Param Marikanka 13
13
Daiwan saura wâl ba
1Bara yang daiwan saura kum kabu wina bal uluya kan kaikri;#Dn 7.3. witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.#Par M 17.3,7-12. 2Naha daiwra saura kaikri na limi baku kata, mina nani ba wingku tara mina nani baku, bara bîla ba lika layan bîla baku.#Dn 7.4-6. Dragun ba mita witin ra ai karnika, ai kingka iwaika, bara wihta lâka tara alki kaia ba sin yan kan. 3Daiwra tringsar, lal kumi ra insauhkan kum bri kan pruaia praiska; sakuna insauhkanka ba rakan, bara tasba aiska ba tâ iwan, bara daiwra tringsar ba nina blikan. 4Upla sut dragun ra ai pura suni mayuni kan, daiwan saura ba ra karnika yan kan bamna. Witin nani mita daiwan saura ba ra sin ai pura suni mayuni, naku aisin: “¿Ya ba naha daiwra saura na wal baku sa ki? ¿Ya witin mapara aiklabaia sip sa ki?”
5Daiwra saura ba ra sin adar yan kan, Gâd mapara praut bara bîla saura nani sin aisaia, bara karnika sin yan kan kati 42 wihta aimakaia. 6Baha baku daukan; Gâd mapara aisan,#Dn 7.8,25; 11.36. watla ba mapara, bara kasbrika purara upla nani ba mapara diara saura aisin. 7Witin ra sin yan kan, Gâd uplika nani mapara war daukaia, sut pura lubia ba kat; bara karnika yan taika bani purara,#Dn 7.21. upla nani ba purara, bîla sât sât aisi ba purara, bara nisan sât bani purara sin. 8Tasba paskan piua wina, Sîp Luhpia ikan ba raya kaia#Law 69.28; Par M 3.5. wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.
9Man nani kiamam brisma kaka, wali bas:
10“Baha nani silak ra mangkaia kan ba
silak ra brih wan kabia;#Jir 15.2; 43.11.
bara ani uplika sord ni ikaia kan ba,
sord ni ikan kabia.”
Nahara kaikbia Gâd uplika kasakka lukan ba nahki bapi buaia ba sin.
11Baha ningkara, daiwra saura wala kum tasba wina bal uluya kan kaikri. Naha na aringka wâl bri kan sîp aringka nani baku, sakuna witin lika dragun baku aisi kan. 12Bara daiwra saura pas kata ba karnika aiska bri kan ai mawan kat. Witin mita muni kan tasba ba bara bahara iwi nani ba sin daiwan saura pas kata ba ra ai pura suni mayunbia wisi, witinka pruaia insauhkanka bri kan wina rawan kan ba. 13Sain tara nani sin dauki kan. Witin lika upla nani sut mawanra kasbrika purara ba wina tasba ra pauta klauhan yan kauhisa. 14Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan,#Mt 24.24; 2 Tes 2.9-10. bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia. 15Bara daiwra saura wala ba ra karnika yan daiwan saura pas ba lilka ra rayaka yabaia dukiara, bara baku baha lilka ba aisaia sip kabia, ban sin baha nani witin ra ai pura suni mayunras kan nani ba ikaia. 16Kau baha purkara, witin mita upla sut ra munan, tuktan nani bara almuk nani, lalahkira nani bara umpira nani, pri uplika nani bara alba nani ra sin, ai mihta aihkika nani ra, apia kaka ai mawan nani purara mark kum mangkbia. 17Bara upla kumi sin markka ba, daiwan saura nina ba, ai nina numbika ba âpu kan kaka, sip apia kan diara atki briaia, diara atki yaia sin.
18Nahara lika sins lâka ba want pali sa; ya tânka bri ba, daiwra saura numbika ba kulki kaikbia, upla numbika ba sa. Baha numbika ba 666 sa.
Currently Selected:
Param Marikanka 13: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
