Kolosi 3

1Bamna, man nani pat Kraist wal pruan wina mai bukan ba mita,#Ro 6.4-11; Kol 2.12. diara nani kasbrika purara ba pliks, kan bahara sika Kraist ba Gâd lama pali kat iwisa.#Law 110.1; Hib 1.3. 2Kasbrika purara diara nani bâra ba luki bas, kuna tasba ra diara nani ba lika apia. 3Kan man nani lika pruram, bara nanara rayakam ba Kraist wal Gâd ra yukukan sa. 4Man nani rayakam pali ba sika Kraist,#Gal 2.20; Pil 1.21. bara ani piua ra witin param takbia ba ra, man nani sin Kraist wal prana tara tilara latan takma, bara witin wal prana tara ba bri kama.

Rayaka almuk bara rayaka raya tânka ba

5Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa. 6Naha dukia nani na mita, Gâd ai lawanka tara pali brih aula, ai bîla walras uplika nani ba purara.#Epe 2.3. 7Bara naha diara nani sika, piua luan ra man nani rayakam ra dauki katma ba. 8Sakuna nanara naha diara nani sut mahka swis: kupia baiwanka, brinka karna lâka, saura lâka nani, swira daukaia lâka nani, bîlam wina saura aisaia ba sin. 9Pana pana kunin munpara, kan pat tânkam almuk ba wina dakbi mai sakan sa, bara pas piua dîa dîa dauki katma ba wina sin,#Epe 4.22. 10bara tânka raya ba prâmka baku dimram,#Epe 4.24. baha ba kli raya takisa Gâd bui daukan ba tânka kat,#Bla St 1.26; Epe 2.10. witin ai tânka pain bribia ba kat. 11Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

12Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.#Epe 4.2. 13Kumi wala mapara kupiam alki takaski pana pana swakwankam ba swih tiki bas, upla kumi ai walka mapara diara brisa kaka, Dawan mita pâtkam swih tikan ba baku, man nani sin pana pana baku dauki bas.#Epe 4.32. 14Baha sut purkara, latwan lâka kwalka ba dims, baha sika kasakka lâka nani sut asla kumi ra wilkan ba. 15Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.

16Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas. 17Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.#Epe 5.19-20.

Kristian ai tahkia nani wal nahki kaia ba

18Marit mairin nani, man mayam waitna nani ra bawi bas,#Epe 5.22; 1 Pi 3.1. kan naha lika man nani daukaia sma, Dawan ra kasak lalukra nani baku. 19Marit waitna nani, mayam mairin nani ra latwan kaiki bas,#Epe 5.25; 1 Pi 3.7. bara witin nani mapara lâ karna mangkpara.

20Tuktan nani, aisikam nani bîla wali dauki bas, kan naha lika Gâd nakra ra yamni pali sa.#Epe 6.1. 21Aisa nani, yarka luhpiam nani ai kupia baikbiara,#Epe 6.4. witin nani ba ai karnikas baku lukaia apia ba mata.

22Alba nani, naha tasba ra diara sut ra dawankam nani bîla wali dauki bas, witin nani mita mai kaiki ba ra baman lika apia, witin nani wal pain kaia ba tâwan, sakuna Dawan ra sibrin lukisma ba mita, kupiam wina dauki bas kunin âpu pali. 23Dîa dîa man nani daukisma ba ra wilinkira dauki bas, Dawan warkka daukisma baku, upla nani warkka daukisma baku lika apia. 24Bamna, man nani pat kaikisma, Dawan mita prapatika maiki ba maikbia. Kan man nani Kraist dukia daukisma, sim kasak Dawankam pali baku. 25Sakuna ya saura daukisa kaka, ai saurka lâka mana ba bribia,#Epe 6.5-8. kan Gâd lika upla kumi ba upla wala wal aihka kulkras sa.#Kli S 10.17; Epe 6.9.

Currently Selected:

Kolosi 3: MSKTU

Highlight

Copy