Blasi Sturka 12

Gâd bui Ebram paiwisa

1Bara yu kum Dawan mita Ebram ra maisa paki win: “Tasbayam wina, tamya nani tila wina bara aisikam watla wina sin taki was, tasba kum yang#Ap St 7.2-3; Hib 11.8. mamrikamna bahara wama. 2Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara. 3Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”#Ap St 3.25; Gal 3.8.

4Ebram Harán tawanka wina taki wan, Dawan bui witin ra win ba baku; bara Lot sin witin wal wan. Ebram 75 mani bri kan, witin taki wan ba ra. 5Bara Ebram ai maya Sarai brin, ai muihni luhpia Lot sin aikuki brin, ai dukia kukanka nani sut, ai uplika nani ai dukia dadaukra nani Harán wina ba sin sut kuki brih, bara impakan Kenan ra waia. Witin nani Kenan ra wan ba ra, 6Ebram baha tasbaya nani bâk lui wan ban Siquem tasbaya bâk, Moré kat wan. Baha piua ra Kenan uplika nani baha tasbaya ra iwi kan. 7Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.”#Ap St 7.5; Gal 3.16.

Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara. 8Baha wina bahara wiria takaski si kli impakan, Betel ilka untika lalmika tani ra wan; bahara ai tintka watla bapan. Betel ba muna tani ra tawan, Ai tawanka ba lalma tani ra. Baha wal lila kat altar wala kum paskan, bahara witin Dawan nina mâki ai pura sunan. 9Baha ningkara witin kau ban tawa tawa ra ai yabalka ba impaki kan ai kainara, Négueb tasbaya ra waia.

Ebram Idsip ra

10Sakuna baha tasbaya aiska ra plun wahwan tara bâra kan, bamna Ebram Idsip ra wan plun tiwan piua ba baman bahara luaia, witin iwan ba tasbaya ra plun âpu kan ba mita. 11Bara witin nani Idsip dimaia lamara wan ba ra, Ebram tawi ai maya Sarai ra naku win: “Mayi, nu sna man mairin pranakira sma, 12Idsip uplika nani mai kaikbia ba ra, witin nani wibia: ‘Naha mairka na waitnika na maya sa.’ Bara witin nani bui yang ra ai ikbia, bara man rayakam ba lika swaki sâkbia, mai briaia mata. 13Bamna man tâmwan yang ra ai ikbiara sîa, pliskam man bui witin nani ra wis, yawan wal wan lakra sa.”#Bla St 20.2; 26.7.

14Ebram Idsip ra wan bara Idsip uplika nani kaikan Sarai mairin pranakira pali kan. 15Bara king fero wihtka tara nani sin kaikan mairin ba mairin painkira sa, bara witin nani wih king ra win. Bara mairka ba witin nani king watla ra brih wan.

16Bara Sarai tâka king fero, Ebram ra yamni pali munan: sîp, bîp, biriku wainhka nani, alba waitna bara alba mairin nani, biriku mairin nani, kiamil nani sut witin ra yaban. 17Baha purkara Sarai Ebram maya tâwan, Dawan mita king fero watla uplika nani ra sut ra siknis ni klala saura yaban. 18Bara king fero Ebram ra paiwan balan bara win: “¿Naha na dîa kan man baku yang ra ai daukram na? ¿Dîa kan man param ai wiras kapram mairka na man maritkam ba? 19¿Dîa muni man ai wiram witin ba man lamkra, bara baku ai munram witin ba yang mayi briaia? Bamna nanara kaiks, man maritkam ba nâra sa. ¡Bris bara mahka taki was naha wina!” 20Bara king fero ai uplika nani ra adar yan Ebram ba swika Idsip wina taki wabia, ai maya sin bara ai dukia nani sin dîa bri ba sut brih wabia.

Currently Selected:

Blasi Sturka 12: MSKTU

Highlight

Copy