1 Petero 2
2
1 #
Pes 4:22; Yak 1:21. Aso kolemasi awai aronis kere, ka aimod kere, ka aisoswanut, ka ekokote, ka esiomit da kere. 2#1 Kor 3:2; Bur 5:12,13; Mat 18:3. Kwape imukerun lupeurio kwape kwana kimielas akile nukemoyo nuemamei aimod, tetere kitopoloete yes adolore aitajario; 3#Sab 34:8. arai ipotu kiirata ajokis naka Ejakait.
4 #
Sab 118:22; Isa 28:16; Mat 21:42; Asw 4:11. Ipote mamakeg, amoru naejari, naanerete ituŋa, konye kama ejai Edeke erai naseuna, naketiai loepol; 5#Pes 2:21,22; Rom 12:1. ka yes da kwape amor nukajarak kidukio koraut etogo lokemoyo, esasedotene lokalaunan, ainanakin asuban nukemoyo, nuitojokit Edeke kanuka Yesu Kristo. 6#Isa 28:16; Rom 9:33. Naarai ejai toma nuiwadikatai ebe:
“Koany, apesikini eoŋ koSion amoru nakapolon naka agor,
Naseuna, naketiai loepol,
Ido yeniyuuni ŋes mam irumete ileic.”
7 #
Sab 118:22; Mat 21:42. Aso mamakus luiyuunito erai ŋesi loketiai loepol; konye mamakec lumam iyuunito,
“Amoru naanerete ikadukok,
Araun nakapolon naka agor.”
8 #
Isa 8:14-15; Rom 9:33. Bobo da,
“Amoru naitiguikinet, ka atiiba nakebiroron”;
iguikinos akiro naarai mam erimarito, kwape elosikinitere kes.
9 #
Any 19:5-6; Isa 43:20-21; Ikis 4:20; 7:6; 14:2; Tit 2:14; Isa 9:2; Asw 26:18; 2 Kor 4:6; Pes 5:8; Pil 2:15; Apu 1:6. Konye yes iraas ajena naseuna, esasedotene loka ekabakane, ateker nakalaunan, ituŋa obe luka Edeke, kosodete alimonokin nukajokak nuka ŋol lokinyarauni yes anyoun kamuton alomar toma aicake nakaumokin. 10#Kos 1:6,9; 2:1,23; Rom 9:25. Mam kolo iraas ituŋake, konye kwana iraas ituŋa luka Edeke; mam kolo kitimitoi, konye kwana idumut aitimio.
11 #
Sab 39:12; Gal 5:17,24; Pes 2:19; Yak 4:1. Luminan, keŋaiŋait yes kwape ikalotok ka ikeboiororok, ainacenen aiŋobel naka akuan, naejio kaijar. 12#Isa 10:3; Mat 5:16; Yak 3:13. Kojaas kiponesio luejok kotoma Omo, tetere nakisiomiata yes bala ikeswamak nueroko, kitopoloosi Edeke kapaaran naka aanyanario kanuka aswamisiokus nuejokuka.
13 #
Rom 13:1-7; Tit 3:1. Kononokikis ŋiniicorakinet naka ituŋa kanuka Ejakait, arai erai naka ekabaka naarai ŋes itelekarit kere; 14arai naka ikayaitok, luijukuni ŋesi aitican luiswamaete nueroko, ka aiturit da ŋul luiswamaete nuejok, 15#1 Pet 3:16. Naarai nuekoto Edeke kes nuta, yes aswam nuejok tetere itubutarete abaŋaanut naka ituŋa lueolito, 16#Gal 5:13. Luijakakaete, kwabo mere luitwasamaete aijakak ŋin bala araparet aronis; konye bala ibulesin luka Edeke. 17#Rom 12:10; Awa 24:21; Mat 22:21. Kitopoloorito ituŋa kere. Kominas iinacan. Koyoŋito Edeke, Kitopoloorito ekabaka,
18 #
Pes 6:5; Tit 2:9. Yes ibulesin, kononokikis ikusijaka kayoŋite kere, mere lukajokak bonik ka luiyapeperas, konye ka lukadedeŋak da. 19Naarai na ŋes itojokitai, ituŋanan aŋirikin ican kanuka aiitun Edeke, isiriebio komameete akiro. 20#1 Pet 3:14,17; 4:13,14; Mat 5:10. Naarai aiturio anyoin, arai kidiakasi, kibapanar ititiŋikinete? Konye arai kiswamata nuejok, kisiriebi, ititiŋikinete, itojokitai ŋun, kama ejai Edeke. 21#Mat 16:24; Yok 13:15. Naarai aponi konyarakin ŋin, naarai Kristo da aponi kisiriebai kanukus, kinyekinia yes naanyunet tetere ituparete ikukutuke, 22#Isa 53:9; Yok 8:46; 2 Kor 5:21. Mam ŋes abu kodiaka, karaida aimod adumun kaitukuke. 23#Isa 53:7. Naamoromoroere ŋes, mam abu kinyaŋa aimor; naesiriebere, mam abu kitukurian; konye abu kijaikin mama ejai ŋol loetubokini kadolit. 24#Isa 53:5,12; 1 Yok 3:5; Rom 6:11; Bur 9:28. Abu ŋesi elopet kibwok adiakanaretawok kakuanake kokitoi, tetere nakidaunia atwanare kama ejaas adiakanareta, kajarata mama ejai adolit. Imacarinike kes kitaŋaleunete yes. 25#Isa 53:6; Esk 34:5; 1 Pet 5:4; Yok 10:12. Naarai ipotu kopaarito kwape amerekekin, konye kwana iboŋut mama ejai Ekecokon Ekaanyanaran da loka aijarakus.
Currently Selected:
1 Petero 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
