1 Isesalonikan 2
2
1 #
1 Ses 1:5,9; 2 Ses 3:7. Naarai ijenete yesi iinacan, ebe akosilomun mamakus mam kerai atai; 2#Asw 16:19-24; 17:1-9. konye karaida kiiticanitai ka aiswamakinio da nukepali koPilipi, kwape ijeniata, kipou katitiŋikisi kotoma Edekewok, alimonokin yes Akiro Nukajokak nuka Edeke kauta naepol. 3Naarai alimonokinikosi mam erai naka aiŋal, karaida naka asilianut, karaida kotoma aimod, 4#Yer 11:20; Gal 1:10; 1 Tim 1:11. konye kwape kicamakinia Edeke isio araut lukimunoi kotoma Akiro Nukajokak, kwape kwaŋin kinerar, mere aitalakar ituŋa, dimarai aitalakar Edeke loiteteni itauonokosi, 5#Asw 20:33; Mk 12:40; 2 Pet 2:3. Naarai mam kijaa kakiro nuisupete apakio kere, kwape ijeniata, karaida nuerapete airaŋaanut, erai Edeke ekajenan; 6#Yok 5:41,44. mam kipou kamootos aibuses kama kituŋa, karaida kamakus, karaida kama kice, nakipedoria alaŋirikinit yes, kwape ikiyakia luka Kristo. 7Konye kipou keyapeperas kokidiŋikus, kwape akasaan naitani ikedwe alopet. 8Kwaŋin kipodori yes, ketojokata akorakin yes mere Akiro Nukajokak nuka Edeke bon, konye akosiijar da, naarai iraas iminanakosi noi.
9 #
1 Kor 4:12; Asw 20:34. Naarai, iinacan, iitunito yesi akosiitaaritoi ka ailolony; nakiswamaenena akuare ka apaaran da, kenyeis alaŋirikin ituŋanan kere kayesi, kalimonokinete yes Akiro Nukajokak nuka Edeke. 10Iraas yesi ikajenak, ka Edeke da, kwape kijaar kamakus luiyuunito kalaunit, ka adolit, komamei aitoronet; 11#Asw 20:31. kwape ijeniata yesi ebe, kwape icoria papa ikedwe, kipou kecorata ŋinidiopet kayesi, kesinyikokito, ka aitejenun da, 12#Pes 4:1; Pil 1:27; 2 Ses 1:5; 1 Pet 5:10. tetere ilosenenete kwape luibusakinito Edeke, lokinyarit yes alomar toma ajakanutuke ka aibuses da.
13 #
1 Ses 1:2; Gal 1:11; 2 Ses 2:13. Kanuka ŋun da kimalaenenei Edeke tiritir, naarai naijauniata akirot naka Edeke naipupunete kamakosi, ipotu kocamut, mere kwape akirot naka ituŋa, konye kwape eraar abeit akirot naka Edeke, naiswamai da kotomakus kaluiyuunito, 14#Asw 17:5. Naarai, iinacan, ipotu koputosi ikanisan luka
Edeke Iukotoma Kristo Yesu, Iuejaas Yudaya; naarai apotu ikusituŋa kiticanata yes da, kwape eticaniata Iyudayan lukec; 15#Asw 2:23; 7:52; 9:23,29; 13:45,50; 14:2,5,19; 17:5,13; 18:12. luapotu koarata Ejakait Yesu ka inabin da, ido kireŋeto sio, kwabo mam kes isiyalamikinito Edeke, isuruposi kituŋa kere, 16#Age 15:16; Mat 23:32,33. kirebokinito da sio alimonokin Imo tetere itajario, kosodete aitodolikin adiakanaretakec apaarasia kere. Konye ekokoikin kes cut anyunyura naka Edeke.
17 #
Rom 1:11,13. Konye iinacan, kipou isio katiakasi kayes apak naedit, kakonyen, kwabo mere kotauon, kipou kadunyakis noi noi aanyun akusikonyen kaimue naepol; 18naarai kipou kakotosi aponare mamakus, eoŋ Paul, irwan nasodit ka nakiareit da, konye kitikok Satan sio. 19#Pil 2:16; 4:1; 2 Ses 1:4. Naarai inyo bo amunokosi, arai aiyalama, arai aboko naka aolobob kakonyen nuka Ejakaitiwok Yesu kotoma abunoreke? Mere yes? 20Naarai iraas yesi akosiibuses ka aiyalama da.
Currently Selected:
1 Isesalonikan 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
