2 Isesalonikan 1
1
1 #
Asw 17:1; 1 Ses 1:1. Paul, ka Siluano, ka Timoteo,
Mama ejai ekanisa loka Isesalonikan lokotoma Edeke Papawok ka Ejakait Yesu Kristo;
2 #
Rom 1:7. Asianut kojai mama ijaas ka ainapakin nuepote kama ejai Edeke Papa ka Ejakait Yesu Kristo.
3 #
1 Ses 1:2,3; 2 Ses 2:13. Iinacan, kiburao sio aimalaenen Edeke apaarasia kere kanukus, kwape kibusakinitor, naarai iyata noi akusiiyuun, idila da akusiminanar ŋinituŋanan kayesi kere mama kayenice. 4#2 Kor 7:4; Apu 1:9; 1 Ses 2:19; 3:2,7. Kiton sio da kiwolobobot kanukus kotoma okanisan luka Edeke kanuka atitiŋikinikus, ka aiyuun kotoma areokus kere, ka aiticanio naiŋirikinito.
5 #
1 Ses 2:12; Pil 1:28; Luk 21:36. Ŋes aanyunet cut naka etube loedolit loka Edeke, kosodete kitubusikin yes ajakanut naka Edeke, nakiticanere yes kanuke. 6#Apu 18:6,7; Rom 12:19. Naarai edolit kakonyen nuka Edeke atacakin aiticanio lukiticanete yes, 7#Mat 25:31; 1 Ses 3:13; 4:16. yes da luiticanio kisiyeŋunio nepepe kasio, kotoma apukorio naka Ejakait Yesu naebunio kotoma akuj nepepe ka imalaikan luka akepedor, kotoma akim naesarani, 8#Rom 2:8; Isa 66:15; Yer 10:25; Sab 79:6; 1 Pet 4:17. inyaŋi kama kaŋul lumam ejenete Edeke, ka ŋul da lumam erimarito Akiro Nukajokak nuka Ejakaitiwok Yesu. 9#Isa 2:10,19,21. Egelitikec ŋes amudiario naka ikar kere, enyounete kakonyen nuka Ejakait, ka aibuses naka agogoŋuke da, 10#1 Ses 3:13; Kol 3:4; Sab 89:7; 69:36; Isa 49:3; 2:11,17. naebunio ŋesi kapaaran kaŋin, tetere itopoloorio kotoma kalukalaunakake, ka aumokinio da kotoma kaluiyuunito kere, naarai iyuunitos yesi akosiitejenun. 11#1 Ses 1:2,3. Tape da kilipanakini yes apaarasia kere, tetere kitubusik yes Ewokodeke kanyariteke, kitodolik da kapedor ŋiniwomisioit kere nakajokis, ka aswam da naka aiyuun, 12#Isa 24:15; 66:5; Mal 1:11. tetere itopoloorio ekiror loka Ejakaitiwok Yesu kotomakus, yes da kotomakeŋ, kwape ejaar asianut naka Edekewok ka Ejakait Yesu Kristo.
Currently Selected:
2 Isesalonikan 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
