Param Marikanka 2

Serts 7 ra bîla ulbi blikan ba: Epesus ra ulban ba

1“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa: 2Dîa daukisma ba, yang sut kaikisna; wark karna daukisma ba bara ban bapi buisma ba sin, bara kaikisna upla saura dauki nani ba mapara sip ban swiras. Baha nani ai nina apastil mâkisa, sakuna apastil apia bara ai tânka trai kaikram ba sin, yang pain kaikisna; bara kaikram baha nani ba kuninkira nani sa. 3Kasak bapi buram sa, bara yang tâiwan kasak pât wauhram bara wark sin uya takram, swapras pali. 4Kuna mampara diara kum brisna: baha ba lika, pas latwanka lâka bri katma ba tikram sa. 5Baha mita, man pain damra wals ani pali wina kauhram ba, kupiam laks, bara pas piua dauki katma dukia nani ba kli dauks. Kupiam lakras sma kaka, pat pali mampara yang wamna, bara kiandilkam mina ba ai pliska wina sakamna. 6Ban sakuna, naha lika man hilpkam sa: Nikolaitan nani dauki ba man mita kaikan mai daukras, sim yang mita saura kaikisna ba baku. 7¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba,#Bla St 2.9; Par M 22.2. raya kaia dusa Gâd paradaiska ra ba wina, yang mita yârika pibia.’#Isi 28.13; 31.8.

Esmirna ra ulbi blikisa

8“Esmirna sertska insalka ra sin ulbi wis: ‘Tâ ba bara tnata ba sin,#Ais 41.4; 44.6; 48.12; Par M 1.17; 22.13. witinka pruan bara kli raya ba mita, naku wisa: 9Man pât nani wahwisma bara umpira sma ba sut yang kaikisna, man lika yuyakira sma sakuna. Witinka nani ai nina Ju mâki ba bara mampara saura aisi ba sin kaikisna, sakuna baha nani lika Ju apia sa; baha nani lika Sitan daknika uplika nani sa. 10Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna. 11¡Ya ai kiama bri ba, Spirit mita serts nani ra wi ba, pain walbia! Ya ya sip muni pura lubia ba, prura wala ba mita saura kumi sin munbia apia.’#Par M 20.14; 21.8.

Pergamum ra ulbi blikisa

12“Pergamum sertska insalka ra sin ulbi wis: ‘Sord tatwa napa wâl mala bri uplika ba mita naku wisa: 13Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram. 14Sakuna man mampara diara nani brisna: Pergamum ra Balaam smalkanka nina bliki ba tila nani bâra sa; Balaam mita sika Balac ra smalki win, Israel luhpia nani ra yaka saura daukbia,#Kul K 22.5,7; 31.16; Kli S 23.4. aidul nani ra sakripais daukan nani ba pih, bara rug lâka sin daukaia.#Kul K 25.1-3. 15Baku sin Nikolaitan smalkanka nina bliki tila nani brisma, bara baha smalkanka ba yang mita saura pali kaikisna. 16Baku bamna, kli tawi Gâd ra bal; kan baku daukras sma kaka, pat pali man ra wamna, bara sord bîli wina taki ba ni man nani mampara aiklabamna. 17¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ#Imp St 16.14-15; 16.33-34; Jn 6.48-50; Si L 16.20. yukukan ba wina yang mita yârika pibia; bara walpa pihni kum yabamna, bara baha walpaya ra nina raya#Ais 62.2; 65.15. kum ulban sa baha ba upla kumi sin kakaira apia, uplika brisa ba baman.’

Tiatira ra ulbi blikisa

18“Tiatira sertska insalka ra sin ulbi wis: ‘Gâd Luhpia ba, witinka ai nakra nani pauta lakni bri ba ai mina nani bras lipni baku bri ba mita wisa: 19Dîa daukisma ba, yang sut kaikisna; latwan lâka brisma ba yang kaikisna, kasak lukisma ba, warkkam daukisma ba, bara ban bapi buisma ba sin. Yang kaikisna nanara man kau wark daukisma tâura daukram ba wal. 20Sakuna mampara diara kum brisna: baha mairka Jezabel wi ba man mita ban brisma,#1 Ki 16.31; 2 Ki 9.22,30. bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa. 21Witin ra sans yâri ai kupia lakaia, sakuna swin daukras sa witin ai rugka lâka ba wina. 22Baha mita nanara yang daukaisna, witin siknis taki krikri ra prawaia, bara witin wal upla maya lâka sauhki nani ba, luhpia nani ba sin ikamna; mairka dauki ba baku witin nani dauki ba swiras kabia kaka, 23pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna;#Law 7.9; Jir 17.10. bara man nani kumi bani ra dîa daukram ba kat maikamna.#Law 62.11-12; S L 24.12; Isi 18.30; 33.20; Mt 16.27. 24Sakuna man nani Tiatira ra sma ba, baha nani smalkanka nina blikras sma ba, Sitan tânka tihu nani witin nani wi ba baku, man nani lika lan takras. Yang mai wisna man nani puramra lika wirhika wala mangkras sna. 25Sakuna diara pat brisma ba ban alki bri bas, yang balamna ba kat. 26Ya ya sip muni pura lubia ba, bara dîa dîa yang want sna ba ban tnata kat dauki kabia ba, nisan nani purara karnika bri kaia ba yang mita yabamna, 27Aisiki mita yang ra karnika aikan ba baku; bara baha nani kriki tikbia sim sumi nani slaubla ni paskan kan kriki tiki ba baku.#Law 2.8-9. 28Bara titan slilmika ba witin nani ra yabamna. 29¡Ya ai kiama bri kaka, Spirit bui dîa serts nani ra wi ba walaia sa!’

Currently Selected:

Param Marikanka 2: MSKTU

Highlight

Copy