lukany. 15#Age 46:1-7; 49:33; Any 1:6. Kijesar Yakob Misiri, Kotwana, ŋes ka lukapapaawok; 16#Age 23:3-16; 33:19; 50:7-13; Yos 24:32. koyaŋaarai kiton Sekem, kidaikinai toma ates ya nakegwelit Aburaam kotiai loka epuesa kama ejaas odwe luka Kamor koSekem.

17 # Any 1:7-8. “Konye nakeapuunia apak naka aisumunet naabu Edeke koinak Aburaam, kipuaros ituŋa, kiyatakinos noi koMisiri, 18aitodol naanyounio ekabaka ece koMisiri, lomam ajeni Yosep. 19#Any 1:10-11,22; Age 24:7. Koŋopik ŋol atekerewok, kikonak lukapapaawok erono, kicorak acakanar ikecemukerun tetere mam ejarete. 20#Any 2:2; Bur 11:23. Kouriai Musa kapak kaŋin, kerai ŋesi yenikejok noi kama ejai Edeke. Kosaai ilapio iuni kotogo loka papake; 21#Any 2:3-10. kiton neacakarere, kiraru akoku naka Parao, kitan ŋes kwape ikekoku. 22Kituutooroi Musa kacoa kere nako Misiri, kogogoŋor kotoma akiro ka aswamisio da.

23 # Any 2:11-15. “Kedolo ikekaru bala akaisaoŋon, kineru kotauke alosit aanyun ikeinacan idwe luka Isirael. 24#Any 2:12. Koany ediopet ikonakinio erono, koyu ŋol lokereitai kinyaŋak kinom Emisiriat: 25koomit ebe ejenunete iinacanake ebe ainak Edeke aitajario kakanike; konye mam apotu kojenut. 26#Any 2:13. Kapaaran naatupakini kitakanikin kes nakecelatar, kokoto aidiek kes, kobala ebe, ‘Ikatuŋa, iraas yesi iinacan, kanukinyo ikonanakinotor erono?’ 27#Any 2:14; Luk 12:14. Konye lokikonakini onaceke erono koremo ŋes, kobala ebe, ‘Iŋai bo kiidakakini jo araut ekayaiton ka ekatubon kamakosi? 28Ikoto kereka aiar eoŋ da, kwape bian iaria Emisiriat?’ 29#Any 2:15,22; 18:3-4. Koker Musa kakirot kaŋin, korau epejonon kakwap nako Midian, kouru kaŋina idwe iarei.

30 # Any 3:1-10; Ikis 33:16. “Kosodi ketuboros ikar akaisaoŋon, kitakanikin emalaika loka Ejakait kotoma amodiŋ naka Emoru Sinai, kaipelonoreta nuka akim kotoma okiot. 31Nakeanyunia Musa, koumok nuaanyu; nakikunyakinia aanyun, kobu eporoto loka Ejakait ebe, 32#Any 3:6. ‘Arai eoŋ Edeke loka lukapapaakon, Edeke loka Aburaam, ka loka Isaak, ka loka Yakob da.’ Komaran Musa, komam etitiŋikini asesen. 33#Any 3:5. Kotema Ejakait ŋes atiar, ‘Kolaca amuk kakejenekon, naarai aibois naibwoia erai akwap nakalaunan, 34#Any 2:24; 3:7,10. Abeit aany aiticanio naka ikatuŋa luejaas Misiri, eira da eidinyikec, ejesun eoŋ ayuun kes. Aso kwana, kejukari jo Misiri.’

35 # Any 2:14. “Musa ŋol lokegirete kobalas ebe, ‘Iŋai bo kiidakakini jo araut ekayaiton ka ekatubon da?’ ŋes kijukari Edeke araut ekayaiton ka ekayuunan kakan naka emalaika lokitakanikin kotoma okiot. 36#Any 7:3,10; 14:21; Mar 14:33. Ŋol ŋes kitolomuni kes, kedau aswam nukaumokin ka aanyuneta koMisiri ka Aŋolol Nakareŋan, kamodiŋ da apak naka ikar akaisaoŋon, 37#Ikis 18:15,18; Asw 3:22. Ŋes Musa ŋol lokelimokini Isiraelin ebe, ‘Kitonyoikini Edeke yes enabi kotoma oinacanakus kwape kaeoŋ.’ 38#Any 19:1–20:17; Ikis 5:1-33; Asw 7:53; Ikis 9:10. Ŋol ŋol loajai okanisa toma amodiŋ nepepe ka emalaika Iokineras kaŋes kotoma Moru Sinai, ido kalukapapaawok; ŋes lokedumuni akiro nuka aijar ainakin oni. 39#Mar 14:3. Kogiroto lukapapaawok arimar ŋes, konye koremosi, kinyakasi ikecetauon Misiri, 40#Any 32:1,23. kolimokis Aaron ebe, ‘Kosubakinai sio idekesio lukiŋarenikinete; naarai mam kijeni nuadoikis Musa ŋol, lokiitolomuni kotoma akwap nako Misiri.’ 41#Any 32:2-6. Kapaarasia kaŋun kosubut itaok, koinakis asuban mama ejai aput ŋin, kolelakis aswam naka akaninikec. 42#Amo 5:25-27; Yer 19:13. Konye kibelokin Edeke, kojalak tetere emaete ajore naka akuj; kwape kiwadikatere oitabo loka inabin ebe,

‘Ipotu kereka koinakis eoŋ itiaŋ luearitai ka asuban,

Ŋo ekek loka Isirael, ikar akaisaoŋon kamodiŋ?

43Ipotu kodakasi ewema loka Molok,

Ka aacerit naka edeke Repan,

Aputosia nuiswamata tetere imaete:

Ketwobosi yes koloto neelwana adepar Babulon.’

44 # Any 25:9,40. “Kejaas lukapapaawok ewema loka aitejenunet kamodiŋ, kwape kicorakinia lokineras ka Musa, aswam koriakas kaput nakeanyuni. 45#Yos 3:14-17; 18:1; Age 17:8; 48:4; Ikis 32:49. Apotu lukapapaawok, kabeikinikec kitolomut ŋes nepepe ka Yosua, nakebeata airumet naka atekerin, nuereŋear Edeke kakonyen nuka lukapapaawok, kiton apaarasia nuka Daudi; 46#2 Sam 7:1-16; 1 Siit 17:1-14; Sab 132:5. lokedumun asianut kakonyen nuka Edeke, kilip adumakin Edeke loka Yakob eyekalu. 47#1 Ika 6:1-38; 2 Siit 3:1-17. Konye abu Solomon kodukok ŋes etogo. 48#Isa 66:1,2. Kwabo Loejai kuju kakuj mam iboie kotogoi luiswamao kakanin; kwape inerar enabi ebe,

49 # Isa 66:1-2. ‘Akuj ŋes ekaicolon,

Ka akwapin da iicoloŋ yenika akakeie,

Ebala Ejakait ebe, Etogo enyoin kidukokinete eoŋ?

Arai aibois anyoin naebworaria?

50Mere kereka akakan iswamat ŋun kere?’

51 # Isa 63:10; Any 32:9; Leb 26:41; Mar 27:14; Yer 9:26. “Yes lueninik imurisiŋa, lumam ekepitai itauon ka aki, irebirebete tiritir Emoyo Lokalaunan. Kwape eswamaata lukapapaakus, yes da iswamaete kwape kwaŋin, 52#2 Siit 36:16; Mat 23:31. Enabi ali lomam lukapapaakus areito? Apotu koarata lukedwarete akiro nuka abunore naka Ekadoliton; lokwana ibilakis yesi ebotet, koarata da, 53#Any 20:1-26; Gal 3:19; Bur 2:2. yes luipotu kodumut ikisila kwape icorakinitotor imalaikan, komam iricito.”

54 # Asw 5:33. Kosodi nakiirariata akiro ŋun, konomos noi itauonokec, kiriamanakis ikel asurokinia ŋes. 55#Luk 22:69. Konye Sitepan kileleba Emoyo Lokalaunan, kosesen toma akuj, koany aibuses naka Edeke, ka Yesu da ebwoi kakan nakoteten naka Edeke; 56kotema atiar, “Koany, aanyuni akuj eŋaara, ka Okoku loka etuŋanan ebwoi kakan nakoteten naka Edeke.” 57Konye koresiaros keporoto loepol, kisikakis akeceki, kosomakinos ketau ediopet, 58#Asw 22:20. Kireŋeasi kore, kibiribiroto kamor; kibwaikis ikajenak ikecenapen akeje nuka ekatumunan loanyaritai Saul. 59#Sab 31:5; Luk 23:46. Kibiribiroto Sitepan kamor, kilip ŋesi ebe, “Ejakait Yesu, kiira ekamoyo.” 60#Luk 23:34. Kokukokin kiworo keporoto loepol ebe, “Ejakait, sirikimarak kes aronis na.” Kedau einer ŋun, kojotoor.

Currently Selected:

Aswamisio 7: AOV1961

Highlight

Copy