2 Ikabakan 24

1Kapaarasiake kobu Nebukadenesar ekabaka loko Babulon, korau Yekoiakim ekejaanakinanike ikar iuni: kosodi kibelokin kipaliik. #Leb 26:25; 2 Ika 17:5; 2 Siit 36:6; Yer 25:1,9; 46:2; Dan 1:1.

2Kijukak EJAKAIT irioŋeta luka Ikaludean asurokin ŋes, ka irioneta luka Isurian, ka irioŋeta luka Imoabin, ka irioneta luka idwe luka Amon, kijuka kes amudiar Yuda, kwape ajaar akirot naka EJAKAIT, naenera kama kikekejaanakinak inabin. #Ikis 28:49,50; Yer 25:9; 32:28; Esk 19:8; 2 Ika 20:17; 21:12; 23:27. 3Abeit kobunok ŋin Yuda kaieorakinet naka EJAKAIT, alemar kes kakon yeneke, kanuka aronisio nuka Manase, kwape ajaatar kere nueswamat ŋesi; #2 Ika 21:2,11; 23:26. 4Kanuka aokot da nuamameete aronis nuabukori ŋesi, naarai abu kileleb Yerusalem aokot nuamameete aronis: mam EJAKAIT akoto amm, #2 Ika 21:16; Yer 15:1; Aku 3:42. 5Aswamisio kere nuka Yekoiakim, ka nuabu kiswama kere, mam kereka iwadikatai oitabo loka aisiitonokin nuka ikabakan luka Yuda? 6Kojotoor Yekoiakim kalukapapaake: kirum Yekoiakin okokuke aiboisike. #2 Siit 36:6. 7Mam abu ekabaka loko Misiri kobu bobo anyoun kakwapuke: naarai abu ekabaka loko Babulon koyana kere luaraas luka ekabaka loko Misiri, ageun kaguurut nako Misiri kiton ocor Eupurat. #Yer 37:5; 46:2.

8Kerai Yekoiakin loka ikar itomon ka lukanykauni egeuni airum: kirumak ilapio iuni koYerusalem: ekiror loka totoke kerai Nekusutan akoku naka El-natan loko Yerusalem. #1 Siit 3:16; Yer 24:1; 22:24. 9Kiswama nueroko kakonyen nuka EJAKAIT, kwape ajaatar kere nukiswamat papake.

10Kapaarasia kanun kopotu ikeiaanakinak luka Nebukadenesar ekabaka loko Babulon Yerusalem, kirigaunai ere, #Dan 1:1. 11Kobu Nebukadenesar ekabaka loko Babulon ore, koroko ikekeiaanakinak irigaunito; 12Kolom Yekoiakin ekabaka loka Yuda neejai ekabaka loko Babulon, ŋes, ka totoke, ka ikekeiaanakinak, ka ikapolokoke, ka ikapolokitokoke: kikam ekabaka loko Babulon ŋes okaru lokikanyerekauni loka airumuke. #Yer 24:1; 29:1,2; Esk 17:12; Yer 25:1; 2 Ika 25:27; Yer 52:28. 13Koyana nina iboro kere luka akais nuipu luka etogo loka ekabaka, kojepejep iboro kere luka esabu lueswamat Solomon ekabaka laka Isirael koyekalu loka EJAKAIT, kwape abalar EJAKAIT, #Isa 39:6; Dan 5:2; 1 Ika 14:15; Yer 20:5. 14Koyaŋa lukoYerusalem kere, ka ikapolok kere, ka ituŋa lukirigin kere luetitin, ilukumin itomon lueioreorio, ka ikeswamak kere luepiriaka, ka ikatatak; mam luapotu kideunos dimarai lukican luka ituŋa luka akwap, #2 Siit 36:9,10; Yer 24:1; 39:10; 40:7; 1 Sam 13:19,22; 2 Ika 25:12. 15Koyana Yekoiakin Babulon; ka toto naka ekabaka, ka aŋor nuka ekabaka, ka ikapolokitokoke, ka ijaka luka akwap, kiioreo Babulon alemar ko Yerusalem, #2 Siit 36:10; Est 2:6; Yer 22:24,25; Esk 1:2. 16Ituŋa kere lukirigin, ilukumin ikanykaarei, ka ikeswamak luepiriaka ka ikatatak elukumit, kes kere lukagogon luapedorito ejie, kijoreo ekabaka loko Babulon kes Babulon. #Yer 52:28. 17Kitarau eka baka loko Babulon Matania onaee loka papake ekabaka aiboisike, kilocok ekekiror komaik Sedekia. #Yer 37:1; 1 Siit 3:15; 2 Siit 36:10,11; 2 Ika 23:34; 2 Siit 36:4.

18Kerai Sedekia loka ikar akaisaarei ka lodiopet egeuni airum; kirumak ikar itomon ka lodiopet Yerusalem; ekiror loka totoke kerai Kamutal akoku naka Yeremia loka Libuna. #2 Siit 36:11; Yer 37:1; 52:1; 2 Ika 23:31. 19Kiswama nueroko kakonyen nuka EJAKAIT, kwape kejaatar kere nueswamat Yekoiakim. 20Naarai abu kodol koYerusalem ka Yuda kanuka anyunyura naka EJAKAIT, aitodol naedaunia aireŋear kes kakonyeneke. #Ikis 4:24; 29:27,28; 2 Ika 22:16,17; 23:26,27; Esk 17:15; 2 Siit 36:13.

Currently Selected:

2 Ikabakan 24: AOV1961

Highlight

Copy