3 Yokana 1

1 # Asw 19:29; Rom 16:23; 1 Kor 1:14; 2 Yok 1:1. Eoŋ ekimat ewadikakini Gaio lominat, loamina kotoma abeit.

2 # 2 Yok 1:4. Lominat, kelipak jo ajaut ejok kakiro kere, koŋale da, kwape ejaar akoniijar ejok. 3Naarai abu keyalama noi naadolunioto iinacan kitejenut da abeitekon; kwape ilosenenoo kotoma abeit. 4Emamei eoŋ aiyalama naepol adepar na, apupun ebe elosenenete ikadwe kotoma abeit,

5Lominat, iswamai aswam namunot naiswamakini iinacan ka ipejok da, 6#Tit 3:13. lukitejenut akonimin kakonyen nuka ikanisan. Iswamakini kes ejok ainyamakin kes kwape ibusakinitor Edeke. 7#Asw 20:35; 1 Kor 9:12,15. Naarai alomasi kesi kanuka Ekiror, komam ijaunito ibore kama ka ikapirin. 8#Bur 13:2; 2 Yok 1:10. Aso kiburao oni aisukunyun luikote nen, tetere kiraun ikeswamak lukaupakec kotoma abeit.

9Abu kewadikak ekanisa ece; konye Dioterepes loekot aiŋarenikin mam abu kisukunyik sio. 10Kanuka ŋun, arai kabu, esiituni akeswamisio nuiswamai; kidacanakini sio akiro nueroko, Komam ŋun edaunete ŋes, eŋeri ŋesi aisukunyun iinacan, itikokini da ŋul luekotosi aisukunyikin kes, ireŋeari kokanisa,

11 # 1 Yok 3:6,9. Lominat, siriroki nueroko, dimarai nuejok, Yeniswamai nuejok erai yenika Edeke; yeniswamai nueroko mam eanyunit Edeke. 12#Yok 19:35; 21:24. Itejenunete ituŋa kere nuka Demeterio, itejenuni da abeit alopet; isio da kitejenuni, ido ijeni ebe erai aitejenunikosi nakabeit.

13 # 2 Yok 1:12. Ajaas eoŋ nuipu aiwadikakin jo, konye mam akoto aiwadikakin jo kebwino ka akwara; 14konye amuno aanyun jo katipet, kenerata kaituke. 15Kojai ijo ainapakin. Kiyogaete jo ipapero. Kiyoga ipapero kwape ejaatar ikiroriakec.

Currently Selected:

3 Yokana 1: AOV1961

Highlight

Copy