1 Jan 5
5
Yawan mita naha tasba pura luanka ba
1Upla bani Jisas ba Kraist sa kasak luki ba, witin lika Gâd luhpia sa; ya aisa kum ra latwan kaikisa kaka, ai luhpia nani ra sin latwan kaia sa. 2Bamna yawan lika Gâd ra latwan kaiki ai lâka nani wankan ba sin daukisa kaka, baha piua yawan pain kaikisa, Gâd luhpia nani ra sin latwan kaikisa. 3Baku bamna, Gâd ra latwan kaikaia ba lika ai lâka bîla nani sin wali daukaia sa;#Jn 14.15; 2 Jn 6. bara ai lâka bîla nani ba mita wirha wan taibras sa.#Kli S 30.11; Mt 11.30. 4Kan Gâd luhpia nani bani ba, naha tasba na pura luisa. Bara naha kasak lukanka ba mita hilp wan munisa naha tasba pura luaia. 5Ani uplika kasak lukisa kaka Jisas ba kasak Gâd Luhpia sa, witin lika sip sa tasba na pura luaia.
Gâd Luhpia dukiara witniska ba
6Jisas Kraist naha tasba ra balan tânka ba lî bara tala wal tânka ra wan marikan sa; lî ni baman apia, kuna lî bara tala wal praki marikan sa. Bamna Spirit pali naha diara na witniska sa, kan Spirit ba sika diara kasak tânka ba. 7Witnis nani ba yumhpa sa: 8Spirit, lî bara tala ba sin; bamna yumhpa sut ba aikuki lukanka kumi brisa. 9Yawan upla witniska ba aitani kulkisa; sakuna Gâd witnis aisi ba lika kau tara sa upla witnis aisi ba wal, kan Gâd witnis aisin witin ai Luhpia dukiara.#Jn 5.32-37; 8.18. 10Ya Gâd Luhpia ra kasak luki ba, witin naha witniska bîla na ai kupia ra ban brisa; ya Gâd ra kasak lukras ba mita, Gâd ba kuninkira sakisa, kan Gâd mita ai Luhpia dukiara witnis aisin ba, witin kasak lukras pali sa. 11Bara baha witniska ba lika Gâd mita raya ban kaia lâka wankan sa, bara naha raya ban kaia lâka na lika ai Luhpia ra sa. 12Ani uplika Gâd Luhpia bri ba, witin naha raya kaia lâka na sin brisa; sakuna ani uplika Gâd Luhpia briras ba, naha raya kaia lâka na briras sa.#Jn 3.36.
Prakaia lakula nani
13Naha ulbisni, man nani bui Gâd Luhpia ra kasak lukisma ba sut ra, bara baku lika damra wali kama man nani raya ban kaia lâka ba brisma.#Jn 20.31.
14Bamna yawan lika Gâd ra wan kupia mangki lukisa, kan yawan kaikisa, witin ai kupia lâka kat dîa dîa makabuya ba wan walisa. 15Yawan kaikisa Gâd wan pura sunra nani ba walisa, baku ba ra sin yawan kaikisa dîa makaban ba sut pat brisa.#Mt 7.7-11; Lk 11.9-13; Jn 15.7,16; 16.23-24; 1 Jn 3.21-22.
16Upla kum kaikisa kaka, ai muihni kum pruaia apia saurka kum daukisa, witin ai pura sunaia sa, bara Gâd mita raya kaia lâka ba yabia, baha ba pruaia apia saurka sa kaka. Saurka bâra sa pruaia dukia, bamna yang wiras bahmuna saurka dukiara puram sunaia. 17Watawanka lâka bani ba saurka sa; sakuna saurka bâra sa sip wan ikras ba.
18Yawan kaikisa ani uplika Gâd ba ai Aisika kulki ba, witin saurka tilara wataukras; kan Gâd Luhpia ba mita main kaiki brisa, bara Sitan mita sip lamara waras sa. 19Yawan pain kaikisa Gâd uplika nani sa, bara tasba aiska na lika Sitan karnika mununhtara sa. 20Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.#Jn 17.3. 21Luhpi lupia nani, gâd kuninkira nani ba aman kaiki bas.
Currently Selected:
1 Jan 5: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
