لوقا 46:20-47

«توراتی معلِمون کا دوری بَکَرَه، اَوِن خِشینَه که بِلَنده اَبا اون نَه راه بِشون. خِشینَه که مردم کوچه بازارون کا اَوون را سلام بِکَرِن و عِبادتگاه اون کا چاکترین جِگا اون بِدارِن و میهمونیون کا مِجلِسی کَفایی نَه سَری کا بِنِشن. اَوِن، ایی وَری نَه ویوه ژِنکون کَ اون غارت بَکَردین و اَ وَری نَه، اِشتَن چاک نیشون دوعِه واسی، طولانی دعا بَکَردین. چَوون مکافات بَرک چَتین تَر بَبی.»