မးသဲ တဲၤဆူကူၢ်
တဲၤဆူကူၢ်
စီၤမးသဲဒီဆးတဲၤသးလဳၢ်သးလၤအံာ်အဝၱၤအကဲ ထဲၢ်ဘၱာ်စဲာ် ယ့ၣ်ရှူးမၱာ်တဲၤအၣ်မါခးအံာ် အကမဲၤလှိထာ်က့ၤတဲၤတပွဲၤ, ဒဳစခဳးစစဲ ကဘၱာ်စဲာ်အတဲၤအၣ်မါခးအံာ်အအီၣ် စဲာ်စါထံ အလံၤလၤ တဘဲာ်အပူၤ ဘဲာ်မဲၤပ့ထာ်ဇီၤ ထာ်ကဲၤနဳၤ. တဲၤသးလဳၢ်သးလၤအံာ်အဝၱၤ အကဲအယဳၤ မၱာ်တဘဲာ်ထ့ယူဒၤဖဳးအနံၤခံ, ထဲၢ်ဒဳစအီၣ်လၤကၱာ်စဓဳၤထာ်အလ့ၤလီၤနီး, မၱာ်လၢ်ခဳးသဒဲဘဲာ်အနံၤခံနဳၤ.
စီၤမးသဲဝှ့းလၤလၤတံၤလၤဆ့းအဲးဇဲၤနဲၤတပွဲး. အစာ်ထာ် ဘၱာ်စဲာ် ယ့ၣ်ရှူးအီၣ်လၤ, အဒီ ဆး စတဲၤဖဳးစူထံကၱာ်တဲၤနှးကါ, မဲၤဝှါဒဳၣ် စစး ထာ် စတဲၤဖၱးတဲၤမဲၤထဲၢ်အမၱာ်တဲၤဒီထိးလၤ, တဲၤ သဲာ်လှိ, ကၱာ်တဲၤမဲၤ လှဲမဲၢ်ပၠၤအတဲၤတၱၢ်တဲၤဆဲ ဒဳကၤလံၤလဲက့ၤနဳၤ. အယဳၤဝှါအလ့ၤကါစဲာ် အယဳၤအတဲၤဝှ့းမှါအံာ်တစီာ်မၱာ်ယ့ၣ်ရှူးအတဲၤဟဲးကျဲးစးထာ် ဒဳကၤ လံၤလဲက့ၤဓဳၤဒဳ ယရူၤၡလ့ၣ်ကၱာ်တဲၤမဲၤအန့ၤအဓဳၤအမူၤဘ့ ယ့ၣ်ရှူး အတဲၤအီၣ်သမိအကဓူၤလါတဆီးဒဲ, အယွံၢ်ဓဳၤမဳၤဓဳၤကဓူမၱာ် စဘဲာ် ထးလၤကျဳၤဒဳ သဳာ်ပျီၤထူၣ်စူညါအလီၤကၱာ်စတဲၤထာ်ပဳၤက့ၤနဳၤ.
စဲာ်တဘဲာ်ယဳၤအဒီဆးယ့ၣ်ရှူးမၱာ်အစာ်ဘိ ဆရၣ်ဓဳၤတပွဲၤ, ထဲၢ်အအီၣ်အံာ်တဲၤဖျူတဲၤသရ့ာ်အကဒီဆးကဘၱာ်စဲာ်အတဲၤသိၣ်တဲၤသီ အထာ်ပဳၤထာ်ဘါ, ကၱာ်အကသဲာ်လှိအံာ်မီၢ်ခဳး အထံအက့ၤအဝၱၤအကဲနဳၤ. ဒဳစတဲၤသဲာ်လှိ အီၣ်အဲကျၤအတဲၤစဳဖူးအလဲၢ်နဳၤ, အကျဳၤပူၤ အီၣ်ယဲၢ်ဓဲ, (၁) တဲၤဒီထိးဒဳခီးလီခဳးမၱာ်အဘဲာ်ကၠးတဲၤ ကမ့ၤအ့းလိၤ, တဲၤဖၱးတဲၤမဲၤ, တဲၤခွဲးတဲၤယာ် ကၱာ်အတဲၤကဓူၤလါနဳၤ. (အကျၢ်ဓဳၤ ၅-၇), (၂) တဲၤထိး နၢ်အံာ်အပျဲၢ်အဘီၣ်ရှံးကၠံၢ်ပွဲၤအဘဲာ်ကၠးတဲၤဖၱးတဲၤမဲၤ တစီာ် (အကျၢ်ဓဳၤ ၁၀), (၃) မီၢ်ခဳးအထံအက့ၤ အကလဲၤ (အကျၢ်ဓဳၤ ၁၃), (၄) တဲၤ သဲာ်လှိ အံာ်အပျဲၢ်အဘီၣ်အထာ်ပဳၤထာ်ဘါ (အကျၢ်ဓဳၤ ၁၈), ကၱာ် (၅) တဲၤသဲာ်လှိ အဘဲာ်ကၠးမူၤနံၤ လ့ၢ်ဓူၢ်ကၱာ်ကဘၱာ်စဲာ်အထံအက့ၤ အတဲၤ ဓဳၤလ့ၤ (အကျၢ်ဓဳၤ ၂၄-၂၅).
တဲၤဝၱၤတဲၤကဲအကျဳၤပူၤ
ယ့ၣ်ရှူးခရၱာ်အတဲၤအီၣ်လၤကၱာ်အခွံအသလဲ (၁:၁—၂:၂၃)
အဖဳးစူထံစီၤယိၤဟၣ်အတဲၤဖၱးတဲၤမဲၤတစီာ် (၃:၁-၁၂)
ယ့ၣ်ရှူးအတဲၤဖဳးစူထံကၱာ်ခးဘဲာ်တဲၤနှးကါ (၃:၁၃—၄:၁၁)
ယ့ၣ်ရှူးအတဲၤဖၱးတဲၤမဲၤပၠၤအပဳၤအဟီးအကျဲ ဒဳကၤလံၤလဲက့ၤ (၄:၁၂—၁၈:၃၅)
ဒဳကၤလံၤလဲက့ၤဓဳၤဒဳယရူၤၡလ့ၣ်အူး (၁၉:၁—၂၀:၃၄)
အကဓူၤကါတဆီးဒဲဒဳယရူၤၡလ့ၣ်အူး ကၱာ်အဘိးထၱးအူး (၂၁:၁—၂၇:၆၆)
ဘၱာ်စဲာ်အတဲၤထာ်ပဳၤက့ၤကၱာ် စတဲၤဒဲလၱၢ်ထာ်စန့ၤ (၂၈:၁-၂၀)
Currently Selected:
မးသဲ တဲၤဆူကူၢ်: GBA
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.